2022ની શરૂઆતથી જ કાચા તેલની કિંમતોમાં ઉછાળો જોવા મળી રહ્યો છે. બે મહિનાના સર્વોચ્ચ સ્તરે ટ્રેડિંગ કરી રહ્યો છે. જેને લઈને પેટ્રોલ- ડીઝલના ભાવમાં ફરી વધારો થવાની આશંકા છે.
આગામી દિવસોમાં પેટ્રોલ અને ડીઝલના ભાવ હજુ પણ વધી શકે
ક્રૂડ ઓઈલના ભાવ બે મહિનાના ઉચ્ચ સ્તરે ટ્રેડ થઈ રહ્યા છે.
માંગમાં વધારાને કારણે ક્રૂડ ઓઈલના ભાવમાં વધુ વધારો થવાની સંભાવના છે.
આગામી દિવસોમાં પેટ્રોલ અને ડીઝલના ભાવ હજુ પણ વધી શકે
પેટ્રોલ અને ડીઝલના ભાવ પણ સામાન્ય લોકોના ખિસ્સા પર તરાપ મારી રહ્યા છે. પરંતુ આગામી દિવસોમાં પેટ્રોલ અને ડીઝલના ભાવ હજુ પણ વધી શકે છે. કારણ કે આંતરરાષ્ટ્રીય બજારમાં કાચા તેલની કિંમત આસમાને સ્પર્શી રહી છે. બ્રેન્ટ ક્રૂડની કિંમત પ્રતિ બેરલ 84 ડોલરની નજીક પહોંચી ગઈ છે અને નિષ્ણાતોનું માનીએ તો માંગમાં વધારાને કારણે ક્રૂડ ઓઈલના ભાવમાં વધુ વધારો થવાની સંભાવના છે.
ક્રૂડ ઓઈલના ભાવમાં વધારો
ક્રૂડ ઓઈલના ભાવ બે મહિનાના ઉચ્ચ સ્તરે ટ્રેડ થઈ રહ્યા છે. 2022ની શરૂઆતથી જ કાચા તેલની કિંમતોમાં જોરદાર ઉછાળો આવ્યો છે. જાન્યુઆરી 2022માં કાચા તેલની કિંમતમાં 8 ટકાનો વધારો થયો છે. હાલમાં ક્રૂડ ઓઈલ પ્રતિ બેરલ 84 ડોલરની આસપાસ ટ્રેડ થઈ રહ્યું છે. વાસ્તવમાં, વિશ્વભરના તેલ ઉત્પાદક દેશોના જૂથ OPEC પ્લસએ ક્રૂડ ઓઈલનું ઉત્પાદન જોઈએ તેટલું વધાર્યું નથી. જેટલી માંગ છે તેટલી સપ્લાય નથી, જેના કારણે ભાવમાં વધારો જોવા મળી રહ્યો છે.
માર્ચ 2020 માં કોરોનાને કારણે ઉત્પાદનમાં ઘટાડો થયો હતો
મહત્વનું છે કે, ગત માર્ચ 2020 માં, કોરોના રોગચાળાને પગલે વિશ્વવ્યાપી લોકડાઉનને કારણે ક્રૂડ ઓઇલની માંગમાં ભારે ઘટાડા પછી OPEC પ્લસ દેશોમાં ઉત્પાદનમાં 10 મિલિયન બેરલનો ઘટાડો કરવામાં આવ્યો હતો. જો કે, ઓગસ્ટ 2020 થી, તે ધીમે ધીમે પુનઃસ્થાપિત કરવામાં આવી રહ્યું છે.અત્યાર સુધીમાં લગભગ 6 મિલિયન બેરલના ઉત્પાદન કાપને પુનઃસ્થાપિત કરવામાં આવ્યો છે. તમને જણાવી દઈએ કે અમેરિકા અને ભારત સહિત ઘણા દેશો ઓપેક પ્લસ દેશો પાસેથી ક્રૂડ ઓઈલનું ઉત્પાદન વધારવાની માંગ કરી રહ્યા છે. ઓપેક પ્લસ સાઉદી અરેબિયા અને રશિયાના નેતૃત્વમાં 23 દેશોનું સંગઠન છે.
ચૂંટણીના કારણે તાત્કાલિક રાહત મળી શકે છે
ઉલ્લેખનીય છે કે, આગામી 10મી ફેબ્રુઆરીથી પાંચ રાજ્યોમાં વિધાનસભા ચૂંટણીની શરૂઆત થઈ રહી છે. આવી સ્થિતિમાં, એવી પણ શક્યતા છે કે સરકાર અત્યારે પેટ્રોલ અને ડીઝલની કિંમતો વધારવાનું જોખમ ન લે. જેણે મતદારોને હેરાન કર્યા હતા. સરકારી ઓઈલ કંપનીઓએ હાલ આનો માર સહન કરવો પડશે.