Petrol Diesel Price / દિવાળીમાં પણ દેવાળું, આજે ફરી વધ્યા પેટ્રોલ ડિઝલનાં ભાવ, જાણો તમારા શહેરમાં કેટલો થયો ભાવ

• ચોથા દિવસે પેટ્રોલ અને ડીઝલના ભાવમાં વધારો
• પેટ્રોલનો ભાવ 31 થી 35 પૈસા થયો વધારો 
• ડીઝલનો ભાવ 33 થી 37 પૈસા થયો વધારો 

સરકારી ઓઇલ કંપનીઓ દ્વારા આજે ચોથા દિવસે પેટ્રોલ અને ડીઝલના ભાવમાં વધારો થયો છે. 
આજે ડીઝલનો ભાવ 33 પૈસા વધીને 37 પૈસા થયો છે જ્યારે પેટ્રોલનો ભાવ 31 થી વધીને 35 પૈસા થયો છે. ઘણા રાજ્યોમાં તેની કિંમત 100 રૂપિયાથી ઉપર પહોંચી ગઈ છે. દેશમાં પેટ્રોલ અને ડીઝલની વધતી કિંમતો સામાન્ય માણસની આવક પર અસર કરી રહી છે.

દિલ્હીમાં પેટ્રોલની કિંમત 106.89 રૂપિયા છે જ્યારે ડીઝલની કિંમત 95.62 રૂપિયા પ્રતિ લીટર છે. મુંબઈમાં પેટ્રોલની કિંમત 112.78 રૂપિયા અને ડીઝલની કિંમત 103.63 રૂપિયા પ્રતિ લીટર છે. કોલકાતામાં પેટ્રોલની કિંમત 107.44 રૂપિયા છે જ્યારે ડીઝલની કિંમત 98.73 રૂપિયા પ્રતિ લીટર છે. તો ચેન્નઈમાં પેટ્રોલ 103.92 રૂપિયા પ્રતિ લીટર અને ડીઝલ 99.92 રૂપિયા પ્રતિ લીટર છે.

આ રાજ્યોમાં પેટ્રોલનો ભાવ રૂ .100 ને પાર 

જણાવી દઈએ કે મધ્યપ્રદેશ, રાજસ્થાન, મહારાષ્ટ્ર, આંધ્રપ્રદેશ, તેલંગાણા, કર્ણાટક, ઓડિશા, જમ્મુ -કાશ્મીર અને લદ્દાખમાં પેટ્રોલની કિંમત 100 રૂપિયાને પાર પહોંચી ગઈ છે. મુંબઈમાં પેટ્રોલની કિંમત સૌથી વધુ છે.

• દિલ્હી માં પેટ્રોલ - 95.62 રૂ. અને ડીઝલ- 106.89 રૂ. લિટર 
• મુંબઈમાં પેટ્રોલ -  103.63 રૂ. અને ડીઝલ 112.78રૂ લિટર 
• કોલકાતામાં પેટ્રોલ - 98.73રૂ. અને ડીઝલ 107.44 રૂ. લિટર 

જાણો તમારા શહેરમાં કેટલો છે ભાવ? 
તમે પેટ્રોલ અને ડીઝલની કિંમત પણ SMS દ્વારા જાણી શકો છો. ઇન્ડિયન ઓઇલ વેબસાઇટ મુજબ, તમારે RSP અને તમારો શહેર કોડ લખીને 9224992249 નંબર પર મોકલવો પડશે. દરેક શહેરનો કોડ અલગ છે, જે તમને IOCL વેબસાઇટ પરથી મળશે.

અહીં તપાસો ભાવ-

https://iocl.com/Products/PetrolDieselPrices.aspx

તમને જણાવી દઈએ કે પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલના ભાવમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.

આ પેરામીટરના આધારે પેટ્રોલ રેટ અને ડીઝલ રેટ નક્કી કરવાનું કામ ઓઇલ કંપનીઓ રોજ કરે છે. ડીલરો પેટ્રોલ પંપ ચલાવતા લોકો છે. તેઓ ટેક્સ અને પોતાના માર્જિન ઉમેર્યા બાદ ગ્રાહકોને છૂટક કિંમતે પેટ્રોલ વેચે છે. આ કિંમત પેટ્રોલના દર અને ડીઝલના દરમાં પણ ઉમેરવામાં આવે છે.