આજે ફરીથી ઓઇલનાં ભાવમાં વધારો થતા પેટ્રોલ-ડીઝલનાં ભાવ આસમાને ચાલ્યા જનતાને મોટો ઝટકો લાગ્યો છે. છેલ્લાં 10 દિવસમાં નવમી વખત ભાવવધારો કરાયો છે.
છેલ્લાં 10 દિવસમાં નવમી વખત પેટ્રોલ-ડીઝલના ભાવમાં વધારો
આંકડાઓ 100ને પાર જવા લાગતા જનતા પરેશાન
ક્રૂડ ઓઈલના ભાવમાં નરમાઈ પરંતુ પેટ્રોલ-ડીઝલ મોંઘા
જણાવી દઇએ કે, આજે 84 પૈસા પ્રતિ લિટર સુધીનો ભાવ વધારો કરવામાં આવ્યો છે. આથી જનતાને મોંઘવારીમાં વધુ એક ઝટકો લાગ્યો છે. દિલ્હીમાં પેટ્રોલ-ડીઝલમાં પ્રતિ લિટર 80 પૈસાનો વધારો થયો છે, તો મુંબઈમાં 84 પૈસા પ્રતિ લિટર ઓઇલનો વધારો કરાયો છે.
ઓઇલ કંપની IOCLનાં તાજેતરના ભાવ અનુસાર, રાજધાની દિલ્હીમાં પેટ્રોલ-ડીઝલ પર પ્રતિ લિટર 80 પૈસાનો વધારો થયો છે. જેના લીધે દિલ્હીમાં એક લિટર પેટ્રોલની કિંમત 93.07 રૂપિયા પ્રતિ લિટર અને ડીઝલની કિંમત 93.07 રૂપિયા પ્રતિ લિટર પર પહોંચી ગઈ છે. તો મુંબઈમાં પેટ્રોલ-ડીઝલના ભાવમાં 84 પૈસાનો વધારો કરાયો છે. અહીંયા પેટ્રોલ 116.72 રૂપિયાએ પહોંચી ગયું છે જ્યારે ડીઝલ 100.94 રૂપિયા થઈ ગયું છે.
એ સિવાય અન્ય મહાનગરોની જો વાત કરીએ તો આજે ચેન્નાઈમાં એક લિટર પેટ્રોલમાં 76 પૈસાનો વધારો નોંધવામાં આવ્યો છે. ત્યાર બાદ પેટ્રોલ 107.45 રૂપિયા પ્રતિ લિટરના ભાવે વેચાઈ રહ્યું છે. જ્યારે ડીઝલ 97.52 રૂપિયામાં વેચાઈ રહ્યું હતું. એ જ રીતે જો કોલકાતાની વાત કરીએ તો અહીં પેટ્રોલમાં 83 પૈસા અને ડીઝલમાં 80 પૈસાનો વધારો થયો છે, જે બાદ પેટ્રોલની કિંમત 111.35 રૂપિયા અને ડીઝલની કિંમત 96.22 રૂપિયા થઈ ગઈ છે.
Price of petrol & diesel in Delhi at Rs 101.81 per litre & Rs 93.07 per litre respectively today (increased by 80 paise)
In Mumbai, the petrol & diesel prices per litre at Rs 116.72 & Rs 100.94 (increased by 84 paise) pic.twitter.com/ghPLS6quSj
મોંઘવારી એટલી હદે વધી ગઇ છે કે મધ્યમવર્ગના પરિવાર માટે એક સાંધે ત્યાં 13 તૂટે એવી સ્થિતિ છે.પેટ્રોલ-ડીઝલ હોય કે રાંઘણ ગેસ, તેલ હોય કે શાકભાજી બધાયમાં એટલો ભાવ વધારો થઈ ગયો છે કે ખિસ્સા ખાલી થયા સમજો.ત્યારે વધુ એક વખત ગુજરાતમાં પેટ્રોલ-ડીઝલની કિંમતમાં વધારો કરવામાં આવ્યો છે.
