નુકસાન / આટલા દિવસમાં સડી જાય છે ગાડીમાં ભરાવેલું પેટ્રોલ-ડીઝલ, એન્જિન પર પણ પડશે ખરાબ અસર

• આટલા દિવસમાં સડી જાય છે કારમાં ભરેલુ પેટ્રોલ-ડીઝલ
• જાણો પેટ્રોલ-ડીઝલ કેવીરીતે ખરાબ થાય છે?
• ક્રૂડ ઑઈલને રિફાઈન કરતી વખતે અનેક પ્રકારના કેમિકલ મિલાવાય છે

સડી જાય છે ઓઈલ 

જેમ માર્કેટમાં થોડો પેટ્રોલનો ભાવ ઘટવા લાગે છે તેવી જ રીતે લોકો તાત્કાલિક પોતાના કારની ટાંકીઓ ફૂલ કરાવે છે. પરંતુ આ ખૂબ જ ઓછા લોકોને ખબર છે કે પેટ્રોલ અને ડીઝલ પણ એક સમય બાદ એક્સપાયર થાય છે. કેટલાંક લોકો એવા હોય છે, જેને કારનુ કામ ઓછુ હોય છે અને આ કારણથી તેમની કાર ઘરમાં ઉભી રહે છે. તો બીજી તરફ કેટલાંક લોકો ઓછી કિંમત હોવા છતાં પોતાની ટાંકીઓને ફૂલ કરાવી નાખે છે. પરંતુ તેમાં ડીઝલ પેટ્રોલ આ રીતે જ ભરાયેલુ રહે છે. જો કે, ઘણા મહિના બાદ જો તમે આ કારને ચલાવો છો તો તમારી કાર પર તેનો શું પ્રભાવ પડે છે, એ જ અમે તમને જણાવવાના છીએ. 

પેટ્રોલ-ડીઝલ કેવીરીતે ખરાબ થાય છે?

મોટાભાગના લોકોને ખબર હોતી નથી કે કારમાં ભરાયેલુ પેટ્રોલ ખરાબ પણ થાય છે. તેથી કેટલાંક લોકો આ સમાચાર સાંભળતા જ હેરાન રહી જશો. મોટાભાગના લોકો એવુ જાણે છે કે પેટ્રોલ ડીઝલ જેવી ચીજ વસ્તુઓ ક્યારેય પણ ખરાબ થતી નથી. પરંતુ આવુ હોતુ નથી. દરેક વસ્તુનુ આયુષ્ય હોય છે. ઉલ્લેખનીય છે કે પેટ્રોલ અને ડીઝલ ક્રૂડ ઑઈલથી પણ જલ્દી ખરાબ થઇ જાય છે.

શેલ્ફ લાઈફ ઘટી જાય છે

જેનુ કારણ એવુ છે કે ક્રૂડ ઑઈલને રિફાઈન કરતી સમયે તેમાં અનેક પ્રકારના કેમિકલ મિલાવી દેવામાં આવે છે. આ સાથે તેની અંદર ઈથેનોલ સુધી સામેલ કરી દેવામાં આવે છે. આ કેમિકલ પેટ્રોલ અને ડીઝલની શેલ્ફ લાઈફને ઘટાડી દે છે. ત્યારબાદ જ્યારે કાર આ રીતે ઉભી રહે છે અને તેમાં પેટ્રોલ આ રીતે પડ્યુ રહ છે ત્યારે તાપમાનની સાથે વરાળમાં પરિવર્તિત થાય છે. ત્યારબાદ આ પેટ્રોલ અને ડીઝલને સડાવી દે છે.