રશિયા-યુક્રેન જંગના કારણે ક્રૂડ ઓયલની કિંમતમાં આંતરરાષ્ટ્રીય બજારમાં ભારે ઉછાળો જોવા મળ્યો છે. આ જ કારણે ભારત જ નહીં, દુનિયાભરમાં પેટ્રોલના ભાવમાં ભારે ઉછાળો જોવા મળ્યો છે.
ભારતમાં પેટ્રોલ અને ડીઝલના ભાવો આસમાને
ભારત કરતા આ દેશોમાં સૌથી વધારે પેટ્રોલના ભાવ
જો કે, પાડોશી દેશોમાં સૌથી વધારે કિંમત ભારતમાં
રશિયા-યુક્રેન જંગના કારણે ક્રૂડ ઓયલની કિંમતમાં આંતરરાષ્ટ્રીય બજારમાં ભારે ઉછાળો જોવા મળ્યો છે. આ જ કારણે ભારત જ નહીં, દુનિયાભરમાં પેટ્રોલના ભાવમાં ભારે ઉછાળો જોવા મળ્યો છે. જો કે, મોંઘા પેટ્રોલ મામલે ભારત દુનિયાના 106 દેશોમાં 42માં સ્થાન પર છે. બેંક ઓફ બરોડા ઈકોનોમિક રિસર્ચના રિપોર્ટમાં આ જાણકારી સામે આવી છે.
રિપોર્ટ્સમાં કહેવાયુ છે કે, દુનિયાના જે દેશોમાં ભારતથી મોંઘુ પેટ્રોલ વેચાઈ રહ્યું છે, તેમાં બ્રિટેન, જર્મની, ફ્રાંસ, હોંગકોંગ, ઈટલી, નેધરલેન્ડ જેવા વિકસિત દેશો સામેલ છે. જ્યારે અમેરિકા, ચીન, જાપાન, જેવા દેશોમાં ભારતથી પણ સસ્તુ પેટ્રોલ મળી રહ્યું છે. ભારત દુનિયાનો ત્રીજા નંબરનો સૌથી મોટો તેલ ગ્રાહક અને આયાતકાર દેશ છે. અહીં જરુરિયાતનું 85 ટકા ક્રૂડ ઓયલ બહારથી આવે છે.
ભારતથી મોંઘુ પેટ્રોલ અને દેશોમાં મળે છે
એક રિપોર્ટમાં જણાવ્યા અનુસાર, બેંક ઓફ બરોડાની ઈકોનોમિક રિસર્ચ ટીમે 106 દેશોના પેટ્રોલની કિમતોનો તુલનાત્મક અભ્યાસ કર્યો છે. તેમાં માટે પ્રતિ વ્યક્તિ આવકની તુલના કરી તે દેશમાં પેટ્રોલની કિમતોનો આધાર બનાવામાં આવ્યો હતો. 9 મેના રોજ પેટ્રોલની કિંમતોના આધાર પર વિસ્તૃત રિપોર્ટ તૈયાર કર્યો હતો. રિપોર્ટના આધારે ભારતમાં પેટ્રોલની કિંમત 1.35 અમેરિકી ડોલર પ્રતિ લીટર છે. રૂપિયામાં વાત કરીએ તો, રાજધાની દિલ્હીમાં પેટ્રોલની હાલની કિંમત 105.41 રૂપિયા છે. તે હિસાબે આ દુનિયામાં 42મા સ્થાન પર છે.બ્રિટેન, હોંગકોંગ, ફિનલેન્ડ, જર્મની, ઈટલી, નેધરલેન્ડ, ગ્રીસ, ફ્રાંસ, પોર્ટુગલ અને નોર્વે જેવા દેશોમાં પેટ્રોલની કિંમત 2 ડોલર પ્રતિ લીટરથી વધારે છે.
હોંગકોંગમાં સૌથી વધારે મોંઘુ પેટ્રોલ
મોંઘા પેટ્રોલ મામલે હોંગકોંગમાં સૌથી ઉપર છે. અહીં પેટ્રોલ 2.58 ડોલર પ્રતિ લિટર છે. જર્મનીમાં કિમંત 2.29 ડોલર પ્રતિ લિટર, ઈટલીમાં 2.28 ડોલર, ફ્રાંસમાં 2.07 ડોલર, ઈઝરાયલમાં 1.96 ડોલર, બ્રિટેનમાં 1.87 ડોલર પ્રતિ લીટર વેચાઈ રહ્યું છે. સિંગાપુરમાં કિંમત 1.87 ડોલર પ્રતિ લીટર, ન્યૂઝીલેન્ડમાં 1.75 ડોલર અને ઓસ્ટ્રેલિયામાં 1.36 ડોલર પ્રતિ લીટર પર પેટ્રોલ વેચાઈ રહ્યું છે. આ દેશો ઉપરાંત ફિનલેન્ડ, પોર્ટુગલ, નોર્વે સહિત બીજા અન્ય દેશો છે, જ્યાં 2 ડોલર પ્રતિ લિટરની આસપાસ પેટ્રોલ વેચાઈ રહ્યું છે.
આ દેશોમાં ભારત કરતા પણ સસ્તુ પેટ્રોલ
જો કે, કેટલાય એવા દેશો છે જ્યાં પેટ્રોલ ભારત કરતા ઓછી કિંમત પર વેચાઈ રહ્યું છે. તેમાં અમેરિકા, જાપાન અને ચીન સહિત ભારતના કેટલાય પાડોશી દેશ સામેલ છે. જાપાનમાં 1.25 ડોલર પ્રતિ લીટર, ચીનમાં 1.21 ડોલર, અમેરિકામાં 98 સેન્ટ્સ પ્રતિ લિટરના દરે પેટ્રોલ વેચાઈ રહ્યું છે. બાંગ્લાદેશ, પાકિસ્તાન, શ્રીલંકા અને નેપાળ જેવા પાડોશી દેશોમાં પણ ભારતથી સસ્તુ પેટ્રોલ મળી રહ્યું છે. બાંગ્લાદેશમાં પેટ્રોલની કિંમત 1.05 ડોલર પ્રતિ લીટર, વિયેતનામ, કેન્યા, યુક્રેન અને વેનેઝુએલામાં પણ ભારત કરતા સસ્તુ પેટ્રોલ મળી રહ્યું છે. આ યાદીમાં સામેલ દેશોમાં સૌથી સસ્તુ પેટ્રોલ મલેશિયામાં મળી રહ્યું છે. અહીં પેટ્રોલની કિંમત ફક્ત 47 સેંટ્સ પ્રતિ લિટર છે.
આ રિપોર્ટમાં કહેવાયુ છે કે, આ દેશોમાં કિંમતોને જોઈએ તો, ભારતમાં પેટ્રોલની કિંમત બહું વધારી નથી લાગતી, પણ પ્રતિ વ્યક્તિ આવકના હિસાબે જોઈએ તો, મોટા ભાગના દેશોના લોકોની આવક ભારત કરતા વધારે છે. ત્યારે આવા સમયે પ્રતિ વ્યક્તિ ઓછી આવકવાળા દેશોમાં પેટ્રોલના ભાવ વધતા લોકોને વધારે મુશ્કેલી પડે છે. તેની પાછળ મોંઘવારી પર અસર પડે છે, અને ઓછી આવકવાળા લોકો પર તેની સૌથી વધારે અસર દેખાઈ છે.