મોટી રાહત / BIG BREAKING : આ રાજ્યમાં એકઝાટકે 25 રુપિયા સસ્તું થયું પેટ્રોલ-ડીઝલ, ફક્ત આ લોકોને લાભ, CMનું મોટું એલાન

• ઝારખંડના્ મુખ્યમંત્રી હેમંત સોરેનનું એલાન
• રાજયમાં બીપીએલ કાર્ડ ધારકોને મળશે 25 રુપિયા સસ્તું પેટ્રોલ
• દેશમાં પહેલી વાર બીપીએલ કાર્ડ ધારકો માટે મોટી જાહેરાત

દેશમાં પહેલી વાર કોઈ રાજ્ય દ્વારા પેટ્રોલના ભાવમાં લોકોને આટલી મોટી રાહત આપવાનો નિર્ણય લેવાયો છે. હાલમાં દેશના મોટાભાગના શહેરોમાં પેટ્રોલ 100 રુપિયાની આજુબાજુ છે ત્યારે ઝારખંડ સરકારે બીપીએલ કાર્ડ ધારક લોકોને મોટી રાહત આપી છે. ઝારખંડના મુખ્યમંત્રી હેમંત સોરેને જણાવ્યું કે 26 જાન્યુઆરીથી  BPL કાર્ડ ધારકોને 25 રુપિયા સસ્તું પેટ્રોલ અને ડીઝલ આપવામાં આવશે. લોકો બીએપીએલ કાર્ડ બતાવીને આ લાભ મેળવી શકે છે. જોકે આ યોજના ફક્ત બીપીએલ કાર્ડ ધારકો માટે જ છે, તે સિવાયના લોકોએ તો જુના ભાવે જ પેટ્રોલ અને ડીઝલ પુરાવવાનું રહેશે. 

पेट्रोल-डीजल के मूल्य में लगातार इजाफा हो रहा है, इससे गरीब और मध्यम वर्ग के लोग सबसे अधिक प्रभावित हैं। इसलिए सरकार ने राज्य स्तर से दुपहिया वाहन के लिए पेट्रोल पर प्रति लीटर ₹25 की राहत देगी, इसका लाभ 26 जनवरी 2022 से मिलना शुरू होगा:- श्री @HemantSorenJMM pic.twitter.com/MsinoGS60Y

— Office of Chief Minister, Jharkhand (@JharkhandCMO) December 29, 2021

કોને મળશે 25 રુપિયા સસ્તું પેટ્રોલ અને ડીઝલ 

રાજ્ય સરકારની જાહેરાત અનુસાર, ફક્ત BPL કાર્ડ ધારકોને 25 રુપિયા સસ્તું પેટ્રોલ મળશે. લોકો પેટ્રોલ પંપ પર જઈને આ કાર્ડ બતાવીને 25 રુપિયા સસ્તું પેટ્રોલ મેળવી શકે છે. 

BPL કાર્ડધારકોને ક્યારથી મળશે 25 રુપિયા સસ્તા પેટ્રોલનો ભાવ
મુખ્યમંત્રી હેમંત સોરેનની જાહેરાત અનુસાર, 26 જાન્યુઆરીથી BPL કાર્ડધારકોને 25 રુપિયા સસ્તું પેટ્રોલ અને ડીઝલ મળશે. 

ઝારખંડ પેટ્રોલિયમ ડીલર્સ એસોસિએશને કરી હતી મોટી માગ

ઝારખંડ પેટ્રોલિયમ ડીલર્સ એસોસિએશન પણ પેટ્રોલ અને ડીઝલ પર વેટના દરમાં ઘટાડો કરવાની સતત માંગ કરી રહ્યું હતું. એસોસિએશન સરકારને પેટ્રોલ પરના વેટમાં 5 ટકાનો ઘટાડો કરવાની માંગ કરી રહ્યું હતું. તેમનું કહેવું છે કે જો સરકાર વેટ રેટ 22 ટકાથી ઘટાડીને 17 ટકા કરશે તો લોકોને મોટી રાહત મળશે. એસોસિએશને જણાવ્યું હતું કે ઝારખંડના પડોશી રાજ્યો ઉત્તર પ્રદેશ, પશ્ચિમ બંગાળ, બિહાર અને ઓડિશામાં ડીઝલની કિંમત ઓછી છે.

ઝારખંડથી ચાલતા વાહનો પડોશી રાજ્યોમાંથી ડીઝલ ભરાવી રહ્યાં છે 

ઝારખંડથી ચાલતા વાહનો પડોશી રાજ્યોમાંથી ડીઝલ ભરાવી રહ્યાં છે જેનાથી રાજ્ય સરકારને મોટું નુકસાન થઈ રહ્યું છે.એસોસિએશનના પ્રમુખ અશોક સિંહે જણાવ્યું હતું કે પેટ્રોલિયમ ડીલરોએ મુખ્યમંત્રી હેમંત સોરેનને પત્ર લખ્યો હતો અને નાણાં પ્રધાનને પણ મળ્યા હતા.અશોકે કહ્યું કે તેમણે નાણાં પ્રધાનને મળ્યા હતા અને આ અંગે એક આવેદનપત્ર સુપરત કર્યું હતું પરંતુ તેમની માંગણીઓ પર વિચાર કરવામાં આવ્યો ન હતો. તેમણે કહ્યું હતું કે ઝારખંડમાં ૧૩૫૦ પેટ્રોલ પંપ છે જે સીધા ૨.૫૦ લાખથી વધુ પરિવારોને આજીવિકા પ્રદાન કરે છે. ઊંચા વેટ દરથી વ્યવસાયને અસર થઈ રહી છે.