રાહત / 15 દિવસ બાદ સરકારે પેટ્રોલ અને ડીઝલના ભાવમાં કર્યો ઘટાડો, જાણો કેટલું થયું સસ્તુ અને શું છે નવો ભાવ

• સામાન્ય લોકોને મોટી રાહત
• સરકારે 15 દિવસ બાદ ઘટાડ્યા પેટ્રોલ અને ડીઝલના ભાવ
• જાણો આજનો નવો ભાવ
   

પેટ્રોલ અને ડીઝલની નવી કિંમતો જાહેર થઈ ચૂકી છે. સરકારી તેલ કંપનીઓએ આજે 15 દિવસ બાદ ભાવમાં ઘટાડો કર્યો છે. તેલ કંપનીઓએ 15 દિવસથી પેટ્રોલ અને ડીઝલની કિંમતો સ્થિર રાખી હતી. આજે પેટ્રોલની કિંમતમાં 16 પૈસા અને ડીઝલની કિંમતમાં 14 પૈસાનો ઘટાડો કરાયો છે. આ ઘટાડા બાદ રાજધાની દિલ્હીમાં પેટ્રોલનો ભાવ 90.40 રૂપિયા પ્રતિ લિટર થયો છે અને સાથે ડીઝલનો ભાવ 80.73 રૂપિયા પ્રતિ લિટર થયો છે. કાચા તેલની કિંમતોમાં ઘટાડાની અસર ભાવમાં જોવા મળી રહી છે. 
 
ગયા મહિને 3 વાર સસ્તુ થયું પેટ્રોલ અને ડીઝલ

ગયા મહિને પેટ્રોલ અને ડીઝલના ભાવમાં 3 વાર ઘટાડો થયો છે. 30 માર્ચે પેટ્રોલ 22 પૈસા તો ડીઝલ 23 પૈસા પ્રતિ લિટર સસ્તુ થયું હતું. આ પહેલા 24 અને 25 માર્ચે પણ પેટ્રોલ અને ડીઝલ સસ્તુ થયું હતું. આ 2 દિવસના ઘટાડાથી દિલ્હીમાં પેટ્રોલ 39 પૈસા અને ડીઝલ 37 પૈસા પ્રતિ લિટર સસ્તુ થયું હતું. 
 
જાણો તમારા શહેરનો આજનો ભાવ

• દિલ્હીમાં પેટ્રોલ 90.40 રૂપિયા અને ડીઝલ 80.73 રૂપિયા પ્રતિ લિટર
• મુંબઈમાં પેટ્રોલ  96.83 રૂપિયા અને ડીઝલ  87.81 રૂપિયા પ્રતિ લિટર
• ચેન્નઈમાં પેટ્રોલ   92.43 રૂપિયા અને ડીઝલ 85.75 રૂપિયા પ્રતિ લિટર
• કોલકત્તામાં પેટ્રોલ 90.62 રૂપિયા અને ડીઝલ 83.61 રૂપિયા પ્રતિ લિટર 

 
આ કારણે સસ્તુ થઈ રહ્યું છે પેટ્રોલ અને ડીઝલ

ઘરેલૂ તેલ કંપનીઓ આંતરરાષ્ટ્રિય બજારમાં છેલ્લા 15 દિવસના કાચા તેલના સરેરાશ ભાવના આધારે પેટ્રોલ અને ડીઝલની કિંમતો નક્કી કરાય છે. આ તેલ કંપનીઓને તેના સિવાયના ડોલરની સરખાણણઈએ રૂપિયાના ચઢાવ ઉતારમાં પણ ધ્યાન રાખવાનું રહે છે. જાણકારોનું માનીએ તો આવનારા સમયમાં પેટ્રોલ સસ્તું થયું છે. તેનું મોટું કારણ આંતરરાષ્ટ્રિય બજારમાં કાચું તેલ સસ્તુ થવું છે. આ ભારતીય રિફાઈનરી કંપનીઓએ ઈરાનથી ક્રૂડની આયાત કરવાની શરૂઆત કરી છે. ઈરાનથી તેલ આવતા ભારતીય બજારમાં પેટ્રોલ અને ડીઝલની કિંમત ઘટી રહી છે. 

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
 
તમારા શહેરમાં આજના ભાવ આ રીતે જાણો 

પેટ્રોલ-ડીઝલના ભાવ દરરોજ બદલાય છે અને સવારે 6 વાગ્યે અપડેટ કરવામાં આવે છે. તમે એસ.એમ.એસ. દ્વારા પેટ્રોલ અને ડીઝલના દૈનિક દરને કેવી રીતે જાણી શકો છો(How to check diesel petrol price daily). ઇન્ડિયન ઓઇલનો ગ્રાહક આરએસપી સ્પેસ પેટ્રોલ પમ્પનો કોડ 9292992249 પર લખીને માહિતી મેળવી શકે છે અને બીપીસીએલ ગ્રાહકો RSP લખીને 9223112222 પર માહિતી મોકલી શકે છે. તે જ સમયે, એચપીસીએલ ગ્રાહકો HPPrice લખીને અને તેને 9222201122 નંબર પર મોકલીને કિંમત જાણી શકે છે.