દેશમા પેટ્રોલ-ડીઝલનાં ભાવમાં ઘટવાની સંભાવના છે. જાણો વિગતવાર
પેટ્રોલ - ડીઝલનાં ભાવ ઘટવાની સંભાવના
પેટ્રોલ-ડીઝલ 2 થી 3 રૂપિયા સસ્તું થઈ શકે છે
મોંઘવારી પણ ઘટવાની સંભાવના
પેટ્રોલ - ડીઝલનાં ભાવ ઘટવાની સંભાવના
લાંબા સમયથી પેટ્રોલ ડીઝલનાં સસ્તા થવાની લોકો રાહ જોઈ રહ્યા છે. તેમના માટે ખુશખબર મળી શકે છે. કોમીડિટી એક્સપર્ટસ અને આઈઆઈએફએલ સિક્યોરિટીઝના વાઇસ પ્રેસિડન્ટ અનુજ ગુપ્તાએ કહ્યું કે ક્રૂડ ઓઇલ અને ગ્લોબલ ફેક્ટર્સ ઈશારો કરી રહ્યા છે કે દેશમા ફ્યુલ પ્રાઇઝ ઘટી શકે છે. તેમણે કહ્યું કે આ તહેવારનાં સિઝનમાં પેટ્રોલ-ડીઝલ 2 થી 3 રૂપિયા સસ્તું થઈ શકે છે.
આ સમયે ક્રૂડ ઓઇલ 7 મહિનાના નીચલા સ્તર પર આવી ગયું છે. બ્રેન્ટ ક્રૂડ ઓઇલ આજે 90 ડોલર પ્રતિ બેરલ કરતાં પણ નીચે ટ્રેડ કરી રહ્યું છે. જ્યારે ડબલ્યૂટીઆઈ ક્રૂડ ઓઇલ 85 ડોલર પ્રતિ બેરલ કરતાં પણ નીછે છે. આ રશિયા - યયુક્રેન યુદ્ધ પહેલાના રેટ છે. 23 જાન્યયુઆરીનાં રોજ ક્રૂડ ઓઇલ 90 ડોલર કરતાં નીચે હતું. પછી યુદ્ધની સ્થિતિ બનતા કિંમતોમાં પણ વધારો થવા માંડ્યો. ફેબ્રુઆરીમાં ક્રૂડ 110 ડોલર પ્રતિ બેરલ પાર કરી ગયું હતું.
ફ્યુલ ડિમાન્ડ ઘટી
અનુજે કહ્યું કે તેલનાં સૌથી મોટા આયાતક ચીનમાં કોરોનાનાં વધતાં મામલાઓ, ગ્લોબલ મંદીની વધતી આશંકાને કારણે રેટ હાઇક અને ઓછા ફ્યુલ ડિમાન્ડને કારણે ક્રૂડની કિંમતોમા ઘટાડો જોવા મળ્યો. આ ઘટાડો આગળ પણ બની રહેશે એવી સંભાવના છે. આવી પરિસ્થિતિમાં દેશમાં પણ પેટ્રોલ - ડીઝલ સસ્તું થઈ શકે છે.
મોંઘવારી પણ ઘટશે
તેમણે કહ્યું કે જો પેટ્રોલ - ડીઝલ સસ્તું થઈ જાય છે તો મોંઘવારી પણ નીચે આવશે. ઇન્ફલેશન 7નાં મહત્વપૂર્ણ લેવલથી નીચે આવીને 6.50 થી 6.75ની વચ્ચે આવી શકે છે. આ ઇન્ડિયન માર્કેટ માટે પોઝિટિવ છે. દેશની અર્થવ્યવસ્થા માટે આ સારું રહેશે.
પ્રમુખ શહેરોમાં પેટ્રોલ-ડીઝલનાં રેટ
દિલ્હીમાં પેટ્રોલ 96.72 રૂપિયા અને ડીઝલ 89.62 રૂપિયા પ્રતિ લિટર
મુંબઈમા પેટ્રોલ 106.31 રૂપિયા અને ડીઝલ 94.27 રૂપિયા પ્રતિ લિટર
ચેન્નાઈમાં પેટ્રોલ 102.63 રૂપિયા અને ડીઝલ 94.24 રૂપિયા પ્રતિ લિટર
કોલકાતામાં પેટ્રોલ 106.03 રૂપિયા અને ડીઝલ 92.76 રૂપિયા પ્રતિ લિટર