ભડકો / છેલ્લા 5 દિવસમાં પેટ્રોલ-ડીઝલના ભાવમાં ભડકો, જાણો કેટલો થયો વધારો

• કોરોના સંકટ વચ્ચે પેટ્રોલ-ડીઝલના ભાવમાં સતત વધારો
• 5 જૂનથી પેટ્રોલ-ડીઝલના ભાવમાં થઈ સતત વધારો
• છેલ્લા 5 દિવસમાં પેટ્રોલના ભાવમાં 1.87 રૂપિયાનો વધારો
• ડીઝલના ભાવમાં પણ 1.90 રૂપિયાનો થયો છે વધારો 

આમ અનલોક લાગુ થવાની સાથે છેલ્લા ઘણાં સમયથી બંધ રહેલા ધંધા-રોજગાર તેમજ અન્ય વ્યવહારો શરૂ થવાની સાથે પેટ્રોલ-ડીઝલની માંગ વધી છે.  જેને લઇને હવે ઓઇલ કંપનીઓ દ્વારા પેટ્રોલ-ડીઝલના ભાવમાં પણ સતત વધારો કરવામાં આવી રહ્યો છે.

છેલ્લા 5 દિવસથી ઈંધણના ભાવમાં સતત વધારો થઈ રહ્યો છે. જેમાં પેટ્રોલમાં 1.87 રૂપિયાનો વધારો જ્યારે ડીઝલના ભાવમાં 1.90 રૂપિયા જેટલો વધારો થયો છે. આજે પણ પેટ્રોલના ભાવમાં 37 પૈસા અને ડીઝલના ભાવમાં 31 પૈસાનો વધારો થયો છે.

અમદાવાદમાં પેટ્રોલના ભાવ 69.28 રૂપિયાએ પહોંચી ગયા છે. જ્યારે ડીઝલનો ભાવ 67.35 રૂપિયા સુધી પહોંચી ગયા છે. સમગ્ર દેશમાં લોકડાઉનના  કારણે પ્રતિબંધો હતા. જો કે હવે પ્રતિબંધમાં છૂટ મળતાં ઈંધણની માગ વધી રહી છે. ક્રૂડ ઓઈલના ભાવમાં પણ વધારો થઈ રહ્યો છે. જેના કારણે હવે પેટ્રોલ-ડીઝલના ભાવમાં વધારો ઝીંકવામાં આવી રહ્યો છે.