મોંઘવારીનો માર / પ્રજાનું 'તેલ' નીકળી જશે! પેટ્રોલના ભાવમાં ફરી વધારો; ધીરે-ધીરે કરતાં જુઓ ક્યાં પહોંચી ગઈ કિંમત

• પેટ્રોલ અને ડીઝલના ભાવમાં ફરી એકવાર વધારો યથાવત
• આજે પેટ્રોલમાં 79 પૈસા અને ડીઝલમાં 83 પૈસાનો વધારો
• 15 દિવસમાં 13 વખત વધ્યા પેટ્રોલ-ડીઝલના ભાવ

15 દિવસમાં 13 વખત વધ્યા પેટ્રોલ-ડીઝલના ભાવ

પેટ્રોલ અને ડીઝલના ભાવમાં વધારાની પ્રક્રિયા સતત ચાલુ છે. ઓઈલ કંપનીઓ દ્વારા  છેલ્લા 15 દિવસમાં પેટ્રોલ અને ડીઝલના ભાવમાં 13 વખત વધારો કરવામાં આવ્યો છે. એક તરફ જ્યારે આંતરરાષ્ટ્રીય બજારમાં ક્રૂડ ઓઈલની કિંમતો ઘટી રહી છે અને તે ઘટીને બેરલ દીઠ 100 ડોલરની આસપાસ પહોંચી ગઈ છે તો બીજી તરફ તેની કિંમતોમાં વધારો કરીને સામાન્ય જનતાને મોંઘવારીનો આંચકો આપવામાં આવી રહ્યો છે. .

મુંબઈમાં પેટ્રોલમાં 84 પૈસા અને ડીઝલમાં 85 પૈસાનો વધારો 

બીજી બાજુ મુંબઈમાં પણ છેલ્લા 15 દિવસમાં 13મી વખત પેટ્રોલ અને ડીઝલના ભાવમાં વધારો થયો છે. આજે સવારે 6 વાગ્યાથી મુંબઈમાં પેટ્રોલની કિંમતમાં પ્રતિ લીટર 84 પૈસા જ્યારે ડીઝલની કિંમતમાં 85 પૈસા પ્રતિ લીટરનો વધારો થયો છે. મુંબઈમાં આજે પેટ્રોલની નવીનતમ કિંમત 119.67 પૈસા છે જ્યારે ડીઝલની કિંમત 103.92 પૈસા છે.

પંદર દિવસમાં બે વખત જ પેટ્રોલ અને ડીઝલના ભાવમાં કોઈ વધારો ન થયો

પંદર દિવસમાં બે વખત આવું બન્યું કે પેટ્રોલ અને ડીઝલના ભાવમાં કોઈ વધારો ન થયો ત્યારે લગભગ 137 દિવસ પછી 22 માર્ચથી તેલના ભાવ વધવા લાગ્યા અને 15 દિવસમાં માત્ર બે દિવસમાં એટલે કે 24 માર્ચ અને 1 એપ્રિલે તેલની કિંમતોમાં કોઈ વધારો થયો ન હતો.

CNGના ભાવમાં પણ વધારો થયો છે

તાજેતરમાં CNGના દરમાં પણ કિલો દીઠ 80 પૈસાનો વધારો કરવામાં આવ્યો હતો. આ વધારા બાદ દિલ્હીમાં CNGની નવી કિંમત 61.61 રૂપિયા પ્રતિ કિલો થઈ ગઈ છે. CNGના ભાવમાં પણ એક સપ્તાહમાં ત્રણ વખત વધારો કરવામાં આવ્યો છે. એક સપ્તાહમાં તે 2.40 રૂપિયા પ્રતિ કિલો મોંઘો થયો છે.

ગુજરાતમાં પણ  છેલ્લા બે અઠવાડિયામાં 13 વખત પેટ્રોલ અને ડીઝલના ભાવમાં વધારો થયો છે 

શહેર                     પેટ્રોલ                   ડીઝલ 

અમદાવાદ        પેટ્રોલ 104.28    ડીઝલ 98.60
સુરત                પેટ્રોલ 104.16    ડીઝલ 98.50
વડોદરા            પેટ્રોલ 104.39    ડીઝલ 98.72
રાજકોટ            પેટ્રોલ 104.05    ડીઝલ 98.38
ભાવનગર          પેટ્રોલ 105.96    ડીઝલ 100.29
જામનગર           પેટ્રોલ 104.22    ડીઝલ 98.24
ગાંધીનગર         પેટ્રોલ 104.49     ડીઝલ 98.81