ભાવવધારો / પેટ્રોલ 50 રૂપિયા, ડીઝલ 75 રૂપિયા મોંઘું, ઈન્ડિયન ઓઇલે અહીં એક ઝાટકે ઝીંક્યો ભાવવધારો

• પેટ્રોલ-ડીઝલનાં ભાવમાં વધારો 
• જાણો કેટલી વધી કિંમત?
• શું છે આ પાછળનું કારણ? 

​​​​​​​પેટ્રોલ-ડીઝલનાં ભાવમાં વધારો 

પેટ્રોલ તથા ડીઝલની કિંમતોમાં વધારાને લઈને તમામ પ્રકારનાં અંદાજાઓ લગાવવામાં આવી રહ્યા છે. આ વચ્ચે, ઇન્ડિયન ઓઈલ કોર્પોરેશનની શ્રીલંકા સ્થિત સબ્સિડરીએ દેશના લોકોને મોટો ઝટકો આપ્યો છે. 

કંપનીએ શ્રીલંકાઈ રૂપિયાના વધારે અવમૂલ્યનને કારણે પેટ્રોલ તથા ડીઝલની રિટેલ કિંમતો વધારી છે. વધેલી કિંમતો શુક્રવારથી પ્રભાવમાં આવી ગઈ છે. એક મહિનામાં આ ત્રીજી વાર છે, જ્યારે કંપનીએ ઇંધણની કિંમતો વધારી છે. 

કેટલી વધી કિંમત?
લંકા ઇન્ડિયન ઓઈલ કંપનીએ કહ્યું છે કે ડીઝલનો ભાવ 75 રૂપિયા પ્રતિ લીટર તથા પેટ્રોલનો ભાવ 50 રૂપિયા પ્રતિ લીટર વધ્યો છે. હવે અહિયાં પેટ્રોલની કિંમત 254 રૂપિયા પ્રતિ લીટર તથા ડીઝલનો ભાવ 214 રૂપિયા પ્રતિ લીટર છે. 

શું છે કંપનીનું લોજીક?
એલઆઈઓસીનાં પ્રબંધ નિદેશક મનોજ ગુપ્તાએ કહ્યું છે કે સાત દિવસની અંદર અમેરિકી ડોલરનાં મુકાબલે શ્રીલંકાઈ રૂપિયામાં 57 રૂપિયાનો ઘટાડો જોવા મળ્યો છે. તેલ તથા ગેસોલીન ઉત્પાદનોની કિંમત પર આની સીધી અસર પડી છે. યુક્રેન પર રશિયાનાં હુમલા બાદ પશ્ચિમી દેશ રશિયા પર પ્રતિબંધો લગાવી રહ્યા છે, જેને કારણે તેલ તથા ગેસની કિંમતો વધી રહી છે. 

ગુપ્તાએ કહ્યું કે તેલની આંતરરાષ્ટ્રીય સ્તર પર ઉંચી કિંમતોને કારણે અમને ઘણું નુકસાન સહન કરવું પડી રહ્યું છે, આવામાં કિંમતો વધારવા સિવાય કોઈ અન્ય વિકલ્પ છે નહી. કિંમતો વધાર્યા છતાં પણ ભારે નુકસાન સહન કરવું પડશે. એલઆઈઓસીને શ્રીલંકા સરકાર પાસેથી કોઈ સબ્સિડી મળતી નથી.