ભાવવધારો / કોરોના મહામારીમાં પેટ્રોલની વધતી કિંમતોએ વધાર્યું સામાન્ય માણસનું ટેન્શન, જાણો નવા ભાવ

• પેટ્રોલની કિંમતમાં થયો વધારો
• પેટ્રોલમાં 11 પૈસાનો વધારો કરાયો
• ડીઝલના ભાવમાં કોઈ વધારો નહીં

આ આધારે બદલાય છે પેટ્રોલ અને ડીઝલની કિંમત

આજે રાજધાનીમાં પેટ્રોલ 11 પૈસા મોંઘું થયું છે. આ સાથે દિલ્હીમાં પેટ્રોલનો ભાવ 81.73 રૂપિયા પહોંચ્યો છે. ડીઝલની કિંમતોમાં આજે કોઈ ફેરફાર કરાયો નથી. ઉલ્લેખનીય છે કે છેલ્લા 9 દિવસમાં પેટ્રોલમાં 1.30 રૂપિયાનો વધારો થયો છે. રોજ સવારે 6 વાગ્યે પેટ્રોલ અને ડીઝલની કિંમતોમાં ફેરફાર આવે છે અને ત્યારથી જ આ ભાવ લાગૂ પડે છે.  વિદેશી મુદ્રા દરની સાથે આંતરરાષ્ટ્રીય બજારમાં ક્રૂડની કિંમત શું છે તેના આધારે રોજ પેટ્રોલ અને ડીઝલની કિંમતમાં ફેરફાર આવે છે. પેટ્રોલ  અને ડીઝલના ભાવમાં એક્સાઈઝ ડ્યૂટી, ડીલર કમીશન અને અન્ય ચીજો જોડ્યા બાદ તેના ભાવ ડબલ થાય છે. ઉલ્લેખનીય છે કે રોજ સવારે 6 વાગે પેટ્રોલ અને ડીઝલના ભાવમાં ફેરફાર થાય છે. 

આ છે આજના દેશના મોટા શહેરોમાં પેટ્રોલ અને ડીઝલના ભાવ

દિલ્હી - પેટ્રોલ 81.73 રૂપિયા અને ડીઝલ 73.56 રૂપિયા પ્રતિ લિટર
મુંબઈ - પેટ્રોલ 88.39 રૂપિયા અને ડીઝલ 80.11 રૂપિયા પ્રતિ લિટર
કોલકત્તા- પેટ્રોલ 83.24 રૂપિયા અને ડીઝલ 77.06 રૂપિયા પ્રતિ લિટર
ચેન્નઈ -  પેટ્રોલ 84.73 રૂપિયા અને ડીઝલ 78.86 રૂપિયા પ્રતિ લિટર
નોઈડા -  પેટ્રોલ 82.09 રૂપિયા અને ડીઝલ 73.87 રૂપિયા પ્રતિ લિટર
ગુરુગ્રામ -  પેટ્રોલ 79.89  રૂપિયા અને ડીઝલ 74.03 રૂપિયા પ્રતિ લિટર
લખનઉ -  પેટ્રોલ 81.99 રૂપિયા અને ડીઝલ 73.77 રૂપિયા પ્રતિ લિટર
પટના -  પેટ્રોલ 84.30 રૂપિયા અને ડીઝલ 78.72 રૂપિયા પ્રતિ લિટર
જયપુર -  પેટ્રોલ 88.93 રૂપિયા અને ડીઝલ 82.62 રૂપિયા પ્રતિ લિટર

આ રીતે જાણો તમારા શહેરના પેટ્રોલ અને ડીઝલના ભાવ

પેટ્રોલ ડીઝલના ભાવ રોજ સવારે 6 વાગે અપડેટ થાય છે. રોજના રેટ તમે એસએમએસની મદદથી પણ જાણી શકો છો. ઈન્ડિયન ઓઈલના ગ્રાહકો RSP લખીને 9224992249  પર બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.