ભારતમાં કોરોના વાયરસના કહેર વચ્ચે હવે મોંઘવારીનો બોમ્બ ફૂટ્યો છે.
પેટ્રોલ-ડીઝલના ભાવમાં વધારો
અમદાવાદમાં પેટ્રોલ-ડીઝલ થયું મોંઘુ
પેટ્રોલમાં 22 પૈસા અને ડીઝલમાં 27 પૈસાનો વધારો
પેટ્રોલ-ડીઝલના ભાવમાં સતત બીજા દિવસે વધારો
ભારત દેશ કોરોના વાયરસના સંકટથી પસાર થઈ રહ્યો છે ત્યારે જનતા આ મહામારીના કારણે ત્રાહિમામ પોકારી રહી છે. એક તરફ પ્રજાને મહામારી સામે યોગ્ય સગવડ આપવામાં આવી રહી નથી ત્યાં બીજી બાજુ મોંઘવારીનો ડામ પણ આપવામાં આવી રહ્યો છે. પાંચ રાજ્યોના ચૂંટણી પરિણામો આવી ગયા બાદ ફરીથી પેટ્રોલ અને ડીઝલના ભાવ વધારી દેવામાં આવી રહ્યા છે.
પેટ્રોલમાં 22 પૈસા અને ડિઝલમાં 27 પૈસાનો વધારો
ગુજરાતમાં સતત બીજા દિવસે પેટ્રોલ અને ડીઝલના ભાવમાં વધારો કરવામાં આવ્યો છે. પેટ્રોલમાં 22 પૈસા અને ડિઝલમાં 27 પૈસાનો વધારો કરવામાં આવ્યો છે. અમદાવાદમાં આજે પેટ્રોલનો ભાવ રૂપિયા 87.93 પ્રતિ લીટર જ્યારે ડીઝલનો ભાવ રૂપિયા 87.42 પ્રતિ લીટર છે.
ચૂંટણી થઈ ત્યાં સુધી ભાવ સ્થિર રહ્યા
નોંધનીય છે કે દેશમાં ચાર રાજ્યો તથા એક કેન્દ્ર શાસિત પ્રદેશમાં હાલમાં જ વિધાનસભાની ચૂંટણી પૂરી થઈ છે. આ ચૂંટણીના પહેલા પણ પેટ્રોલ અને ડીઝલના ભાવમાં વધારો ઝીંકવામાં આવ્યો હતો પરંતુ જેવી જ ચૂંટણી નજીક આવી આ ભાવ સ્થિર થઈ ગયા. હવે તો ચૂંટણી સંપન્ન થઈ ગઈ છે ત્યારે ફરીથી ઈંધણના ભાવ વધવા લાગ્યા છે.