ભાવ વધારો / મધ્યમ વર્ગને મોંઘવારીનો માર : ગુજરાતમાં આજે આટલા રૂપિયા વધ્યું પેટ્રોલ ડીઝલ

• પેટ્રોલ ડિઝલમાં ભાવ વધારો યથાવત
• શહેરમાં પેટ્રોલ કરતા ડીઝલ મોંઘુ થયું
• પેટ્રોલ 92 રૂપિયા તો ડીઝલ 93 રૂપિયાને પાર

રાજ્યમાં સતત થઇ રહેલા પેટ્રોલ ડીઝલના ભાવ વધારાએ સામાન્ય માણસની ચિંતામાં વધારો કર્યો છે. છેલ્લા કેટલાક દિવસોથી પેટ્રોલ અને ડીઝલની કિંમતોમાં સતત વધારો થઈ રહ્યો છે મેં મહિનાથી આ સ્થિતિ સતત સર્જાવાના કારણે તેની અસર મોંઘવારી ઉપર પણ પડી રહી છે. સરકારી તેલ કંપનીઓ આજે પણ પેટ્રોલ અને ડીઝલ મોંઘુ કર્યું છે.

આજે કેટલો ભાવ વધારો કરાયો?

સરકારી તેલ કંપનીઓએ આજે સવારે પેટ્રોલ-ડીઝલના નવા ભાવ જારી કર્યા છે આજે પેટ્રોલની કિંમતોમાં 29 થી 31 પૈસા સુધી વધારો કરાયો છે તો બીજી તરફ ડીઝલની કિંમતોમાં 29 થી 31 પૈસાનો વધારો કરાયો છે. હાલ દેશમાં પેટ્રોલ ડીઝલના ભાવ આસમાને પહોંચી રહ્યા છે. ઘણી જગ્યાએ પેટ્રોલની કિંમત 100 રૂપિયા પ્રતિ લીટરને પાર કરી ગઈ છે, ભાવ વધારાને કારણે પેટ્રોલ 92 રૂપિયાને પાર તો ડીઝલ 93 રૂપિયા ને પાર પહોંચી ગયું છે. પેટ્રોલના ગઈકાલના ભાવ 92.29 હતા જેમાં આજે 28 પૈસા નો વધારો થતાં 92.57 થયા જ્યારે ડિઝલમાં ગઈકાલ ના ભાવ 92.90 હતા જેમાં આજે 31 પૈસા નો વધારો થતાં 93.21 પર ભાવ પહોંચ્યા છે. 

જાણો તમારા શહેરના ભાવ

તમે એસએમએસ દ્વારા પેટ્રોલ ડીઝલની કિંમત જાણી શકો છો. પેટ્રોલ ડીઝલના ભાવ દરરોજ સવારે 6 વાગ્યે અપડેટ કરવામાં આવે છે. ઇન્ડિયન ઓઇલની વેબસાઇટ અનુસાર તમારે RSP સાથે તમારા શહેરનો કોડ ટાઇપ કરી 9224992249 નંબર પર SMS મોકલવો પડશે. દરેક શહેરનો કોડ અલગ છે. આને તમે આઈઓસીએલની વેબસાઇટ પરથી જોઈ શકો છો. બીપીસીએલ ગ્રાહક RSP 9223112222 અને HPCL ગ્રાહક HPPRICEને 9222201122 પાર sms મોકલીને તમારા શહેરમાં પેટ્રોલ ડીઝલના ભાવને જાણી શકો છો.

દેશભરમાં વધતા ભાવ સામે કોંગ્રેસનું ધરણાં પ્રદર્શન

છેલ્લા 13 માસમાં પેટ્રોલમાં રૂ.25.72 અને ડીઝલમાં રૂ.27.93 નો ધરખમ વધારો થયો છે. જેને કારણે જીવન જરૂરી ચીજ વસ્તુઓ પણ મોંઘી થઈ ગઈ છે. દેશભરમાં વધી રહેલા પેટ્રોલ અને ડીઝલના ભાવ સામે આજે કોંગ્રેસ વરોધ પ્રદર્શન કરી રહ્યું છે.

કોંગ્રેસનો વિરોધ કરી રાહત આપવાની માંગ કરશે

પેટ્રોલ અને ડીઝલના ભાવમાં છેલ્લા કેટલાક દિવસોથી કિંમતોમાં સતત વધારો થઈ રહ્યો છે કોંગ્રેસ આજે રાજ્યવ્યાપી ધરણા પ્રદર્શન કરશે. કોંગ્રેસ  પેટ્રોલ ડીઝલ એક્સાઇઝમાં ઘટાડો કરી જનતાને રાહત આપવાની માંગણી કરશે

પેટ્રોલ ડીઝના ભાવ વધારા સામે કોંગ્રેસનો વિરોધ

છેલ્લા 13 માસમાં પેટ્રોલમાં રૂ.25.72 અને ડીઝલમાં રૂ.27.93 નો ધરખમ વધારો થયો છે. જેને કારણે જીવન જરૂરી ચીજ વસ્તુઓ પણ મોંઘી થઈ ગઈ છે. પેટ્રોલ-ડીઝલના અસહ્ય ભાવ વધારાના વિરોધમાં ભાવનગર શહેર અને જિલ્લા કોંગ્રેસ સમિતિ દ્વારા આજે સવારે 11 કલાકે કલેકટર કચેરી સામેના પેટ્રોલ પમ્પ સામે દેખાવો કરી કલેકટર કચેરી સામે ધરણા કરવામાં આવશે.