છેલ્લા સતત 3 દિવસથી પેટ્રોલ અને ડીઝલના ભાવમાં વધારો થયો છે. સતત ત્રીજા દિવસે ઓઈલ કંપનીઓ (HPCL, BPCL, IOC)એ પેટ્રોલના ભાવમાં વધારો કર્યો છે. પેટ્રોલના ભાવમાં 54 પૈસા વધીને 73 રૂપિયા અને ડીઝલના ભાવ 71.17 રૂપિયા થયા છે. ઉલ્લેખનીય છે કે કાચા તેલના ભાવમામં વધારો થવાના કારણે પેટ્રોલ અને ડીઝલની કિંમતમાં વધારો થયો છે. ભારત જરૂરિયાત કરતાં 80 ટકા તેલ આયાત કરે છે. આ ભાવ વધારાથી સામાન્ય માણસના ખિસ્સા પર અસર મોટી અસર પડશે.
પેટ્રોલ ડીઝલના ભાવમાં વધારો
સતત ત્રીજા દિવસે ભાવ વધતાં સામાન્ય માણસ મુશ્કેલીમાં
પેટ્રોલ 73 રૂપિયા અને ડીઝલ 71.17 રૂપિયા થયું
ક્યાં કેટલો છે નવો ભાવ
આઇઓસીના જણાવ્યા અનુસાર દિલ્હીમાં પેટ્રોલની કિંમત પ્રતિ લીટર 73 રૂપિયા થઈ ગઈ છે. તે જ સમયે, ડીઝલનો ભાવ લિટર દીઠ 71.17 રૂપિયા પર પહોંચી ગયો છે.
મંગળવારે નોઈડામાં એક લિટર પેટ્રોલની કિંમત 75.38 રૂપિયા પ્રતિ લિટર થઈ ગઈ છે. તે જ સમયે, ડીઝલની કિંમત વધીને 65.34 રૂપિયા પ્રતિ લિટર કરવામાં આવી છે.
મુંબઈમાં પેટ્રોલનો ભાવ પ્રતિ લિટર 80.01 રૂપિયા કરવામાં આવ્યો છે. ડીઝલનો ભાવ પ્રતિ લીટર 69.92 રૂપિયા છે.
ચેન્નઈમાં પેટ્રોલનો ભાવ પ્રતિ લિટર 77.08 રૂપિયા છે. ડીઝલની કિંમત 69.74 રૂપિયા પ્રતિ લિટર છે.
કોલકાતામાં પેટ્રોલનો ભાવ પ્રતિ લિટર રૂ 74.98 છે. ડીઝલની કિંમત 67.23 રૂપિયા પ્રતિ લિટર છે.
આ રીતે જાણી શકાશે નવા ભાવ
નવા ભાવ માટે તમે વેબસાઇટની મુલાકાત લઈને માહિતી મેળવી શકો છો. તે જ સમયે તમે મોબાઇલ ફોન પર એસએમએસ દ્વારા દર ચકાસી શકો છો.
92249 92249 નંબર પર એસએમએસ કરીને તમે પેટ્રોલ અને ડીઝલના ભાવ વિશે પણ જાણી શકો છો. તમારે આરએસપી <સ્પેસ> પેટ્રોલ પમ્પ ડીલરનો કોડ લખવો પડશે અને તેને 92249 92249 પર મોકલવો પડશે.
જો તમે દિલ્હીમાં છો અને મેસેજ દ્વારા પેટ્રોલ અને ડીઝલની કિંમત જાણવા માગો છો, તો તમારે આરએસપી 102072 લખીને 92249 92249 પર મોકલવો પડશે.
આ કારણે વધી રહ્યા છે ભાવ
નિષ્ણાંતોનું કહેવું છે કે રશિયા સાથેના ભાવયુદ્ધને કારણે સાઉદી અરેબિયાએ માર્ચ મહિનામાં તેલના ભાવમાં 30 વર્ષમાં સૌથી મોટો ઘટાડો કર્યો હતો. તેમજ હવે ફરીથી ક્રૂડ ઓઇલના ઉત્પાદનમાં કાપ મૂકવાનો નિર્ણય લેવામાં આવ્યો છે. તેથી જ ભાવમાં જોરદાર વધારો થયો છે. OPEC અને તેના સાથી દેશોએ જુલાઈના અંત સુધી ક્રૂડ ઓઇલના ઉત્પાદનમાં બીજા મહિનામાં આશરે એક મિલિયન બેરલ વધારો કર્યો છે. કોરોના વાયરસના કારણે સર્જાયેલી સ્થિતિમાં બજારમાં સ્થિરતા લાવવા આ પગલાં લેવાઈ રહ્યા છે.