Petrol-Diesel Price / આજે ફરી પેટ્રોલ અને ડીઝલના ભાવવધારાએ સામાન્ય માણસની તોડી કમરઃ 13 શહેરોમાં પહેલીવાર પેટ્રોલ રૂ. 100ને પાર, જાણો નવા ભાવ

• આજે ફરી પેટ્રોલ અને ડીઝલના ભાવમાં થયો વધારો
• આ શહેરોમાં પહેલીવાર પેટ્રોલ રૂ. 100ને પાર
• જાણો આજના ભાવ વધારા સાથે નવો ભાવ પણ

તેલ કંપનીઓએ આજે એટલે કે મંગળવારે પેટ્રોલ અને ડીઝલના ભાવમાં ફરી એક વાર વધારો કર્યો છે. આજે પેટ્રોલમાં 28 પૈસા પ્રતિ લિટર અને ડીઝલમાં 26 પૈસા પ્રતિ લિટરનો વધારો કરાયો છે. સોમવારે ભાવમાં કોઈ વધારો કરાયો ન હતો. ગયા મહિને કાચા તાલના ભાવ 12 ટકા વધીને રેકોર્ડ 74 ડોલર પ્રતિ બેરલ થયા હતા. છેલ્લા 49 દિવસોમં કિંમતોમાં 28મી વખત વધારો થયો છે. 4મેના બાદ અત્યાર સુધી પેટ્રોલના ભાવમાં 7.1 રૂપિયા પ્રતિ લિટરે વધારો થયો છે અને સાથે ડીઝલના ભાવમાં પણ 7.5 રૂપિયાનો વધારો જોવા મળ્યો છે. આજે રાજધાનીમાં પેટ્રોલનો ભાવ 97.50 રૂપિયા અને ડીઝલનો ભાવ 88.23 રૂપિયા રહેશે.  

આ કારણે વધી રહ્યા છો ભાવ
આંતરરાષ્ટ્રિય બજારમાં કાચું તેલ સતત મોંઘું થઈ રહ્યું છે. આ કારણે ઘરેલૂ બજારમાં ઈંધણની કિંમતો વધી રહી છે. તેલ કંપનીઓ ઈંધણનો ભાવ આંતરરાષ્ટ્રીય બજારમાં છેલ્લા 15 દિવસમાં કાચા તેલના ભાવ અને ડોલરના આધારે રૂપિયાની સ્થિતિના આધારે નક્કી કરે છે. પેટ્રોલ અને ડીઝલ પર કેન્દ્ર અને રાજ્ય સરકારો પણ મોટો ટેક્સ વસૂલે છે. આ સિવાય ઈંધણને પેટ્રોલ પંપ સુધી પહોંચાડવા માટે ખર્ચથી લઈને ડીલરના કમિશન સુધીનો ભાર સામાન્ય માણસ પર આવે છે.  

દિલ્હીની વાત કરીએ તો અહીં કેન્દ્ર સરકાર પ્રતિ લિટર 34.80 ટકા એક્સાઈઝ ડ્યૂટી વસૂલે છે તો રાજ્ય સરકાર 23.80 ટકા ટેક્સ વસૂલે છે. ડીઝલની વાત કરીએ તો કેન્દ્ર સરકાર 37.24 ટકા અને રાજ્ય સરકાર 14.64 ટકા ટેક્સ વસૂલે છે. વૈશ્વિક બજારમાં ગયા વર્ષે કિંમતોમાં ઘટાડો જોવા મળ્યો હતો તો કેન્દ્ર સરકારે એક્સાઈઝ ડ્યૂટીમાં વધારો કરવાનો નિર્ણય લીધો હતો.
 

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે. 

આ 13 શહેરોમાં 100 રૂપિયાને પાર થયું પેટ્રોલ
 4મેથી રોજ થઈ રહેલા ભાવ વધારા બાદ અનેક શહેરોમાં પેટ્રોલના ભાવ 100 રૂપિયાને પાર થયા છે. આજે પણ બંનેની કિંમતોમાં ભાવવધારો કરાયો છે. ભાવવવધારા બાદ મુંબઈ, રત્નાગીરી, ઔરંગાબાદ, જેસલમેર, ગંગાનગર, હૈદરાબાદ, લેહ, બાંસવાડા, ઈન્દોર, જયપુર, ભોપાલ, ગ્વાલિયર, ગુટુર, કકિનાડા, ચિકમંગલુર, શિવમોગ્ગા અને લેહમાં પેટ્રાલના ભાવ 100 રૂપિયા પ્રતિ લિટર થયા છે.