દિવાળી ભેટ / દેશમાં એક પછી એક રાજ્યોમાં પેટ્રોલ-ડીઝલના ભાવ ઘટ્યા, સૌથી વધુ ગુજરાતમાં, જાણો ક્યાં કેટલો ઘટાડો

• કેન્દ્ર સરકારે પેટ્રોલમાં 5 અને ડીઝલમાં 10 રૂપિયાની એક્સાઈઝ ડ્યૂટી ઘટાડી
• 15 દિવસમાં જેટલો ભાવ વધ્યો તેટલો જ ભાવ દિવાળીના એક દિવસમાં ઘટ્યો
• કેન્દ્ર સરકારે એક્સાઇઝ ઘટાડ્યા બાદ રાજ્ય સરકારોએ પણ વેટનો દર ઘટાડ્યો

ગુજરાત સરકારે  પેટ્રોલ અને ડીઝલ પર વેટનો દર ઘટાડ્યો

કેન્દ્ર સરકારે દિવાળીના આગલા દિવસે જ પેટ્રોલમાં પ્રતિ લિટર 5 રૂપિયા અને ડીઝલમાં પ્રતિ લિટર 10 રૂપિયા એક્સાઇડ ડ્યૂટી ઘટાડવાનો નિર્ણય કર્યો છે. એ પછી મોડી રાત્રે ગુજરાત સરકારે પણ પેટ્રોલ પર વેટનો દર ઘટાડીને 13.7 રૂપિયા અને ડીઝલ પર વેટનો દર ઘટાડીને 14.9 રૂપિયા કર્યો હતો.
આ રાજ્યોમાં ડીઝલ 17 રૂપિયા સસ્તું થયું છે

કર્ણાટક, ગોવા, ત્રિપુરા અને આસામની સરકારોએ બંને ઇંધણને વધુ સસ્તું બનાવવા માટે ટેક્સમાં વધુ ઘટાડો કર્યો છે. આ રાજ્ય સરકારોએ પેટ્રોલ અને ડીઝલ પરના ટેક્સમાં સાત-સાત રૂપિયાનો ઘટાડો કરવાની જાહેરાત કરી છે, જેના કારણે ડીઝલની કિંમતમાં 17 રૂપિયા પ્રતિ લિટર અને પેટ્રોલની કિંમતમાં 12 રૂપિયા પ્રતિ લિટરનો ઘટાડો થશે.

केन्द्र सरकार द्वारा डीजल एवं पेट्रोल की कीमतो में राहत देने के निर्णय के बाद राज्य सरकार द्वारा राज्य स्तर पर वैट की दरों में कमी कर लोगों के लिए डीजल में 3.90 रूपये एवं पेट्रोल में 3.20 रूपये प्रति-लीटर की अतिरिक्त राहत देने का निर्णय लिया गया है।

— Nitish Kumar (@NitishKumar) November 4, 2021

બિહારમાં ડીઝલ 11.90 રૂપિયા સસ્તું થયું છે

બિહારમાં નીતીશ કુમારે પણ સામાન્ય લોકોને દિવાળીની ભેટ આપવાની તૈયારી કરી લીધી છે. પેટ્રોલ અને ડીઝલના ભાવ પર વેટ ઘટાડવાની જાહેરાત કરવામાં આવી છે. પેટ્રોલ પર 1 રૂપિયા 30 પૈસા અને ડીઝલ પર 1 રૂપિયા 90 પૈસાની રાહત આપવાની તૈયારી છે. કેન્દ્ર સરકાર તરફથી પેટ્રોલમાં 5 રૂપિયા અને ડીઝલમાં 10 રૂપિયાનો ઘટાડો કરવામાં આવ્યો છે. બંને રાહતો બાદ બિહારના લોકોને પેટ્રોલ 6.30 રૂપિયા અને ડીઝલ 11.90 રૂપિયા સસ્તું મળશે.

આ રાજ્યોમાં પણ રાહત

કર્ણાટકના સીએમએ પેટ્રોલ અને ડીઝલના ભાવમાં રૂ.પા. સુધીનો ઘટાડો કરવાની જાહેરાત કરી છે. ગોવા સરકારે પણ કાપની જાહેરાત કરી છે. ઉત્તરાખંડ, સિક્કિમની સાથે-સાથે ઘણા રાજ્યોએ પેટ્રોલ અને ડીઝલના ભાવ ઘટાડવા વેટના દર ઘટાડવાની જાહેરાત કરી છે. સિક્કિમના મુખ્યમંત્રી પ્રેમ સિંહ તમાંગ ગોલેએ ટ્વીટ કરીને તાત્કાલિક અસરથી પેટ્રોલ અને ડીઝલ પરના વેટમાં 7 રૂપિયાનો ઘટાડો કરવાની જાહેરાત કરી છે.

જાણો કાલની તુલનામાં આજે પેટ્રોલ અને ડિઝલના નવા ભાવ 

શહેર    પેટ્રોલના આજના ભાવ(4 નવેમ્બર)       પેટ્રોલના કાલના ભાવ (3નવેમ્બર)              ડિઝલના આજના ભાવ(4 નવેમ્બર)         ડિઝલના કાલના ભાવ (3નવેમ્બર)    

દિલ્હી    103.97            110.04            86.67            98.42
મુંબઈ    109.98            115.85            106.62            94.14
કલકત્તા    104.67            110.49            89.79            101.56
નોઈડા    101.25            107.16            87.27            99.09
પટના    108.15            114.02            93.32            105.29
અમદાવાાદ    95.23            106.75            89.21            106.20
દહેરાદૂન    99.36            106.00            87.53            99.35
આસમ    100.17            106.35            86.59            98.59
ગોવા    96.38            107.79            87.27            104.05
બેંગ્લોર    107.64            113.93            92.03            104.50
ચિન્નાઈ    101.42            106.66            91.44            102.61

ये दिल से नहीं डर से निकला फैसला है।

वसूली सरकार की लूट को आने वाले चुनाव में जवाब देना है।#PetrolDieselPrice

— Priyanka Gandhi Vadra (@priyankagandhi) November 4, 2021

ડીઝલ-પેટ્રોલના ભાવ પર પ્રિયંકા ગાંધીએ કહ્યું- આ નિર્ણય દિલથી નહીં, ડરથી લીધો છે

કેન્દ્રની નરેન્દ્ર મોદી સરકારે દિવાળીના અવસર પર દેશવાસીઓને પેટ્રોલ અને ડીઝલની વધતી કિંમતોમાંથી રાહત આપી છે. સરકારે પેટ્રોલ પર 5 રૂપિયા અને ડીઝલ પર 10 રૂપિયા એક્સાઇઝ ડ્યૂટી ઘટાડી છે. ઘટાડેલી કિંમતો આજથી લાગુ થશે. તે જ સમયે, સરકારના આ નિર્ણય પર પ્રિયંકા ગાંધીએ મોદી સરકાર પર આકરા પ્રહારો કર્યા છે. તેમણે કહ્યું છે કે સરકારે આ નિર્ણય દિલથી નહી ડર થી લીધો છે.