આંતરરાષ્ટ્રીય સ્તરે ક્રૂડ ઓઈલના ભાવ 7 વર્ષના હાઈ લેવલ પર પહોંચ્યાં હોવાથી આગામી દિવસમાં ભારતમાં પેટ્રોલ અને ડીઝલના ભાવમાં વધારો આવી શકે છે.
ક્રૂડ ઓઈલના ભાવ 7 વર્ષના હાઈ લેવલ પર
ક્રૂડ ઓઈલના ભાવ 87 ડોલર પ્રતિ બેરલ પર પહોંચ્યાં
આગામી સમયમાં ભારતમાં પેટ્રોલ-ડીઝલના ભાવમાં વધારો આવશે
વધી રહેલી મોઘવારીની વચ્ચે વધુ એક માઠા સમાચાર આવ્યાં છે. આગામી દિવસોમાં પેટ્રોલ અને ડીઝલના ભાવ વધવાનું નક્કી છે કારણે ક્રુડ ઓઈલના ભાવ 7 વર્ષના હાઈ લેવલ પર પહોંચ્યાં છે. આંતરરાષ્ટ્રીય સ્તરે ક્રૂડ ઓઈલના ભાવ 87 ડોલર પ્રતિ બેરલ પર પહોંચ્યાં છે. આ પહેલા જાન્યુઆરી 2014માં ક્રૂડ ઓઈલના ભાવ 87 ડોલરને પાર પહોંચ્યાં હતા.
ઓક્ટોબર 2014 બાદ રેકોર્ડ સ્તરે ક્રૂડ
આ પહેલા ઓક્ટોબર 2014માં ક્રૂડ ઓઈલના ભાવમાં રેકોર્ડબ્રેક તેજી આવી છે. સાત વર્ષ બાદ પહેલી વાર આંતરરાષ્ટ્રીય સ્તરે ક્રૂડ ઓઈલના ભાવ બેરલ દીઠ 87 ડોલરે પહોંચ્યાં છે.
પેટ્રોલ અને ડીઝલની કિંમતોમાં 2 થી 3 રુપિયાનો વધારો આવી શકે
IIFL સિક્યુરીટના વાઈસ પ્રેસિડન્ટ અનુજ ગુપ્તાએ જણાવ્યું કે આગામી સમયમાં આંતરરાષ્ટ્રીય સ્તરે ક્રૂડ ઓઈલના ભાવ 90 ડોલર પ્રતિ બેરલ સુધી પહોંચી શકે છે તેનાથી આગામી એક મહિનામાં પેટ્રોલ અને ડીઝલની કિંમતોમાં 2 થી 3 રુપિયાનો વધારો આવી શકે છે.
કેમ મોંઘુ થઈ રહ્યું છે ક્રૂડ ઓઈલ
મીડિલ ઈસ્ટના દેશોમાં તંગદિલિ જોવા મળી રહી છે. સંયુક્ત આરબ અમીરાતમાં સોમવારે એરપોર્ટ પર થયેલા ડ્રોન હુમલાને કારણે ક્રુડ ઓઈલના ભાવને અસર પડી શકે છે આવી ઘટનાને કારણે પેટ્રોલ અને ડીઝલના ભાવ વધી શકે છે.
ચૂંટણી હોવાથી પેટ્રોલ-ડીઝલના ભાવમાં રાહત પણ મળી શકે
હાલમાં પાંચ રાજ્યોમાં વિધાનસભાની ચૂંટણી યોજાવાની હોવાથી લોકોને પેટ્રોલ અને ડીઝલના ભાવમાં રાહત પણ મળી શકે. ગત વર્ષોમાં આવું થયું કે જ્યારે જ્યારે ચૂંટણી આવતી હોય ત્યારે ત્યારે સરકાર લોકોને ખુશ કરવા માટે ઈંધણના ભાવમાં ઘટાડો કરી નાખતી હોય છે.