પેટ્રોલ-ડીઝલના ભાવમાં લોકોને ટૂંક સમયમાં મોટી રાહત મળી શકે છે. આગામી દિવસોમાં કિંમતોમાં પ્રતિ લિટર 2 રૂપિયા સુધીનો ઘટાડો થઈ શકે છે.
ભારતમાં પેટ્રોલ ડીઝલના ભાવમાં થશે ઘટાડો
આંતરરાષ્ટ્રીય માર્કેટમાં ક્રૂડતેલના ભાવમાં ઘટાડો થયો
આગામી દિવસોમાં 2 રૂપિયા પ્રતિ લીટર ઘટશે ભાવ
રશિયા અને યુક્રેન યુધ્ધ બાદ પેટ્રોલ અને ડીઝલના ભાવમાં વધારો જ જોવા મળ્યો હતો ત્યારે હાલ લોકો માટે રાહતના સમાચાર આવ્યા છે. પેટ્રોલ-ડીઝલના ભાવમાં લોકોને ટૂંક સમયમાં મોટી રાહત મળી શકે છે. આગામી દિવસોમાં આ ઉત્પાદનોની કિંમતોમાં પ્રતિ લિટર 2 રૂપિયા સુધીનો ઘટાડો થઈ શકે છે. દેશમાં વધી રહેલી મોંઘવારી વચ્ચે સામાન્ય માણસ માટે આ મોટી રાહત હશે. મીડિયાના એક અહેવાલ મુજબ, કિંમતોમાં આ ઘટાડો આંતરરાષ્ટ્રીય ક્રૂડ ઓઈલના ભાવમાં થયેલા ઘટાડાને કારણે થઈ શકે છે. પેટ્રોલ અને ડીઝલના ભાવમાં પણ ઘટાડો થવાનો અવકાશ છે કારણ કે હવે રિટેલર્સનું માર્જિન પોઝિટિવ બન્યું છે. રિપોર્ટ અનુસાર, રિટેલર્સનું માર્જિન પેટ્રોલ પર પ્રતિ લિટર 6 રૂપિયા પોઝિટિવ આવ્યું છે. એવી અપેક્ષા છે કે ટૂંક સમયમાં ડીઝલ પર 10 રૂપિયાની અંડર-રિકવરી ઘટી જશે. છેલ્લા સાત મહિનાથી પેટ્રોલ અને ડીઝલના ભાવમાં કોઈ ફેરફાર થયો નથી. જો કે, 22 મેથી સરકારે પેટ્રોલ પરની સેન્ટ્રલ એક્સાઇઝ ડ્યુટી ઘટાડવાનો નિર્ણય લીધો હતો. ત્યારબાદ અનુક્રમે પેટ્રોલ અને ડીઝલના ભાવ 8 અને 6 રૂપિયા ઘટ્યા હતા.
દિલ્હીમાં પેટ્રોલ ડીઝલની કિંમત
આજે બુધવારે દેશમાં પેટ્રોલ અને ડીઝલની કિંમતોમાં કોઈ ફેરફાર થયો નથી. રાષ્ટ્રીય રાજધાની દિલ્હીમાં બુધવારે પેટ્રોલ 96.72 રૂપિયા અને ડીઝલ 89.62 રૂપિયા પ્રતિ લીટરના ભાવે વેચાઈ રહ્યું છે. મુંબઈમાં પેટ્રોલ 106.31 રૂપિયા પ્રતિ લીટર અને ડીઝલ 94.27 રૂપિયા પ્રતિ લીટરના ભાવે ઉપલબ્ધ છે. આ સિવાય ચેન્નાઈમાં પેટ્રોલની કિંમત 102.63 રૂપિયા પ્રતિ લીટર અને ડીઝલની કિંમત 94.24 રૂપિયા પ્રતિ લીટર છે. તે જ સમયે, બુધવારે કોલકાતામાં પેટ્રોલ 106.03 રૂપિયા પ્રતિ લીટર અને ડીઝલ 92.76 રૂપિયા પ્રતિ લીટરના ભાવે વેચાઈ રહ્યું છે. ત્યારે ગુજરાતની વાત કરીએ તો ગાંધીનગરમાં પેટ્રોલના ભાવ 96.63 રૂપિયા પ્રતિ લીટર છે અને ડીઝલ 92.38 રૂપિયા પ્રતિ લીટર છે.
અન્ય મોટા શહેરોમાં કિંમતો
નોઈડામાં બુધવારે પેટ્રોલ 96.57 રૂપિયા અને ડીઝલ 89.96 રૂપિયા પ્રતિ લીટરના ભાવે વેચાઈ રહ્યું છે. ગુરુગ્રામમાં પેટ્રોલ 97.18 રૂપિયા પ્રતિ લીટર અને ડીઝલ 90.05 રૂપિયા પ્રતિ લીટરના ભાવે ઉપલબ્ધ છે. આ સિવાય ચંદીગઢમાં પેટ્રોલ 96.20 રૂપિયા અને ડીઝલ 84.26 રૂપિયા પ્રતિ લીટરના ભાવે મળે છે. તે જ સમયે, લખનૌમાં પેટ્રોલની કિંમત 96.57 રૂપિયા અને ડીઝલની કિંમત 89.76 રૂપિયા પ્રતિ લીટર છે. (સ્ત્રોત- IOC)
તમે અહીં SMS દ્વારા જાણી શકો છો,
પેટ્રોલ-ડીઝલના ભાવ દરરોજ બદલાય છે અને સવારે 6 વાગ્યે અપડેટ થાય છે. તમે SMS દ્વારા પેટ્રોલ અને ડીઝલના દૈનિક દર પણ જાણી શકો છો. ઈન્ડિયન ઓઈલના ગ્રાહકો 9224992249 નંબર પર RSP સ્પેસ પેટ્રોલ પંપનો કોડ લખીને અને BPCL ગ્રાહકો નંબર 9223112222 પર RSP લખીને માહિતી મેળવી શકે છે. તે જ સમયે, HPCLના ગ્રાહકો HPPprice લખીને અને 9222201122 નંબર પર મોકલીને કિંમત જાણી શકે છે.