તમારા કામનું / પેટ્રોલ ડીઝલના ભાવમાં આજે ભારે વધારો, નવી કિંમત તમારા ખિસ્સા ખાલી કરનારી

•  ડીઝલની વાત કરવામાં આવે તો 97 રુપિયા પ્રતિ લીટરને પાર થઈ ગયું
• શ્રીગંગાનગરમાં આજે પેટ્રોલ 120.89 રુપિયા અને ડીઝલ 111.77 રુપિયા લીટર
•  દેશના અનેક શહેરોમાં પેટ્રોલ 120 રુપિયા લીટરની ઉપર વેચાઈ રહ્યું છે

દિલ્હીમાં 108 રુપિયાને પાર થઈ ગયું પેટ્રોલ

સરકારી તેલ કંપનિયોએ શુક્રવારે પણ પેટ્રોલ-ડીઝલના ભાવમાં વધારો કરી દીધો છે. પેટ્રોલના ભાવમાં સતત વધારો થવાના કારણે દિલ્હીમાં 108 રુપિયાને પાર થઈ ગયું છે. ત્યારે ડીઝલની વાત કરવામાં આવે તો 97 રુપિયા પ્રતિ લીટરને પાર થઈ ગયું છે. જણાવી દઈએ કે દેશના અનેક શહેરોમાં પેટ્રોલ 120 રુપિયા લીટરની ઉપર વેચાઈ રહ્યું છે.

શ્રીગંગાનગરમાં આજે પેટ્રોલ 120.89 રુપિયા અને ડીઝલ 111.77 રુપિયા લીટર

રાજસ્થાનના શ્રીગંગાનગરમાં આજે પેટ્રોલ 120.89 રુપિયા અને ડીઝલ 111.77 રુપિયા લીટર વેચાઈ રહ્યું છે. આ ઉપરાંત મધ્ય પ્રદેશના લગભગ જિલ્લામાં પેટ્રોલ 120 રુપિયા લીટરની નજીક છે.

જાણો આજે ચાર મહાનગરોમાં કેટલો છે પેટ્રોલ-ડીઝલનો ભાવ

દિલ્હી પેટ્રોલ 108.64 રુપિયા અને ડીઝલ 97.37 રુપિયા પ્રતિ લીટર
મુંબઈ પેટ્રોલ 114.47 રુપિયા અને ડીઝલ 105.49 રુપિયા પ્રતિ લીટર
ચેન્નાઈ પેટ્રોલ 105.43  રુપિયા અને ડીઝલ 101.59  રુપિયા પ્રતિ લીટર
કોલકત્તા પેટ્રોલ 109.12રુપિયા અને ડીઝલ  100.49 રુપિયા પ્રતિ લીટર

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.