પેટ્રોલનો ભાવ 101.5 અને ડીઝલનો ભાવ 96.02 પર પહોંચ્યો
છેલ્લા દસ દિવસમાં 9મી વખત ઈંધણના ભાવ વધારી દેવામાં આવ્યા છે. હવે પેટ્રોલમાં 80 પૈસા તો ડીઝલમાં 82 પૈસા વધારવામાં આવ્યા છે. જેથી 9 દિવસના વધારાનું કુલ ટોટલ કરીએ તો પેટ્રોલમાં 6.41 પૈસા તો ડીઝલમાં 6.57 રૂપિયા વધી ગયા છે.આ ભાવ વધારો 31 માર્ચને ગુરુવાર સવારથી લાગુ થઈ જશે.હવે પેટ્રોલનો ભાવ 101.5 અને ડીઝલનો ભાવ 96.02 પર પહોંચ્યો ગયો છે.
ગુજરાતમાં 106 સુધી પહોંચી ગયું હતું પેટ્રોલ
અગાઉ ગુજરાતમાં 7 ઓક્ટોબરે પહેલી વખત 100 રૂપિયા પેટ્રોલ થયું હતું. 2 નવેમ્બરે પેટ્રોલની કિંમત સૌથી વધુ 106.63 પ્રતિ લિટરે પહોંચી હતી. જે બાદ કેન્દ્ર અને રાજ્ય સરકારે ટેક્સ ઘટાડી કિમતમાં એક સાથે 15થી વધુ રૂપિયાનો ઘટાડો કર્યો હતો.
ક્રૂડ ઓઈલના ભાવમાં નરમાઈ પરંતુ પેટ્રોલ-ડીઝલ મોંઘા
આંતરરાષ્ટ્રીય બજારમાં રશિયા-યુક્રેન યુદ્ધ વચ્ચે ક્રૂડ ઓઈલના ભાવ ફેબ્રુઆરીમાં 130 ડોલર પ્રતિ બેરલ દીઠનાં સર્વોચ્ચ સ્તરથી ઘટીને 103 ડોલર થઈ ગયા છે પરંતુ આ દરમિયાન રાષ્ટ્રીય બજારમાં પેટ્રોલ-ડીઝલના ભાવમાં ભારે ઉછાળો આવ્યો છે. નિષ્ણાંતોનું માનવું છે કે, હજુ પણ ભાવ વધારાની આ પ્રક્રિયા અટકશે નહીં.
રોજેરોજ અપડેટ થતી હોય છે ઓઇલની કિંમત
આંતરરાષ્ટ્રીય બજારમાં ક્રૂડ ઓઈલની કિંમતનાં આધારે પેટ્રોલ-ડીઝલની કિંમત દરરોજ અપડેટ કરવામાં આવે છે. ઓઇલ માર્કેટિંગ કંપનીઓ કિંમતોની સમીક્ષા કર્યા બાદ દરરોજ પેટ્રોલ અને ડીઝલના ભાવ નક્કી કરે છે. ઈન્ડિયન ઓઈલ, ભારત પેટ્રોલિયમ અને હિન્દુસ્તાન પેટ્રોલિયમ ઓઈલ કંપનીઓ દરરોજ સવારે વિવિધ શહેરોની પેટ્રોલ અને ડીઝલના ભાવની માહિતી અપડેટ કરતા હોય છે.
SMS દ્વારા ચેક કરો કે તમારા શહેરમાં શું ચાલી રહ્યાં છે પેટ્રોલ-ડીઝલના ભાવ?
તમે તમારા શહેરમાં દરરોજ એક SMS દ્વારા પેટ્રોલ અને ડીઝલની કિંમત જાણી શકો છો. આ માટે ઈન્ડિયન ઓઈલ (IOCL)ના ગ્રાહકોએ RSP કોડ લખીને 9224992249 નંબર પર મોકલવાનો રહેશે. તમારા શહેરનો RSP કોડ જાણવા અહીં ક્લિક કરો.