ગુરુવારે પેટ્રોલ અને ડીઝલની કિંમતોમાં ક્રમશઃ 23-25 પૈસા પ્રતિ લિટર અને 07 પૈસા પ્રતિ લિટરનો વધારો કરાયો છે. એક્સપર્ટનું કહેવું છે કે પેટ્રોલની કિંમત 125 રૂ. પ્રતિ લિટર થઈ શકે છે.
આજે ફરી વધ્યા પેટ્રોલ અને ડીઝલના ભાવ
પેટ્રોલમાં 23-25 પૈસા પ્રતિ લિટરનો વધારો થયો
પેટ્રોલની કિંમત 125 રૂ. પ્રતિ લિટર થઈ શકેઃ એક્સપર્ટ
સરકારી તેલ કંપનીઓએ આજે ગુરુવારે ફરીથી કિંમતોમાં વધારો કર્યો છે. પેટ્રોલ અને ડીઝલની કિંમતોમાં ક્રમશઃ 23-25 પૈસા પ્રતિ લિટર અને 07 પૈસા પ્રતિ લિટરનો વધારો કરાયો છે. એક્સપર્ટનું કહેવું છે કે પેટ્રોલની કિંમત 125 રૂ. પ્રતિ લિટર થઈ શકે છે. આંતર રાષ્ટ્રિય બજારોમાં સતત વધી રહેલા કાચા તેલના ભાવના કારણે સામાન્ય માણસને નજીકના ભવિષ્યમાં પેટ્રોલ અને ડીઝલની કિંમતમાં રાહત મળે તેના કોઈ આસાર જોવા મળી રહ્યા નથી.
ગયા મહિને ક્રૂડ ઓઈલનો ભાવ 12 ટકા સુધી વધ્યો છે. આ સમયે 4મેથી અત્યાર સુધી 50 દિવસમાં 29 વાર પેટ્રોલ અને ડીઝલના ભાવ વધ્યા છે અને પેટ્રોલ 7.36 રૂપિયા પ્રતિ લિટર અને ડીઝલ 7.57 રૂપિયા પ્રતિ લિટર મોંઘુ થઈ ચૂક્યું છે.
આ 13 શહેરોમાં 100 રૂપિયાને પાર થયું પેટ્રોલ
4મેથી રોજ થઈ રહેલા ભાવ વધારા બાદ અનેક શહેરોમાં પેટ્રોલના ભાવ 100 રૂપિયાને પાર થયા છે. આજે પણ બંનેની કિંમતોમાં ભાવવધારો કરાયો છે. ભાવવવધારા બાદ મુંબઈ, રત્નાગીરી, ઔરંગાબાદ, જેસલમેર, ગંગાનગર, હૈદરાબાદ, લેહ, બાંસવાડા, ઈન્દોર, જયપુર, ભોપાલ, ગ્વાલિયર, ગુટુર, કકિનાડા, ચિકમંગલુર, શિવમોગ્ગા અને લેહમાં પેટ્રાલના ભાવ 100 રૂપિયા પ્રતિ લિટર થયા છે.
125 રૂપિયાને પાર જઈ શકે છે પેટ્રોલના ભાવ
મળતી માહિતી અનુસાર ભારતની વાત કરીએ તો ક્રૂડના ભાવમાં હવે 25 ડોલરનો વધારો આવે છે તો પેટ્રોલના ભાવ 125 રૂપિયાને પાર પણ જઈ શકે છે. જો આવું ચાલશે તો આવનારા મહિનામાં પેટ્રોલ 110ના આંકને પાર કરી જશે. ભારતમાં ખાદ્ય તેલ અને ક્રૂડ ઓઈલની સૌથી વધારે આયાત થાય છે.
ટેક્સ ઘટાડવાથી નહીં થાય ખાસ ફાયદો
જે રીતે પેટ્રોલ અને ડીઝલના ભાવ વધી રહયા છે અને આયાત બિલ સતત વધી રહ્યું છે તે જોતાં ટેક્સને ઘટાડવાથી ભાવમાં કોઈ ફેર આવશે નહીં. નબળો રૂપિયો ભારતને કાચા તેલના ભુગતાનને માટે વધારે ચૂકવવાના રહેશે. જો સરકાર લિટરે 2-5 રૂપિયાનો ઘટાડો કરે પણ છે તો સામાન્ય માણસને કોઈ ફરક પડશે નહીં કેમકે કિંમતોમાં આનાથી પણ વધારો થશે.
દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.