આ મહિનાની શરૂઆતથી પેટ્રોલ અને ડીઝલના વધારાથી પીડાતા ગ્રાહકોને બે અઠવાડિયા સુધી રાહત મળે તેવી અપેક્ષા નથી. સરકારી ઓઇલ માર્કેટિંગ કંપનીઓનું કહેવું છે કે બંને પેટ્રોલિયમ પેદાશોના ભાવમાં વધારો કરવાની પ્રક્રિયા ત્યાં સુધી ચાલશે જ્યાં સુધી લિટર દીઠ રૂ .8 નો ખરીદી-વેચાણ ગેપ પુરો નહીં થાય. આ રીતે જૂનના અંત સુધીમાં દિલ્હી અને દેશના અન્ય ભાગોમાં પેટ્રોલ 80 રૂપિયા પ્રતિ લિટરથી પણ વધારે મોઘું થઈ શકે છે.
80 રુપિયાથી પણ વધારે મોંઘું થઈ શકે છે પેટ્રોલ,
વધુ 5 રુપિયાનો થઈ શકે છે ભાવમાં વધારો
કંપનીઓ 8 રુપિયા પ્રતિ લિટરનું અંતર માપવા સુધી પેટ્રોલ ડિઝલના ભાવમાં કરશે વધારો
સરકારી તેલ કંપનીઓ સાથે સંકળાયેલા સૂત્રોએ જણાવ્યું હતું કે પેટ્રોલ અને ડીઝલમાં પ્રતિ લિટર 4-5 રૂપિયાનો વધારો થઈ શકે છે. તેથી ભાવમાં વધારો કરવાની પ્રક્રિયા આગામી બે અઠવાડિયા સુધી ચાલુ રહેશે. જો કે હાલમાં દરરોજ લિટર દીઠ50-60 પૈસાનો વધારો કરવામાં આવી રહ્યો છે. જે ઘટીને 30 -40 પૈસા પ્રતિ લિટર પર આવશે. કંપનીઓની તૈયારી 1 જુલાઈ, 2020 સુધીમાં પ્રતિ લિટર 1.19 રૂપિયાનો નફો પહોંચાડવાની છે.
આ માટે ભાવમાં 7-8 ટકાનો વધુ વધારો કરવો પડશે. આ પહેલા 83 દિવસ સુધી તેલના ભાવમાં કોઈ ફેરફાર ન કર્યા બાદ કંપનીઓ છેલ્લા નવ દિવસથી સતત ભાવ વધારી રહી છે. અત્યાર સુધીમાં પેટ્રોલના ભાવમાં 5 રૂપિયા અને ડીઝલના ભાવમાં પ્રતિ લિટર 5.23 નો વધારો થયો છે. સોમવારના વધારા બાદ દિલ્હીમાં પેટ્રોલ 76.26 રૂપિયા અને ડીઝલ 74. 62 રૂપિયા પ્રતિ લિટર પર પહોંચી ગયું છે.
આગામી મહિનાથી ભાવમાં ઘટાડો શક્ય
તેલ કંપનીઓના અધિકારીઓએ જણાવ્યું હતું કે વૈશ્વિક બજારમાં ક્રૂડ તેલ ફરી એકવાર 40 ડૉલર પ્રતિ બેરલથી નીચે આવી ગયું છે અને ઉત્પાદનોના ભાવમાં પણ ઘટાડો થયો છે. જો આ વલણ આવતા મહિના સુધી ચાલુ રહેશે તો જુલાઈથી ફરીથી પેટ્રોલ-ડીઝલની કિંમતોમાં ઘટાડો થઈ શકે છે. જો કે તેલ ઉત્પાદક દેશોની સંસ્થા ઓપેકએ ક્રૂડના ભાવમાં વધારો કરવા માટે ઉત્પાદન કાપનો સમયગાળો જુલાઈ સુધી વધાર્યો છે.
નુકસાન લિટર દીઠ 1.28 રૂપિયા પર પહોંચી ગયું હતું
કંપનીઓએ જણાવ્યું હતું કે 6 જૂનના રોજ એક્સાઈઝ ડ્યૂટી અને રિફાઇનરી ટ્રાન્સફર પ્રાઇઝ (આરટીપી) માં વધારો થવાને કારણે વેચાણના લિટર દીઠ 1.28 રૂપિયાની ખોટ થઈ છે. જોકે સતત વધારા બાદ હવે તેનો લિટર દીઠ 0.20 રૂપિયાનો નફો છે.
આ આંકડાને 1 જુલાઈ, 2020 સુધીમાં પ્રતિ લિટર 1.19 રૂપિયા સુધી વધારવાનો છે. જો તેલની કિંમતમાં સતત વધારો થતો રહે છે, તો કંપનીઓનું ચોખ્ખું માર્જિન 2020-21 ના પહેલા ક્વાર્ટરમાં (એપ્રિલ-જૂન) રૂ. 6.09 રુપિયા પ્રતિ લિટર પર પહોંચશે. પરંતુ આગળ કોઈ વધારો નહીં થાય તો લિટર દીઠ રૂ. 5.18 રહેશે. જોકે ડીઝલના ભાવમાં વધારાની અસર ખાદ્યપદાર્થો પર પણ પડશે. જે પહેલેથી મોંઘા છે.