ભારતમાં પેટ્રોલની કિંમત 84. 99 રૂપિયા પ્રતિ લિટર સુધી પહોંચી ગઇ છે. જ્યારે પાડોશી દેશ પાકિસ્તાનમાં પેટ્રોલ લગભગ 51.61 રૂપિયા પ્રતિ લિટર છે. પરંતુ દુનિયામાં ઘણા એવા દેશો છે જ્યાં એક લિટર પેટ્રોલ માટે 100થી વધારે રૂપિયા આપવા પડે છે. એક લિટર પેટ્રોલ માટે 100 રૂપિયાથી વધારે કિમત વસૂલતા દેશોની સંખ્યા લગબગ 45 છે. ત્યારે 5 એવા પણ દેશ છે જ્યાં પેટ્રોલની કિંમત 132-145ની વચ્ચે છે.
ડેનમાર્કેમાં 132 રૂપિયા નેધરલેન્ડમાં 134 રૂપિયા નૉર્વેમાં 140 રૂપિયા હોંગકૉંગમાં 144 રૂપિયા અને આઇસલેન્ડમાં 145 રૂપિયામાં પ્રતિ લિટર પેટ્રોલ મળી રહ્યુ છે.( તમામ આંકડાઓ રાઉન્ડ ઑફમાં) ખાસ વાત તો એ છે કે આ તમામ દેશો વિકસિત છે અને અહીંયાના લોકોની લાઇફ અને આવક સારી છે.
ત્યારે સસ્તુ તેલ વેચવાની જો વાત કરવામાં આવે તો દુનિયામાં સસ્તું પેટ્રોલ અત્યારે સાઉથ અમેરિકાના દેશો વેનેજુએલામાં છે- 68 પૈસા પ્રતિ લિટર. જે પછી ઇરાન બીજા સ્થાન પર આવે છે જ્યાં પેટ્રોલ લગભગ 20 રૂપિયા પ્રતિ લિટરમાં મળી રહ્યુ છે અને સૂડાનમાં પેટ્રોલની કિંમત 22 રૂપિયા પ્રતિ લિટર છે.
સસ્તુ પેટ્રોલ વેચતા દેશની રેન્કિંગની વાત આવે તો પાકિસ્તાન હાલમાં 32માં સ્થાન પર છે. પરતું કિંમત વધવાની સાથે ભારત આ લિસ્ટમાં 92માં સ્થાન પર છે. ત્યારે દુનિયાના કુલ 91 દેશ એવા છે જેમાં પેટ્રોલ ભારતની સરખામણીએ સસ્તું છે.
આ સિવાય બીજા દેશોની વાત કરવામાં આવે તો નેપાળમાં 69 શ્રીલંકામાં 64 ભૂટાનમાં 57 બાંગ્લાદેશમાં 71 ચીનમાં 81 રૂપિયા પ્રતિ લિટર પેટ્રોલ મળી રહ્યું છે.
ભારતમાં કર્ણાટકની ચૂંટણી પછી પેટ્રોલ-ડિઝલની કિંમતમાં સતત વધારો થિ રહ્યો છે લગભગ 1 અઠવાડિયાથી તેની કિંમતમાં વધી રહી છે.આજે પેટ્રોલ-ડિઝલની કિંમત 30 પૈસાની વધારો થયો છે. ત્યારે ડિઝલની વાત કરીએ તો તેમાં 26 પૈસાનો વધારો થયો છે. ઇન્ડિયન ઑઇલ કંપનીના અનુસાર દિલ્હીમાં 1 લિટર પેટ્રોલ 77.17 રૂપિયામાં મળી રહ્યુ છે. જ્યારે મુંબઇમાં 84.99 રૂપિયા પ્રતિ લિટરની કિંમત પર મળી રહ્યુ છે. અન્ય મેટ્રો શહેરની વાત કરવામાં આવે તો કોલકાતામાં 79.83 રૂપિયા પ્રતિ લિટરમાં પેટ્રોલ જ્યારે ચેન્નાઇમાં 80.11 રૂપિયા ચૂકવવા પડશે.