પેટ્રોલ-ડીઝલના ભાવ ઘટવાનું નામ નથી લેતા દિવસે-દિવસે વધતા જાય છે. લગાતાર ચોથા દિવસે પેટ્રોલ-ડીઝલના ભાવમાં વધારો થયો છે. આજે પેટ્રોલના ભાવમાં 22-23 પૈસાનો વધારો થયો છે જયારે ડીઝલના ભાવમાં 22-24 પૈસાનો વધારો જોવા મળી રહ્યો છે.
પેટ્રોલ અને ડિઝલમાં સતત ચોથીવાર ભાવ વધારો થતાં પેટ્રોલ અને ડિઝલના ભાવ ભડકે બળ્યા હતા. અમદાવાદમાં પેટ્રોલના 21 પૈસાના વધારા સાથે રૂ. 74.49એ પહોંચ્યું છે. જ્યારે ડિઝલ 23 પૈસાના વધારા સાથે રૂ. 71.63એ પહોંચ્યું છે. ત્યારે ફરી એકવાર જનતા પર પેટ્રોલ ડિઝલના ભાવ વધારાની માર પડી છે.
દિલ્લીમાં ડીઝલ પહેલાથી બહુ મોઘું થઇ ગયુ છે ત્યારે હવે પેટ્રોલના ભાવમાં પણ ભડાકો થવાની તૈયારીઓ છે. 'ઇન્ડિયન ઓઈલ કંપની'ની વેબસાઈટ ઉપર આપેલ જાણકારી મુજબ આજથી દિલ્લીમાં એક લીટર પેટ્રોલ માટે રૂપિયા 75.32 ચુકવવા પડશે.
આ અગાઉ 56 મહિના પહેલાં દિલ્લીમાં પેટ્રોલની કિંમત રૂપિયા 76.32 હતી ત્યારબાદ ઘટીને નીચે આવી હતી પરંતુ હવે ફરી વાર ભડાકો થવા જીઈ રહ્યો છે.
મુંબઈમાં એક લીટર પેટ્રોલની કીમત રૂપિયા 83.16 પર પહોચી ગઈ છે જયારે કોલકત્તામાં 78.01 અને ચેન્નાઈમાં 78.16નો આંકડો પાર કરી લીધો છે.
ડીઝલની વાત કરીએ તો ડીઝલના ભાવ દિલ્લીમાં પહેલાંથી જ બહુ ઊંચા સ્તરે પહોચીને રેકોર્ડ બનાવી લીધો છે. છતાં પણ હજુ ભાવ વધવાનું ચાલુ જ છે. દિલ્હીમાં એક લીટર ડીઝલ માટે 66.79 ચુકવવા પડે છે.
જયારે મુંબઈમાં ડીઝલના ભાવ 71.12 રૂપિયા છે. મુંબઈ ઉપરાંત કોલકત્તામાં 69.33 રૂપિયા અને ચેન્નાઈમાં રૂપિયા 70.49 પ્રતિ લીટરનો ભાવ છે.
તમને જણાવી દઈએ કે કર્ણાટકની મતગણતરી સમાપ્ત થતાની સાથે જ પેટ્રોલ અને ડીઝલના ભાવમાં વધારો થયો છે. પાછલા ચાર દિવસથી લગાતાર ભાવ વધવાની પ્રક્રિયા ચાલુ છે. જયારે કર્ણાટકમાં ચુંટણી પહેલાં 19 દિવસ પેટ્રોલ અને ડીઝલના ભાવ સ્થિર રહ્યા હતા.