મહારાષ્ટ્રની શિંદે સરકારે લોકોને મોટી રાહત આપી છે. સરકારે પેટ્રોલ અને ડીઝલ પર વેટમાં ઘટાડો કર્યો છે. સરકારની આ રાહત બાદ મહારાષ્ટ્રમાં પેટ્રોલ 5 રૂપિયા અને ડિઝલમાં 3 રૂપિયા સસ્તુ થઈ ગયું છે.
મહારાષ્ટ્રની જનતાને 8 મહિના બાદ આ રાહત મળી
ઉલ્લેખનીય છે કે, મહારાષ્ટ્રની જનતાને 8 મહિના બાદ આ રાહત મળી છે.નવી સરકારની બીજી કેબિનેટની બેઠક દરમિયાન આ નિર્ણય લેવામાં આવ્યો છે. જે પાછલા મહીને મુખ્યમંત્રી ઉદ્ધવ ઠાકરેના રાજીનામા બાદ બની હતી. સીએમ એકનાથ શિંદેએ મીટિંગ બાદ કહ્યું કે, મહારાષ્ટ્ર સરકારે પેટ્રોલ અને ડિઝલના વેટમાં ક્રમશ :5 રૂપિયા અને 3 રૂપિયા પ્રતિ લિટરે ઘટાડો કરશે મુંબઈમાં હાલ પેટ્રોલના ભાવ 111.3 રૂપિયા અને ડીઝલ 97.28 રૂપિયા વેચાઈ રહ્યું છે. આ ઘટાડા બાદ પેટ્રોલ 106.5 રૂપિયા અને ડીઝલ 97.28 રૂપિયામાં મળશે.વાત કરીએ પુનાની પેટ્રોલની કીમત 105.28 રૂપિયા પ્રતિલીટર હશે જ્યારે ડીઝલની કીમંત 92.37 રૂપિયા હશે. નવાદરો લાગુ થયા બાદ ઠાણેમાં એક લીટર પેટ્રોલ ઘટીને 106.49 રૂપિયા અને ઠાણેમાં ડીઝલની કિંમત 94.42 થઈ જશે
કેન્દ્ર સરકારે ભારે કાપ મૂક્યો હતો
અગાઉ મે મહિનામાં કેન્દ્ર સરકારે એક્સાઈઝ ડ્યુટીમાં ઘટાડો કર્યો હતો. કેન્દ્રએ પેટ્રોલ પરની એક્સાઈઝ ડ્યૂટીમાં પ્રતિ લિટર 8 રૂપિયા અને ડીઝલ પર 6 રૂપિયા પ્રતિ લિટરનો ઘટાડો કર્યો હતો. કેન્દ્ર દ્વારા એક્સાઈઝ ડ્યુટીમાં ઘટાડો કર્યા બાદ ઘણી રાજ્ય સરકારોએ વેટમાં ઘટાડો કર્યો હતો. મહારાષ્ટ્ર અને કેરળ જેવા કેટલાક બિન-ભાજપ શાસિત રાજ્યોએ પણ વેટ ઘટાડ્યો હતો.