પેટ્રોલનાં ભાવમાં ભડકો થયો છે. કિંમતમાં 76.24 રૂપિયા પ્રતિલિટરનાં રેકોર્ડ ઉંચાઇ પર પહોંચી છે. બીજી તરફ ડીઝલ 67.57 રૂપિયા પ્રતિ લીટર થઇ ગયો છે. જે તેનાં અત્યાર સુધીનું ઉચ્ચતમ સ્તર છે. દિલ્હીમાં પેટ્રોલનાં ભાવમાં 33 પૈસા પ્રતિ લીટર તથા ડીઝલનાં ભાવ 26 પૈસા પ્રતિલીટર વધ્યા. પેટ્રોલિયમ કંપનીનાં આંતરરાષ્ટ્રીય બજારમાં તેલોની કિંમતોમાં ચાર અઠવાડીયાથી આવેલી તેજીનો બોઝ ગ્રાહકો પર નાખવાનો નિર્ણય કર્યો છે.
જો કે સરકારે હવે સંકેત આપ્યા છે જેમાં લાગે છે કે આગામી સમયમાં ભાવમાં ઘટાડો કરાશે. સરકાર આ મુદ્દે સ્થાયી સમાધાન કાઢવા માટેનો પ્રયાસ પણ કરી રહી છે.પેટ્રોલ-ડીઝલનાં ભાવોમાં વધારાનાં મુદ્દે પેટ્રોલિયમ મંત્રી ધર્મેન્દ્ર પ્રધાનની પ્રતિક્રિયા સામે આવી છે. ભારત સરકાર ટુંકમાં જ તેનો ઉકેલ લાવશે.
જ્યારથી અમેરિકાએ ઇરાન સાથે થયેલા ન્યુક્લિયર ડીલમાંથી હાથ ખેંચ્યા છે ત્યારથી આંતરરાષ્ટ્રીય બજારમાં ક્રૂડ ઓઇલની કિંમતો વધી છે. દિલ્હીનાં ભાવ તમામ મહાનગરો તથા મહત્તમ રાજ્યો રાજધાનીની તુલનામાં સૌથી ઓછા છે. દિલ્હીનાં પેટ્રોલનાં ભાવ અત્યાર સુધીની હાઈ સપાટી પર પહોંચી ચુકયા છે. આ અગાઉ 14 સપ્ટેમ્બર 2013નાં દિવસે તે 76.06 રૂપિયા પ્રતિ લિટર થયો હતો.