પેટ્રોલ અને ડીઝલના ભાવ વધારાથી પરેશાન લોકોને સતત ત્રીજા દિવસે રાહત મળી છે.
સતત ત્રણ દિવસથી પેટ્રોલ-ડીઝલના ભાવ સ્થિર
ડેલ્ટા વેરિએન્ટના કારણે અને ક્રૂડ ઓઈલ પર અસર
42 દિવસમાં પેટ્રોલ લગભગ 11.52 રૂપિયા પ્રતિ લીટર મોંઘુ થઈ ગયું
ઓઈલ કંપનીઓએ સતત ત્રીજા દિવસે ભારતમાં પેટ્રોલ અને ડીઝલના ભાવમાં વધારો નથી કર્યો. ગયા અઠવાડિયે શનિવારે પેટ્રોલ અને ડીઝલ, બન્નેની કિંમતો વધી હતી. ઈન્ડિયન ઓઈલની વેબસાઈટ પર આપવામાં આવેલી જાણકારી અનુસાર મંગળવારે દિલ્હીમાં પેટ્રોલ 101.84 રૂપિયા પ્રતિ લીટર અને ડીઝલ 89.87 રૂપિયા પ્રતિ લીટર પર વેચાઈ રહ્યું છે.
42 દિવસમાં પેટ્રોલ લગભગ 11.52 રૂપિયા મોંઘુ
ભાવમાં આવેલી આ સ્થિરતાનું કારણ ક્રૂડ ઓઈલમાં સતત ઘટાડાને માનવામાં આવી રહ્યું છે. યુરોપીયન દેશો અને અમેરિકામાં ફરી એક વખત કોરોનાના વધતા કેસો અને કોવિડના ડેલ્ટા વેરિએન્ટના વધતા પ્રભાવને જોવા ક્રૂડ ઓઈના બજારમાં કડાકો જોવા મળ્યો છે. કાલે ડબ્લ્રૂટીઆઈ ક્રૂડ 7.63 ટકા ગગડીને 66.33 ડોલર સુધી પહોંચી ગયો. મે બાદથી પેટ્રોલની કિંમતોમાં જે રીતે વધારે થયો છે તેના કારણે સામન્ય માણસ ખૂબ પરેશાન છે. 42 દિવસમાં પેટ્રોલ લગભગ 11.52 રૂપિયા પ્રતિ લીટર મોંઘુ થઈ ગયું છે. ત્યાં જ કિંમત પણ પાછલા બે મહિનામાં 9.14 રૂપિયા પ્રતિ લીટર વધીને રાજધાનીમાં 89.87 રૂપિયા પ્રતિ લીટર થઈ ગઈ છે.
અન્ય શહેરોમાં ઓઈલની કિંમત
અન્ય શહેરોમાં કિંમતોની વાત કરવામાં આવે તો આજે અમદાવાદમાં પેટ્રોલ 98.41 રૂપિયા અને ડીઝલ 96.58 રૂપિયા પ્રતિ લીટર , મુંબઈમાં પેટ્રોલ 107.83 રૂપિયા અને ડીઝલ 97.45 રૂપિયા પ્રતિ લીટર, કોલકાતામાં 102.08 રૂપિયા અને ડીઝલ 93.02 રૂપિયા પ્રતિ લીટર, ચેન્નાઈમાં આજે પેટ્રોલ 102.49 રૂપિયા અને ડીઝલ 94.39 રૂપિયા પ્રતિ લીટર, બેંગ્લોરમાં આજે પેટ્રોલ 105.25 રૂપિયા અને ડીઝલ 95.26 રૂપિયા પ્રતિ લીટર, લખનૈઉમાં આજે પેટ્રોલ 98.69 રૂપિયા અને ડીઝલ 90.26 રૂપિયા પ્રતિ લીટર છે.