મોંઘવારી / પેટ્રોલ- ડીઝલના ભાવમાં સતત બીજા દિવસે વધારો, આ શહેરોમાં 100 રુપિયે વેચાઈ રહ્યું છે પેટ્રોલ

• અનેક શહેરોમાં પેટ્રોલ 100 રુપિયે વેચાઈ રહ્યું છે
• મુંબઈમાં પેટ્રોલ મુંબઈ 104.56 રુપિયે વેચાઈ રહ્યું છે
• ઈંધણની માંગ વધતા કાચા તેલના ભાવ ઉચ્ચત્તમ સ્તર પર 

તેલ કંપનીઓએ સતત બીજા દિવસે એટલે કે આજે(રવિવારે) ઈંધણ રેટમાં વધારો કર્યો છે. પેટ્રોલ 35 પૈસા પ્રતિ લિટર જ્યારે ડીઝલ 25 પૈસા પ્રતિ લિટર મોંઘુ થયું છે. દિલ્હીમાં પેટ્રોલ 98.46 રુપિયા લિટર જ્યારે ડીઝલ 88.90 રુપિયા લિટર પર પહોંચી ચૂક્યું છે.

જાણો મહાનગરોમાં પેટ્રોલ- ડીઝલની કિંમત

શહેર    પેટ્રોલ (રૂ/ લિટર)    ડીઝલ(રૂ/ લિટર) 
 દિલ્હી    98.46    88.90
મુંબઈ    104.56    96.42
ચેન્નાઈ    99.49    93.46
કોલકત્તા    98.30    91.75

આ શહેરોમાં પેટ્રોલ 100 રુપિયે વેચાઈ રહ્યું છે

દેશભરમાં ઈંધણીની કિંમત પર મોંઘવારીનો માર પડી રહ્યો છે. એક દિવસ પહેલા 26 જૂને તેલ મોંઘુ થયું ગતુ. પેટ્રોલ ડીઝલ બન્નેમાં 35-35 પૈસા વધારો નોંધાયો હતો. પટનામાં પેટ્રોલ 100 રુપિયા પ્રતિ લિટરને પાર  થઈ ગયું છે. ત્યારે રાજસ્થાન, મધ્ય પ્રદેશ, આંધ્ર પ્રદેશ, તેલંગાણા, કર્ણાટક, જમ્મુ કાશ્મીર, લદ્દાખ અને તમિલનાડુના અનેક શહેરોમાં પેટ્રોલ 100 રુપિયે વેચાઈ રહ્યું છે. દુનિયામાં પેટ્રોલિયમ ઈંધણની માંગ વધતા કાચા તેલના ભાવ ઉચ્ચત્તમ સ્તર પર પહોંચી ગયા છે.

ગઈ કાલે શું હતા રેટ

શહેર    પેટ્રોલ (રૂ/ લિટર)    ડીઝલ(રૂ/ લિટર) 
 દિલ્હી    98.11    88.65
મુંબઈ    104.22    96.16
ચેન્નાઈ    99.18    93.22
કોલકત્તા    97.99    91.49
ભોપાલ    106.35    97.37
બેંગ્લુરુ    101.39    93.98
રાંચી    93.82    93.57
ચંદીગઢ    94.35    88.29
લખનૌ    95.29    89.06
પટના    100.13    94.00

દર રોજ સવારે 6 વાગે બદલાય છે કિંમતો

ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે.  આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.

જાણો તમારા શહેરમાં કેટલો છે ભાવ

પેટ્રોલ-ડિઝલની કિંમત તમે  SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.