ભડકો / પેટ્રોલ-ડિઝલના ભાવમાં સતત નવમા દિવસે થયો વધારો, જાણો આજનો નવો ભાવ

• પેટ્રોલ-ડીઝલના ભાવમાં સતત નવમા દિવસે વધારો
• પેટ્રોલની કિંમતમાં 48 પૈસા, ડીઝલમાં 59 પૈસાનો વધારો
• અમદાવાદમાં પેટ્રોલનો નવો ભાવ 71.96 રૂપિયા 
• અમદાવાદમાં ડીઝલનો નવો ભાવ 70.21 રૂપિયા

પેટ્રોલ-ડીઝલના ભાવમાં સતત વધારો થઈ રહ્યો છે. જેની સીધી અસર દેશભરની જનતા પર પડી રહી છે. પેટ્રોલ ડીઝલના ભાવમાં સતત નવમા દિવસે વધારો થયો છે. પેટ્રોલની કિંમતમાં આજે 48 પૈસા અને ડીઝલની કિંમતમાં આજે 59 પૈસાનો વધારો થયો છે.

અમદાવાદમાં પેટ્રોલનો નવો ભાવ 71.96 રૂપિયાએ પહોંચ્યો છે. જ્યારે ડીઝલના ભાવમાં વધારા બાદ 70.21 રૂપિયા પ્રતિ લીટર ભાવ પહોંચ્યો છે. 1 જૂનના પેટ્રોલ-ડીઝલના ભાવ પર નજર કરીએ તો અમદાવાદમાં 1 જૂને પેટ્રોલના ભાવ 67.28 રૂપિયા હતા. જેમાં અત્યાર સુધી 3.93 રૂપિયાનો વધારો થયો છે.

જ્યારે 1 જૂને ડીઝલનો ભાવ 65.32 રૂપિયા હતો. જેમાં અત્યાર સુધીમાં 4.89 રૂપિયાનો વધારો થયો છે. દેશમાં હાલ કોરોનાની મહામારી ચાલી રહી છે. તેવામાં હવે સરકારની તિજોરીમાં નાણાં ખૂટી ગયા છે. ત્યારે સરકાર દ્વારા હવે લોકોના ખિસ્સામાંથી પૈસા સેરવવાનું શરૂ કરવામાં આવી રહ્યું હોય તેવું લાગી રહ્યું છે.

આમ પેટ્રોલ-ડિઝલની કિંમતમાં વધારાની સીધી અસર સામાન્ય જનતાના બજેટ પર પડી રહી છે.  એક તરફ અનેક લોકો એવા છે જેમની નોકરી ગઈ છે. કેટલાકની આવક બંધ છે. તેવા સમયે પેટ્રોલ-ડીઝલના વધતા ભાવે લોકોની મુશ્કેલી વધારી દીધી છે.