મોંઘવારી બેકાબુ / દેશમાં સપ્તાહમાં સતત પાંચમી વાર પેટ્રોલ-ડીઝલના ભાવમાં વધારો, જાણો પ્રતિ લિટરે કેટલા ભાવ વધ્યાં

• દેશમાં ફરી વાર પેટ્રોલ-ડીઝલના ભાવમાં વધારો
• પાંચમી વખત ભાવ વધારો કરતા જનતા પર મોંઘવારીનો વધુ એક માર
• પેટ્રોલમાં 50 પૈસા તો ડીઝલમાં 55 પૈસાનો વધારો

દેશમાં માત્ર એક જ સપ્તાહની અંદર સતત પાંચમી વખત પેટ્રોલ-ડીઝલના ભાવમાં વધારો કરવામાં આવ્યો છે. ઈન્ડિયન ઓઈલ માર્કેટિંગ કંપનીઓએ 27 માર્ચનાં રોજ એટલે કે આજથી પેટ્રોલના ભાવમાં પ્રતિ લિટર 50 પૈસાનો વધારો તો ડીઝલનાં ભાવમાં 55 પૈસા પ્રતિ લીટરનો વધારો કર્યો છે.

મોંઘવારી સતત તેલના ભાવને અસર કરી રહી છે. પેટ્રોલ અને ડીઝલના ભાવમાં સતત વધારો થઈ રહ્યો છે. ત્યારે ભારતીય ઓઇલ કંપનીઓએ આજે ​​ફરી તેલ (ઓઇલ) નાં ભાવમાં વધારો ઝીંક્યો છે. IOCLના લેટેસ્ટ અપડેટ મુજબ દિલ્હીમાં પેટ્રોલ 50 પૈસા પ્રતિ લિટર જ્યારે ડીઝલ 55 પૈસા પ્રતિ લિટર મોંઘુ થયું છે. જેથી રાજધાની દિલ્હીમાં હવેથી પેટ્રોલની કિંમત 98.61 રૂપિયાથી વધીને 99.11 રૂપિયા પ્રતિ લિટર અને ડીઝલની કિંમત 89.87 રૂપિયાથી વધીને 90.42 રૂપિયા પ્રતિ લિટર થઈ ગઈ છે.

Price of petrol & diesel in Delhi at Rs 99.11 per litre & Rs 90.42 per litre respectively today (increased by 50 & 55 paise respectively)

In Mumbai, the petrol & diesel prices per litre at Rs 113.88 & Rs 98.13 (increased by 53 paise & 58 paise respectively)

(File pic) pic.twitter.com/7Eg5Optru1

— ANI (@ANI) March 27, 2022

નીતિન ગડકરીએ કહ્યું- પેટ્રોલ-ડીઝલના ભાવ અમારા નિયંત્રણની બહાર છે

કેન્દ્રીય મંત્રી નીતિન ગડકરીએ પેટ્રોલ અને ડીઝલના ભાવ વધારાને યોગ્ય ગણાવ્યો છે. ગડકરીએ તાજેતરમાં જ જણાવ્યું હતું કે, રશિયા અને યુક્રેન વચ્ચે ચાલી રહેલા યુદ્ધને કારણે આંતરરાષ્ટ્રીય બજારમાં તેલની કિંમતો વધી છે, જેનાં કારણે પેટ્રોલ-ડીઝલની કિંમતો પર તેની અસર પડી રહી છે. તેઓએ કહ્યું હતું કે, આ સ્થિતિ સરકારના નિયંત્રણની બહાર છે.

જણાવી દઈએ કે, 10 માર્ચે વિધાનસભા ચૂંટણીના પરિણામો આવ્યાં બાદથી જ દેશમાં પેટ્રોલ-ડીઝલના ભાવમાં વધારો થવાની સંભાવના હતી પરંતુ પેટ્રોલિયમ કંપનીઓએ 22 માર્ચથી ભાવ વધારવાનું શરૂ કર્યું હતું. ભારતીય પેટ્રોલિયમ માર્કેટિંગ કંપનીઓએ 24 માર્ચ સિવાય છેલ્લાં 6 દિવસમાં પેટ્રોલ-ડીઝલના ભાવમાં વધારો કર્યો છે.

જાણો મહાનગરોમાં આજનાં શું છે પેટ્રોલ-ડીઝલના ભાવ?

દિલ્હી

પેટ્રોલ - 99.11 રૂપિયા પ્રતિ લીટર
ડીઝલ - 90.42 રૂપિયા પ્રતિ લીટર

મુંબઈ

પેટ્રોલ - 113.88 રૂપિયા પ્રતિ લીટર
ડીઝલ - રૂ. 98.13 પ્રતિ લીટર

ચેન્નઈ

પેટ્રોલ - 104.90 રૂપિયા પ્રતિ લીટર
ડીઝલ - રૂ. 95.00 પ્રતિ લીટર

કોલકાતા

પેટ્રોલ રૂ.108.53 પ્રતિ લીટર
ડીઝલ - 93.57 રૂપિયા પ્રતિ લીટર

એક SMS દ્વારા જાણો તમારા શહેરમાં શું છે પેટ્રોલ-ડીઝલનાં ભાવ

તમે માત્ર એક SMS દ્વારા જ જાણી શકશો કે તમારા શહેરમાં પેટ્રોલ-ડીઝલની કિંમત જાણી શકશો. એ માટે IOCLનાં  ગ્રાહકોએ RSP કોડ લખીને 9224992249 નંબર પર મોકલવાનો રહેશે. પોતાનાં શહેરનો RSP કોડ જાણવા માટે અહીંયા ક્લિક કરો.

જાણો ગુજરાતમાં કેટલાં થયા પેટ્રોલ-ડીઝલના ભાવ?

આજે પેટ્રોલમાં 50 પૈસા, ડીઝલમાં 55 પૈસાનો વધારો

• અમદાવાદમાં પેટ્રોલ 98.81 રૂપિયા પ્રતિ લિટર
• અમદાવાદમાં ડીઝલ 92.99 રૂપિયા પ્રતિ લિટર
• સુરતમાં પેટ્રોલ 98.69 અને ડીઝલનો ભાવ 92.89 
• રાજકોટમાં પેટ્રોલનો ભાવ 98.57 અને ડીઝલનો ભાવ 92.78
• વડોદરામાં પેટ્રોલ 98.46 અને ડીઝલ 92.65
• ભાવનગરમાં પેટ્રોલ 100.48 અને ડીઝલના ભાવ 94.68