જે વાતને લોકો વ્યંગમાં લઈ રહ્યાં હતા તે વાત રાજસ્થાનમાં હકીકત બનીને સામે આવી છે. રાજસ્થાનમાં સોમવારે પેટ્રોલનાં ભાવે એવો આંકડો પાર કરી નાંખ્યો કે કિંમત સાંભળીને ધ્રાસકો લાગી જશે.
રાજસ્થાનમાં લાગે છે અન્ય રાજ્યો કરતા વધારે વેટ
પેટ્રોલમાં 38 ટકા અને ડિઝલમાં 28 ટકા વેટ લગાવવામાં આવ્યો છે
કોરોનાનાં ફંડ એકત્રીકરણમાં સરકારે પેટ્રોલ-ડિઝલ પર વધારાનો 10 ટકા ટેક્સ લગાવ્યો છે
રાજસ્થાનમાં લાગે છે પેટ્રોલ-ડિઝલ પર સૌથી વધારે વેટ
રાજસ્થાનમાં સોમવારે પેટ્રોલનાં ભાવમાં એવો ઉછાળો આવ્યો કે પ્રતિ લિટર પેટ્રોલની કિંમત 100 રુપિયા થઈ ગઈ. રાજસ્થાનમાં પેટ્રોલ અને ડીઝલ પર દેશમાં સૌથી વધારે વેટ લગાવવામાં આવે છે. જેથી સમાન્ય નાગરિકો અને વેપારીઓએ સરકાર સમક્ષ આજીજી કરી છે કે રાજ્યમાં વેટનાં દરોમાં ઘટાડો કરે જેથી પેટ્રોલનાં વધતા ભાવ પર લગામ લગાવી શકાશે.
સરકારે કોરોનામાં પેટ્રોલ-ડિઝલ પર એકસ્ટ્રા 10 ટકા વેટ વધાર્યો
રાજસ્થાનમાં અન્ય રાજ્યોની સામે વધારે વેટ લગાવવામાં આવે છે જેમાં પેટ્રોલ પર 38 ટકા વેટ લગાવવામાં આવે છે અને ડિઝલ પર 28 ટકા વેટ લગાવવામાં આવે છે. કોરોના માટે ફંડ એકત્ર કરવામાં મશગુલ સરકારે પેટ્રોલ અને ડિઝલમાં 10 ટકા એક્સ્ટ્રા ટેક્સ લગાવી દીધો છે. જેનાં લીધે રાજ્યમાં પેટ્રોલની કિંમત લોકોને હાયકારો આપી રહી છે.
ભાવ ઘટશે નહીં તો પેટ્રોલિયમ વ્યવસાયમાં ખોટ જઈ શકે છે
પેટ્રોલ ડિઝલ એસોશિયેશનનાં પ્રેસિડેન્ટ સુનિત બગઈએ રાજ્ય સરકારને અપીલ કરતા કહ્યું છે કે, રાજ્યમાં લાગુ કરવામાં આવેલ વેટનાં દર ઓછા કરવામાં આવે જેથી પેટ્રોલ અને ડિઝલની કિંમતોને લીધે સામાન્ય જનતાને રાહત મળી શકે. તેમણે વધુમાં કહ્યું કે, જો આવુ નહીં થાય તો પેટ્રોલિયમ વ્યવસાય ખોટમાં પણ જઈ શકે છે.