તમારા કામનું / આ રાજ્યમાં પેટ્રોલના ભાવમાં 8 રુપિયાનો ઘટાડો, જાણો તમારા શહેરમાં કેટલો છે ભાવ

• દિલ્હીમાં પેટ્રોલના ભાવમાં 8 રુપિયાનો ઘટાડો
• કેજરીવાલ સરકારે પેટ્રોલ પર વેટ ઘટાડવાનો નિર્ણય કર્યો
• ડીઝલના ભાવમાં કોઈ ફેરફાર કરવામાં આવ્યો નથી

દિલ્હીમાં પેટ્રોલના ભાવમાં 8 રુપિયાનો ઘટાડો

સરકારી તેલ કંપનીઓએ પેટ્રોલ- ડીઝલના ભાવ જાહેર કર્યા છે. નવા રેટ મુજબ આજે રાષ્ટ્રીય રાજધાની દિલ્હીમાં પેટ્રોલના ભાવમાં 8 રુપિયાનો ઘટાડો કર્યો છે. આજે દિલ્હીમાં પેટ્રોલની કિંમત 95.41 રુપિયા પ્રતિ લીટર છે. ત્યારે ડીઝલ 86.67 રુપિયા પ્રતિ લીટર પર વેચાઈ રહ્યું છે. દિલ્હી ઉપરાંત બાકી કોઈ શહેરના ફ્યૂલ પ્રાઈઝમાં કોઈ ફેરફાર થયો નથી.

કેજરીવાલ સરકારે પેટ્રોલ પર વેટ ઘટાડવાનો નિર્ણય કર્યો

ઉલ્લેખનીય છે કે દિલ્હીની કેજરીવાલ સરકારે પેટ્રોલ પર વેટ ઘટાડવાનો નિર્ણય કર્યો છે. આ નિર્ણય બાદ દિલ્હીમાં એક લીટર પેટ્રોલ 8 રુપિયા સુધી સસ્તું થઈ ગયુ છે. દિલ્હીમાં એક  લીટર પેટ્રોલના ભાવ 103.93 રુપિયાથી ઘટીને 95.41 રુપિયા થઈ ગયું છે. જો કે ડીઝલના ભાવમાં કોઈ ફેરફાર કરવામાં આવ્યો નથી.

શું છે આજના ભાવ

• દિલ્હીમાં પેટ્રોલ 95.41 રુપિયા અને ડીઝલ 86.67 રુપિયા પ્રતિ લીટર છે.
• મુંબઈ માં પેટ્રોલ 109.98 રુપિયા અને ડીઝલ 94.14 રુપિયા પ્રતિ લીટર છે.
• ચેન્નાઈ માં પેટ્રોલ 101.40 રુપિયા અને ડીઝલ 91.43 રુપિયા પ્રતિ લીટર છે.
• કોલકત્તામાં પેટ્રોલ 104.67 રુપિયા અને ડીઝલ 89.79 રુપિયા પ્રતિ લીટર છે.
• લખનૌમાં પેટ્રોલ 95.28 રુપિયા અને ડીઝલ 86.80 રુપિયા પ્રતિ લીટર છે.
• ગાંધીનગરમાં પેટ્રોલ 95.35 રુપિયા અને ડીઝલ 89.33 રુપિયા પ્રતિ લીટર છે.
• પોર્ટ બ્લેયરમાં પેટ્રોલ 82.96 રુપિયા અને ડીઝલ 77.13 રુપિયા પ્રતિ લીટર છે.

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇટના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.