પેટ્રોલ-ડીઝલના ભાવમાં ફરી ભડકો, જાણો આજે તમારા શહેરમાં કેટલું મોંઘુ મળી રહ્યું છે ઈંધણ
સામાન્ય માણસનો જીવ અધ્ધરતાલ
આજે ફરી પેટ્રોલ-ડીઝલના ભાવમાં વધારો
ગુજરાતમાં ભાવનગરમાં પેટ્રોલ સૌથી મોંઘુ
પેટ્રોલ-ડીઝલના ભાવમાં ફરી એકવાર વધારો જોવા મળી રહ્યો છે, આજે ફરી પેટ્રોલના ભાવમાં 34 પૈસાનો અને ડીઝલાના ભાવમાં 38 પૈસાનો વધારો થતા નાગરિકોને બેવડો માર સહન કરવો પડી રહ્યો છે. એક તરફ મોંઘવારી માજા મુકી રહી છે ત્યારે બીજી તરફ જીવન જરૂરી ચીજવસ્તુમાં સતત ભાવ વધારાના કારણે સામાન્ય પ્રજાને મુશ્કેલીમાં મુકાવવું પડી રહ્યું છે.
ગુજરાતમાં ભાવનગરમાં પેટ્રોલ સૌથી મોંઘુ
રાજ્યમાં કોરોના બાદ પરિસ્થિતિમાં હવે થોડો સુધારો થયો છે અને સામાન્ય માણસની ગાડી પાડી પર આવી રહી છે ત્યારે હવે મોંઘવારીએ લોકોના જીવ અધ્ધતાલ કરી દીધા છે. ઈંધણના ભાવ 100ને પાર થઈ ગયા છે આજે શહેરમાં પેટ્રોલ પ્રતિ લિટર 101.87 રૂપિયા સુધી પહોંચી ગયું છે જ્યારે ડીઝલ પ્રતિ લિટર 101.17 રૂપિયા મોંઘુ બન્યું છે. તો બીજી તરફ રાજ્યના અન્ય શહેરમાં પણ ભાવ વધારો જોવા મળી રહ્યો છે. ભાવનગરમાં પેટ્રોલ સૌથી મોઘુ બન્યું છે. શહેરમાં પેટ્રોલના ભાવ 103.60 રુપિયા પ્રતિ લિટર સુધી પહોંચી ગયા છે. તો ડીઝલના ભાવમાં પણ ધરખમ વધારો જોવા મળી રહ્યો છે. ગાંધીનગરમાં પણ પેટ્રોલના ભાવ 102.09 રૂપિયા પહોંચ્યો છે જ્યારે સુરતમાં પેટ્રોલ 101.73 અને વડોદરામાં 101.51 રૂપિયા મોંઘુ થયું છે.
CNG ગેસ બાદ PNGના ભાવમાં પણ વધારો
આ તરફ વડોદરામાં CNG ગેસ બાદ PNGના ભાવમાં પણ વધારો જોવા મળી રહ્યો છે. ગેસ કંપનીઓ દ્વારા પ્રતિ યુનિટે 2.11 રૂપિયાનો વધારો કરવામાં આવ્યો છે જે બાદ હવે નાગરિકોને PNG ગેસ માટે પ્રતિ યુનિટ 27.50ના બદલે હવે 29.61 રૂપિયા ચુકવવા પડશે, આ ભાવ વધારાને કારણે શહેરીજનોને દુવિધામાં મુકાયા છે, ગેસ લિમિટેડે કંપનીએ PNG ગેસમાં ભાવ વધારો કરતા વડોદરા શહેરમાં 1.86 લાખ ગ્રાહકોને આની સીધી અસર થશે.
પેટ્રોલ ડીઝલના ભાવમાં સતત વધારો
મહત્વનું છે કે છેલ્લા 6 દિવસથી ઈંધણના ભાવમાં વધારો થઈ રહ્યો છે, સરકારી ઓઈલ કંપનીઓના ભાવ વધારાને કારણે શહેરીજનોમાં રોષ જોવા મળી રહ્યો છે. આંતરરાષ્ટ્રીય ક્રૂડ ઓઇલના ભાવ સતત વધી રહ્યા છે. તેની અસર ભારતીય બજારો પર પડી છે. એક અહેવાલ મુજબ હાલ ઈંધણમાં ભાવ ઘટાડાની કોઈ શક્યાતાઓ જોવા મળી રહી નથી, ત્યારે આ ભાવ વધારો ક્યાં જઈને અટકશે તે પણ એક સવાલ નાગરિકોને સતાવી રહ્યો છે.
આ રીતે જાણી શકાશે પેટ્રોલ ડીઝલના ભાવ
પેટ્રોલ-ડીઝલના છૂટક ભાવમાં દરરોજ સુધારો કરવામાં આવે છે અને તે પછી નવા ભાવ સવારે 6 વાગ્યે બહાર પાડવામાં આવે છે. તમે ઘરે બેઠા SMS દ્વારા જ તમારા નજીકના પેટ્રોલ પંપ પર પેટ્રોલ-ડીઝલની કિંમત જાણી શકો છો. ઇન્ડિયન ઓઇલ ગ્રાહકો RSP સાથે સિટી કોડ દાખલ કરીને તેમના મોબાઇલ પરથી 9224992249 પર સંદેશ મોકલો. તમને ઇન્ડિયન ઓઇલ (IOCL) ની સત્તાવાર વેબસાઇટ પર સિટી કોડ મળશે. મેસેજ મોકલ્યા બાદ તમને પેટ્રોલ અને ડીઝલની નવીનતમ કિંમત મોકલવામાં આવશે. એ જ રીતે બીપીસીએલ(BPCL) ગ્રાહકો તેમના મોબાઇલ પરથી આરએસપી લખીને 9223112222 પર એસએમએસ મોકલી શકે છે. HPCL ના ગ્રાહકો HPPrice અને 9222201122 લખીને SMS મોકલી શકે છે. છૂટક ઇંધણના ભાવ નવા રેકોર્ડ સ્તરે પહોંચી ગયા છે. એ શહેરોની સંખ્યા સતત વધી રહી છે જ્યાં પેટ્રોલ 100 રૂપિયા પ્રતિ લિટરથી વધુ કિંમતે વેચાય છે.