Petrol Price Today / રેકોર્ડ હાઈ પર પહોચ્યા પેટ્રોલ અને ડીઝલના ભાવ, જાણો 25 દિવસમાં કેટલા વધ્યા ભાવ

• જાણો શું છે પટ્રોલ અને ડીઝલના આજના ભાવ
• આજે કોઈ ભાવવધારો કરાયો નથી
• જાણો 25 દિવસમાં કેટલા વધ્યા ભાવ

પેટ્રોલ અને ડીઝલની કિંમતમાં સતત ભાવવધારાની વચ્ચે તેલ કંપનીઓએ મંગળવારે ફરી ભાવ જાહેર કર્યા છે. આજે મંગળવારે કોઈ ભાવવધારો કરાયો નથી.   સોમવારે વધારો કરાયા બાદ આજે દિલ્હીમાં પેટ્રોલની કિંમતો સ્થિર છે. અહીં પેટ્રોલ 96.41 રૂપિયા પ્રતિ લિટર છે તો ડીઝલની કિંમત 87.28 રૂપિયા પ્રતિ લિટર રહી છે. 

4 મેથી 15 જૂન સુધીમાં 24 વાર વધ્યા ભાવ
દેશમાં પેટ્રોલ અને ડીઝલના ભાવ રેકોર્ડ સ્તરે પહોંચ્યા છે. 4મેથી 15 જૂન સુધીમાં પેટ્રોલ 5.45 રૂપિયા મોંઘુ થયું છે તો ડીઝલના ભાવમાં 6.02 રૂપિયા પ્રતિ લિટરે વધારો નોંધાયો છે. અઠવાડિયાની શરૂઆતમાં પેટ્રોલ અને ડીઝલની કિંમતમાં ક્રમશઃ 29 પૈસા અને 30 પૈસા પ્રતિ લિટરે વધારો નોંધાયો છે.

આ છે આજના પ્રમુખ શહેરોના પેટ્રોલ અને ડીઝલના ભાવ

શહેર     પેટ્રોલ રૂ/લિટર     ડીઝલ રૂ/લિટર

દિલ્હી      96.41                   87.28
મુંબઈ      102.58                 94.70
કોલકત્તા   96.34                 90.12
ચેન્નઈ       97.69                91.92

અહીં 107.53 રૂપિયા લિટર થયું પેટ્રોલ
રાજસ્થાનના શ્રીગંગાનગરની વાત કરીએ તો આ પહેલી જગ્યા છે જ્યાં પેટ્રોલ 100 રૂપિયાને પાર થયું છે. અહીં શહેરોમાં પેટ્રોલના ભાગ 107 રૂપિયા પ્રતિ લિટરને પાર થઈ ચૂક્યા છે અને ડીઝલ પણ 100.37 રૂપિયા પ્રતિ લિટર વેચાઈ રહ્યું છે.

રોજ સવારે 6 વાગે બદલાય છે પેટ્રોલ અને ડીઝલના ભાવ

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડ બજારના ભાવનો આધારે પેટ્રોલ ડીઝલની કિંમતો નક્કી થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવામાં આવે છે જ્યારે ડીલરો રિટેલ કિંમતો પર ટેક્સ અને પોતાના માર્જિનને કાઢ્યા બાદ પેટ્રોલ વેચે છે. 

આવી રીતે જાણી શકાય છે પેટ્રોલ ડીઝલના ભાવ

પેટ્રોલ-ડીઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.