પેટ્રોલના વધી રહેલા ભાવને લઇને લોકો પરેશાન છે. ભારતના ઘણાં શહેરોમાં હજી પણ આજે પેટ્રોલ 100 રૂપિયે લીટર વેચાઈ રહ્યું છે. તો ભારત સિવાય તમામ દેશોમાં પેટ્રોલના ભાવ સતત વધી રહ્યાં છે.
આ 5 દેશોમાં પેટ્રોલ લીટરે 25 રૂપિયાથી ઓછા ભાવે વેચાય છે
વેનેઝુએલામાં એક લીટર પેટ્રોલનો ભાવ 2 રૂપિયાથી પણ ઓછો
વેનેઝુએલાની જેમ ઈરાનમાં પણ ક્રૂડ ઓઈલનો મોટો ભંડાર
વિશ્વભરમાં પેટ્રોલની સરેરાશ કિંમત લીટરે 91 રૂપિયા
વિશ્વભરમાં પેટ્રોલની સરેરાશ કિંમત લીટરે 91 રૂપિયા છે. પરંતુ આ દરમ્યાન કેટલાંક દેશો એવા છે. જ્યાં આજે પણ એક લીટર પેટ્રોલ પાણીથી પણ સસ્તુ છે. ભારતમાં આખી બોટલની કિંમત લીટરે સરેરાશ 20 રૂપિયા છે. પરંતુ ઘણાં દેશોમાં પેટ્રોલ પાણીથી પણ સસ્તુ છે. આજે અમે તમને 5 એવા દેશોના નામ જણાવીશું. જ્યાં લીટર 25 રૂપિયાથી પણ ઓછા ભાવે પેટ્રોલ વેચાઈ રહ્યું છે.
વેનેઝુએલામાં ક્રૂડ ઓઈલનો વિશાળ ભંડાર
અમેરિકાના પાડોશી દેશ વેનેઝુએલા અત્યારે અસ્થિરતાથી પસાર થઇ રહ્યો છે. આ દેશમાં ક્રૂડ ઓઈલનો વિશાળ ભંડાર છે. પરંતુ અહીં મોંઘવારી ચરમસીમાએ છે. એક રિપોર્ટ મુજબ, વેનેઝુએલામાં પેટ્રોલ લીટરે 2 રૂપિયાથી પણ ઓછા ભાવે વેચાઈ રહ્યું છે. વેનેઝુએલાની જેમ ઈરાનમાં પણ ક્રૂડ ઓઈલનો મોટો ભંડાર છે. ઈરાનમાંથી ક્રૂડ ઓઈલની ખરીદીમાં ભારત પણ એક છે. જોકે, અત્યારે ઈરાનમાં એક લીટર પેટ્રોલ ભારતીય રૂપિયામાં 3.56 રૂપિયે વેચાઈ રહ્યું છે. અમેરિકાના પ્રતિબંધોને પગલે ઈરાન ઓપન માર્કેટમાં ક્રૂડ ઓઈલનું વેચાણ કરી શકતુ.
આ દેશોમાં પેટ્રોલનો વિશાળ ભંડાર
આ સિવાય સિરીયામાં એક લીટર પેટ્રોલ 16 રૂપિયે વેચાઈ રહ્યું છે. સિરીયાની આર્થિક સ્થિતિ ખૂબ નબળી છે. છેલ્લાં એક દાયકાથી આ દેશ આંતરિક જૂથબંધીના કારણે પીસાઈ રહ્યો છે. તો અંગોલામાં એક લીટર પેટ્રોલ 21.37 રૂપિયામાં વેચાઈ રહ્યું છે. ભારતીય રૂપિયાના હિસાબ પ્રમાણે નાઈજીરીયામાં એક લીટર પેટ્રોલ 24.88 રૂપિયામાં વેચાઈ રહ્યું છે. તો કુવૈતમાં 26 રૂપિયે લીટર પેટ્રોલ છે.