ગઈકાલે નવી કેબિનેટ બન્યા હવે હરદીપ પુરીને પેટ્રોલિયમ મંત્રાલય સોંપાયું છે. નવા મંત્રીના આગમનની સાથે જ આજે પેટ્રોલના ભાવમાં ફરી મોટો વધારો જોવા મળ્યો છે.
નવા પેટ્રોલિયમ મંત્રી બન્યા હરદીપ પુરી
આજે પેટ્રોલના ભાવમાં થયો 35 પૈસાનો વધારો
ડીઝલની કિંમતમાં થયો 9 પૈસાનો વધારો
દેશમાં રોજ પેટ્રોલ અને ડીઝલની વધતી કિંમતો રેકોર્ડ તોડી રહી છે ત્યારે પેટ્રોલિયમ મંત્રી પણ બદલાઈ ગયા છે. નાગરિક ઉડ્ડયન સંભાળનારા હરદીપ પુરીને પેટ્રોલિયમ મંત્રી બનાવાયા છે. આ પહેલા આ મંત્રાલય ધર્મેન્દ્ર પ્રધાનના હાથમાં હતું.
કેટલા વધ્યા ભાવ
આજે પેટ્રોલના ભાવમાં 35 પૈસાનો વધારો થયો છે અને ડીઝલના ભાવમાં 9 પૈસાનો વધારો થયો છે.
4 મે બાદ 38 વખત વધ્યા છે ભાવ
4 મે બાદ પેટ્રોલના ભાવમાં 10.24 રૂપિયાનો વધારો નોંધાયો છે. તો ડીઝલના ભાવમાં કુલ 36 વખત વધારો કરાયો છે. જેના કારણે ડીઝલ 8.33 રૂપિયા મોંઘુ થયું છે.
જાણો તમારા શહેરમાં આજે કેટલા છે પેટ્રોલ અને ડીઝલના નવા ભાવ
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.