મોંઘવારી / ભડકે બળતા ભાવ: અમદાવાદમાં પેટ્રોલ 100 રૂપિયા નજીક, ભાવનગરમાં 101 ને પાર, લોકો હેરાન પરેશાન

• અમદાવાદમાં પેટ્રોલના ભાવ 99.75 રૂપિયા 
• ભાવનગરમાં પેટ્રોલનો ભાવ 101ને પાર 
• પેટ્રોલમાં 29 અને ડિઝલમાં 39 પૈસનો વધારો 

પેટ્રોલ અને ડિઝલના વધતા ભાવને લઈને મોટા ભાગના લોકો ભારે હાલાંકીનો સામનો કરી રહ્યા છે. ત્યારે વળી પાછું આજે પેટ્રોલના ભાવમાં વધારો કરવામાં આવ્યો છે. જેને લઈને સામાન્ય જનતાને વધું તકલીફ વેઠવી પડશે. પેટ્રોલના ભાવમાં 29 પૈસા અને ડીઝલના ભાવમાં 39 પૈસાનો વધારો કરવામાં આવશે. 

અમદાવાદમાં પેટ્રોલનો ભાવ 99.75

આપને જણાવી દઈએ કે અમદાવાદમાં પેટ્રોલનો ભાવ 100 રૂપિયા નજીક પહોચવા આવ્યો છે. 100 રૂપિયામાં માત્ર 25 પૈસા હવે બાકી રહ્યા છે. શહેરમાં હાલ પેટ્રોલનો ભાવ 99.75 રૂપિયા અને ડીઝલનો ભાવ 98.53 રૂપિયા છે. 

ભાવનગરમાં 101ને પાર 

ભાવનગરમાં પેટ્રોલનો ભાવ 101.44 રૂપિયા પહોચી ગયો છે જ્યારે અહીયા ડિઝલનો ભાવ 100.2 રૂપિયા છે. આ સિવાય વડોદરામાં પણ પેટ્રોલનો ભાવ 99.63 રૂપિયા પહોચી ગયો છે. સાથેજ ડીઝલનો ભાવ પણ અહીયા 98.41 રૂપિયાએ પહોચ્યો છે. 

વૈશ્વિક બજારમાં ભાવ વધતા પેટ્રોલના ભાવ વધ્યા 

ઉલ્લેખનીય છે કે પેટ્રોલના વધતા ભાવને લઈને ગઈકાલે નાણામંત્રી નિર્મલા સિતારમણે નિવેદન આપ્યું હતું કે વૈશ્વિક બજારમાં પેટ્રોલના ભાવ વધવાને કારણે આપણા દેશમાં પેટ્રોલના બાવ વધ્યા છે. સાથેજ તેમણે એવું પણ કહ્યું હતું કે પેટ્રોલના વધતા ભાવ સામે કેન્દ્ર સરકાર તેમજ રાજ્ય સરકારે સાતે ભેગા મળીને કામ કરવું પડશે.