મોંઘવારી / ભાઈ હવે સાઈકલ-લારી પર આવી જઈએ! 7 દિવસમાં પેટ્રોલ-ડીઝલનાં ભાવ આસમાને, અહીં તો સદી ફટકારશે

• છેલ્લાં 7 દિવસમાં ઈંધણમાં પેટ્રોલ-ડીઝલના ભાવમાં 6 વખત વધારો
• પેટ્રોલ-ડીઝલના ભાવમાં પ્રતિ લિટર 4 રૂપિયાનો વધારો
• દિલ્હીમાં પેટ્રોલનાં ભાવ હવે 100ની નજીક પહોંચી ગયા

છેલ્લાં 7 દિવસમાં વાહનના ઈંધણમાં પેટ્રોલ-ડીઝલના ભાવમાં 6 વખત વધારો કરવામાં આવ્યો છે. IOCLના જણાવ્યાં અનુસાર આજથી પેટ્રોલ 30 પૈસા પ્રતિ લિટર જ્યારે ડીઝલ 35 પૈસા પ્રતિ લીટર મોંઘુ થઇ ગયું છે. તમને જણાવી દઈએ કે 22 માર્ચથી 28 માર્ચ સુધી પેટ્રોલ અને ડીઝલના ભાવમાં પ્રતિ લિટર 4 રૂપિયાનો વધારો કરવામાં આવ્યો છે.

ભારતીય પેટ્રોલિયમ માર્કેટિંગ કંપની ઈન્ડિયન ઓઈલ કોર્પોરેશન (IOCL) નાં લેટેસ્ટ અપડેટ અનુસાર, રાજધાની દિલ્હીમાં આજે એટલે કે 28 માર્ચનાં રોજ પેટ્રોલની કિંમત 99.41 રૂપિયા પ્રતિ લિટર જ્યારે ડીઝલની કિંમત 90.77 રૂપિયા પ્રતિ લિટર પર પહોંચી ગઈ છે. દિલ્હીમાં પેટ્રોલનાં ભાવ હવે 100ની નજીક પહોંચી ગયા છે. જ્યારે અન્ય તમામ મોટા મહાનગરોમાં પેટ્રોલ 100 રૂપિયા પ્રતિ લિટરથી વધુ ભાવે વેચાઈ રહ્યું છે.

તમને જણાવી દઈએ કે, 22 માર્ચથી પેટ્રોલ-ડીઝલના ભાવ વધવા લાગ્યા છે. ત્યારથી માત્ર એક દિવસ (24 માર્ચ) છોડીને દેશમાં સતત કિંમત વધી રહી છે. 28 માર્ચના વધારાને ઉમેરતાં 7 દિવસમાં પેટ્રોલ 4 રૂપિયા અને ડીઝલ 4.10 રૂપિયા મોંઘું થયું છે.

Price of petrol & diesel in Delhi at Rs 99.41 per litre & Rs 90.77 per litre respectively today (increased by 30 & 35 paise respectively)

In Mumbai, the petrol & diesel prices per litre at Rs 114.19 & Rs 98.50 (increased by 31 paise & 37 paise respectively) pic.twitter.com/ciy6wIFsGe

— ANI (@ANI) March 28, 2022

7 દિવસમાં વધ્યો 6 ગણો ભાવ

ગયા સોમવારથી એટલે કે 7 દિવસમાં 4 વખત પેટ્રોલ-ડીઝલના ભાવમાં વધારો થયો છે. 22 માર્ચે દેશભરમાં પેટ્રોલ અને ડીઝલના ભાવમાં પ્રતિ લિટર 80 પૈસાનો વધારો કરવામાં આવ્યો હતો. એ પછી 23 માર્ચે બંને ઈંધણના ભાવમાં 80-80 પૈસાનો વધારો કરવામાં આવ્યો હતો. તો 25 અને 26 માર્ચે પણ ઓઇલ કંપનીઓએ રાષ્ટ્રીય સ્તરે પેટ્રોલ અને ડીઝલના ભાવમાં પ્રતિ લિટર 80 પૈસાનો વધારો કર્યો હતો. જ્યારે 27 માર્ચે દિલ્હીમાં પેટ્રોલ 50 પૈસા પ્રતિ લિટર જ્યારે ડીઝલ 55 પૈસા પ્રતિ લિટર મોંઘુ થયું હતું.

SMS દ્વારા ચેક કરો કે તમારા શહેરમાં શું ચાલી રહ્યાં છે પેટ્રોલ-ડીઝલના ભાવ?

તમે તમારા શહેરમાં દરરોજ એક SMS દ્વારા પેટ્રોલ અને ડીઝલની કિંમત જાણી શકો છો. આ માટે ઈન્ડિયન ઓઈલ (IOCL)ના ગ્રાહકોએ RSP કોડ લખીને 9224992249 નંબર પર મોકલવાનો રહેશે. તમારા શહેરનો RSP કોડ જાણવા અહીં ક્લિક કરો.

જાણો ગુજરાતમાં કેટલાં થયા પેટ્રોલ-ડીઝલનાં ભાવ?

અમદાવાદ
પેટ્રોલ    99.11
ડીઝલ     93.35

રાજકોટ
પેટ્રોલ    98.87
ડીઝલ     93.14

સુરત
પેટ્રોલ    99.20
ડીઝલ     93.47

વડોદરા
પેટ્રોલ    98.76
ડીઝલ     93.01

ગાંધીનગર
પેટ્રોલ    99.30
ડીઝલ    93.55

ભાવનગર
પેટ્રોલ    100.76
ડીઝલ    95.02

જામનગર
પેટ્રોલ    99.03
ડીઝલ    93.28