ક્યારે અટકશે ભાવ વધારો..? પેટ્રોલ-ડીઝલની કિંમતમાં થયો ફરીવાર ભડકો

અમદાવાદ: પેટ્રોલ-ડીઝલના ભાવમાં આજે પણ વધારો ઝીંકાયો. પેટ્રોલના ભાવમાં 0.16 પૈસાનો વધારો અને ડીઝલના ભાવમાં 0.11 પૈસાનો વધારો થયો છે. જેથી અમદાવાદમાં પેટ્રોલનો ભાવ રૂ. 81.69 પ્રતિ લીટરે પહોંચ્યો છે. તો ડીઝલના ભાવ ત્રણ દિવસ સ્થિર રહ્યા અને આજે વધારો તોળાયો છે. 

ઉલ્લેખનીય છે કે ડીઝલના ભાવ 79.34 રૂપિયા પ્રતિ લીટરે પહોંચ્યો છે. ત્યારે ફરી એકવાર સામાન્ય માણસ પર પેટ્રોલ ડીઝલનો માર પડ્યો છે. ચો તરફ ભાવ વધારા સામે વિરોધ થઈ રહ્યા છે અને સરકાર ચૂપ છે. બીજી તરફ વિપક્ષ પણ આ મામલે કોઈ પગલા લેવા માટે તૈયાર નથી. ત્યારે લોકોમાં સરકાર સામે રોષ સામે આવ્યો છે.   

આપને જણાવી દઇએ કે દેશમાં દિન પ્રતિદિન વધી રહેલા પેટ્રોલ અને ડીઝલના ભાવે સમામાન્ય વ્યક્તિનું બજેટ ખોરવી નાંખ્યુ છે. ત્યારે પેટ્રોલ અને ડીઝલના ભાવ વધારા સામે કોંગ્રેસ હવે રહી રહીને જાગી છે.
 

Petrol & Diesel prices in #Delhi are Rs.82.61 per litre & Rs.73.97 per litre respectively. Petrol & Diesel prices in #Mumbai are Rs.89.97 per litre & Rs.78.53 per litre respectively. pic.twitter.com/NZ6dNOVgDO

— ANI (@ANI) September 23 2018

હવે કોંગ્રેસ દ્વારા આ ભાવ વધારા સામે વિરોધ કરવામાં આવી રહ્યો છે તેમ છતાં કેન્દ્ર સરકાર દ્વારા ભાવ ઘટાડાના કોઇ જ સંકેત આપવામાં આવ્યા નથી. 

પેટ્રોલ-ડીઝલના ભાવ પર સરકાર દ્વારા કિંમતો પર અંકુશ રખાતો હતો. જોકે હવે માર્કેટ વેલ્યુ પ્રમાણે પેટ્રોલ અને ડીઝલના ભાવમાં વધારો-ઘટાડો થઈ રહ્યો છે તેવું જોવા મળી રહ્યું છે.

આ મુદ્દે વિપક્ષ પણ મૌન થઈને આ તમાસો જોઈ રહ્યું છે અને ન તો કોઈ વિરોધ નોંધાવી રહ્યું છે ન તો સરકાર સામે કોઈ અવાજ. જેને લઈને વિપક્ષની ભૂમિકા પણ શંકાસ્પદ લાગી રહી છે. એક તરફ લોકસભાની ચૂંટણી પણ નજીક આવી રહી છે.