મોંઘવારીથી જનતા પરેશાન છે. ત્યારે હવે અચ્છે દિન આવી ગયા હોય તેવુ લાગી રહ્યુ છે. છેલ્લા ઘણા સમયથી પેટ્રોલ અને ડીઝલના ભાવમાં ઘટાડો થઈ રહ્યો છે. 8 મહિનામાં પેટ્રોલના ભાવમાં 9 રૂપિયા અને 96 પૈસાનો ઘટાડો થયો છે. જ્યારે ડીઝલના ભાવમાં 7 રૂપિયા 97 પૈસાનો ઘટાડો થયો છે. પેટ્રોલ અને ડીઝલના ભાવમાં ઘટાડો થતા ઘરેલૂ બજારોમાં પણ અસર જોવા મળી રહી છે. તો બીજી તરફ ઘરેલુ રાંધણ ગેસના ભાવમાં પણ ઘટાડો નોંધાયો છે.
રાંધણ ગેસમાં પ્રતિ સિલિન્ડરે 6 રૂપિયા 52 પૈસાનો ઘટાડો થયો છે. ભાવમાં ઘટાડો થતા હવે 14.2 કિગ્રામના સબિસિડી ધરાવતા LPG સિલિન્ડરનો ભાવ 500 રૂપિયા 90 પૈસા થયો છે. જ્યારે સબસિ઼ડી વગરના સિલિન્ડરમાં 133 રૂપિયાનો ઘટાડો થયો છે.
ત્યારે હવે ડિસેમ્બર મહિનામાં લોકોના બેંકના ખાતામાં પ્રતિ સિલિન્ડર 308 રૂપિયા 60 પૈસાની સબસિડી જમા થશે. પેટ્રોલ-ડિઝલના ભાવમાં છેલ્લા ઘણા સમયથી ઘટાડો જોવા મળી રહ્યો છે.
શુક્રવારે સતત નવમાં દિવસે દિલ્હી અને મુંબઇમાં પેટ્રોલના ભાવ 37 પૈસા પ્રતિ લિટર કોલકાતા 36 પૈસા અને ચૈન્નાઇમાં 39 પ્રતિ લિટર ઘટાડો જોવા મળે છે. ઉલ્લેખનીય છે કે આંતરરાષ્ટ્રીય માર્કેટમાં ક્રુડ ઓઇલની કિંમતમાં ઘટાડો જોવા મળ્યો છે.
જેના કારણે પેટ્રોલ-ડિઝલની કિંમતમાં ઘટાડો જોવા મળ્યો છે. આંતરરાષ્ટ્રીય બજારમાં બ્રેટ ક્રૂડનો ભાવ 60 ડોલર પ્રતિ બેરલ જોવા મળ્યો.