ભારતમાં પેટ્રોલ ડીઝલની કિંમતો આસમાને છે ત્યારે તેલ ઉત્પાદક દેશો દ્વારા મોટો નિર્ણય લેવામાં આવ્યો છે.
કાચા તેલનું ઉત્પાદન વધારશે ખાડી દેશો
ભારતની અપીલને પહેલા ફગાવી દેવામાં આવી હતી
અમેરિકાની અપીલને માની ઉત્પાદન વધારવાનો નિર્ણય
ઈંધણની કિંમતોમાં રાહત મળશે?
OPEC+ દેશોએ આખરે તેલનું ઉત્પાદન વધારવા માટેનો નિર્ણય લઈ લીધો છે. મે મહિનાથી તેલનું ઉત્પાદન વધારી દેવામાં આવશે અને આ નિર્ણયથી હવે કાચા તેલની કિંમતોમાં ઘટાડો આવી શકે છે અને જો કાચું તેલ ઘટે તો ભારતીયોને પેટ્રોલ-ડીઝલની કિંમત પર રાહત મળી શકે છે.
અમેરિકાની વાત માનવામાં આવી
નોંધનીય છે કે ભારતે પહેલા જ આ દેશોને ઉત્પાદન વધારી દેવા માટે અપીલ કરી હતી પરંતુ ત્યારે આ દેશોએ ભારતની વાત ન માની. જોકે હવે અમેરિકા દ્વારા અનુરોધ કરવામાં આવતા ઓપેક દેશો કાચા તેલનું ઉત્પાદન વધારી દેવા માટે રાજી થઈ ગયા છે. અમેરિકાના રાષ્ટ્રપતિ જો બાયડન તરફથી સાઉદી અરબને આગ્રહ કરવામાં આવ્યો હતી કે તેલની કિમતોને કાબૂમા લેવા માટે હવે ઉત્પાદન વધારી દેવું જોઈએ.
શું છે આ ઓપેક દેશોનું સંગઠન?
નોંધનીય છે કે ઈરાક, કુવૈત, સાઉદી અરબ, વેનેઝુએલા, અજરબૈજાન, બેહરીન, બ્રુનેઇ, કજાકિસ્તાન, મલેશિયા, મેક્સિકો, ઓમાન, રશિયા સહિતના દેશોનું એક સંગઠન છે જે તેલના ઉત્પાદન મામલે મોટા નિર્ણય લે છે.
ભારતની અપીલને ફગાવી દેવામાં આવી હતી
આ દેશોએ કાચા તેલના ઉત્પાદનમાં ઘટાડો કરી દીધો હતો. ગઈ વખતે મીટિંગમાં ભારત તરફથી અપીલ કરવામાં આવી હતી કે ઉત્પાદન વધારી દેવામાં આવે. જે બાદ ભારતના પેટ્રોલિયમ મંત્રી ધર્મેન્દ્ર પ્રધાન નારાજ પણ થઈ ગયા હતા.
કેમ ઘટ્યું હતું ઉત્પાદન?
કોરોના વાયરસના કારણે વિશ્વભરમાં તેલની માંગ ઘટી જવાન કારણે દેશોએ કાચા તેલના ઉત્પાદનમાં કાપ મૂકી દીધો હતો. ઈરાનના પેટ્રોલિયમ મંત્રીએ પુષ્ટિ કરી છે કે કાચા તેલ ઉત્પાદક સમૂહો દ્વારા 11 લાખ બેરલ પ્રતિ દિવસના દરથી ઉત્પાદન વધારી દેવામાં આવશે.