ગ્લોબલ આર્થિક ગ્રોથને લઈને વધતી ચિંતાના કારણે વિદેશી બજારમાં કાચા તેલના ભાવ સતત ઘટી રહ્યા છે. આંતરરાષ્ટ્રિય માર્કેટમાં સતત ત્રીજા અઠવાડિયે ભાવ ઘટ્યા છે. ગયા અઠવાડિયે કાચા તેલના ભાવ 7 ટકા સુધી ઘટ્યા હતા. જો કે ઘરેલૂ બજારમાં હજુ પણ કિંમતો પર ખાસ અસર જોવા મળી રહી નથી. આમ છતાં સપ્ટેમ્બર મહિનામાં પેટ્રોલના ભાવમાં 1 રૂપિયાનો અને ડીઝલના ભાવમાં 2.62 રૂપિયાનો ઘટાડો થયો હોવાનું જાણવા મળી રહ્યું છે.
સપ્ટેમ્બરમાં ઘટ્યા પેટ્રોલ અને ડીઝલના ભાવ
ડીઝલ 2.62 રૂપિયા થયું સસ્તુ
પેટ્રોલના ભાવમાં પણ થયો 1 રૂપિયાનો ઘટાડો
સરકારી તેલ કંપનીઓએ આજે ફરીથી ડીઝલના ભાવ ઘટાડવાની જાહેરાત કરી છે. ડીઝલની કિંમતોમાં 16 પૈસા પ્રતિ લિટરનો ઘટાડો કરાયો છે તો પેટ્રોલના ભાવ 4 દિવસથી સ્થિર છે. શનિવારે દિલ્હીમાં પેટ્રોલના ભાવ 81.6 રૂપિયા પ્રતિ લિટર અને ડીઝલની કિંમત 70.84 રૂપિયા પ્રતિ લિટર નક્કી કરાઈ છે. 10 સપ્ટેમ્બરથી સતત ભાવમાં નાનો નાનો ઘટાડો થઈ રહ્યો છે. 22 સપ્ટેમ્બર સુધીમાં પેટ્રોલમાં 1.02 રૂપિયાનો ઘટાડો થયો છે. તો 3 સપ્ટેમ્બરથી ડીઝલના ભાવમાં 2.62 રૂપિયાનો ઘટાડો થયો છે.
જાણો દેશના મોટા શહેરોમાં પેટ્રોલ અને ડીઝલની કિંમતો
આ રીતે ચેક કરો તમારા શહેરના પેટ્રોલ અને ડીઝલના આજના નવા ભાવ
પેટ્રોલ અને ડીઝલની કિંમતો રોજ સવારે 6 વાગે નક્કી કરવામાં આવે છે. પેટ્રોલ અને ડીઝલના રોજના ભાવ તમે મેસેજની મદદથી પણ જાણી શકો છો. આ માટે ઈન્ડિયન ઓઈલના ગ્રાહકો RSP સાથે શહેરના કોડ લખીને 9224992249 મેસેજ કરી શકે છે. બીપીસીએલના ગ્રાહકો RSP - 9223112222 પર મેસેજ કરી શકે છે અને સાથે જ એચપીસીએલના ગ્રાહકો HPPrice લખીને 9222201122 મેસેજ કરીને નવા ભાવ જાણી શકે છે.