પેટ્રોલ ડીઝલના ભાવમાં સતત 15માં દિવસે વધારો 15-12 પૈસાનો ઝીંકાયો વધારો

રાજકોટઃ રાજ્યભરમાં પેટ્રોલ ડીઝલના ભાવમા વધારો થઈ રહ્યો છે. સતત 15માં દિવસે પેટ્રોલ ડીઝલના ભાવમાં વધારો થયો છે. આજે પેટ્રોલના ભાવમાં 15 પૈસાનો વધારો થયો છે. રાજકોટમાં પેટ્રોલનો ભાવ 77.26 લીટર પર પહોંચ્યો છે. જ્યારે ડીઝલના ભાવમાં 12 પૈસાનો વધારો થયો છે. અને હવે રાજકોટમાં ડીઝલના ભાવમાં 74.00 લીટર પર પહોંચ્યો છે.

રોજ વધતો બોજ

અમદાવાદ
પેટ્રોલ    રૂ.77.37     
ડીઝલ     રૂ.74.12 

રાજકોટ
પેટ્રોલ    રૂ.77.26 
ડીઝલ     રૂ.74.00 

વડોદરા
પેટ્રોલ    રૂ.77.95     
ડીઝલ     રૂ.74.73  

સુરત 
પેટ્રોલ    રૂ.77.34 
ડીઝલ     રૂ.74.10 



મહત્વનું છે કે પેટ્રોલ ડીઝલના ભાવમાં રોજ બરોજ વધારો થતા સામાન્ય માનવીની કમર ભાંગી ગઈ છે. પાછલા 15-15 દિવસથી પેટ્રોલ-ડીઝલના ભાવમાં તોતિંગ વધારો ઝિંકાયો છે. જોકે સતત વધી રહેલા ભાવને લઈને અહીં અનેક સવાલો પણ ઉભા થઈ રહ્યા છે.

શુ ક્રુડના ભાવ ઘટ્યા છે તો પેટ્રોલના કેમ વધ્યા છે? શું ખાનગી કંપનીઓને સરકાર પહોંચાડી રહી છે ફાયદો? કંપનીઓને ફાયદો પહોંચાડવા પ્રજા પર નંખાય છે બોજ? સેસ એક્સાઈઝ અને વેટ કેમ નથી ઘટાડાતો? કેન્દ્ર અને રાજ્ય સરકાર કેમ જાહેર નથી કરતી પોલિસી? શું સરકારને પ્રજા પીસાય તેમાંજ છે રસ? 

આ સહિત પેટ્રોલિયમ મંત્રાલય સામે પણ સવાલો ઉભા થયા છે કારણ કે પેટ્રોલિયમ મંત્રી પાછલા કેટલાક દિવસોથી ભાવ વધ્યા છે પરંતુ કોઈ નિર્ણય લેતા નથી. સાથે જ બેઠક કરીને ભાવ ઘટાડવાની વાત પણ માત્ર હવામાં કરી રહ્યા છે. રોજબરોજ 10 20 અને 30 પૈસા ભાવ વધારીને ગૃહિણીઓ સહિત સામાન્ય માનવીનું બજેટ ખોરવી દેવામાં આવે છે. સરકાર માત્ર ભાવ ઘટાડવાના દિલાસા કેમ આપે છે? ભાવ ઘટાડવા માટે કેમ નથી લેવાતા કોઈ નક્કર પગલા? ખાનગી કંપનીઓ પર કેમ નથી રહ્યો સરકારનો અંકુશ? આ સહિતના અનેક સવાલો સરકાર સામે ઉભા થયા છે.