ઓઈલ માર્કેટિંગ કંપનીઓએ સતત 14મા દિવસે પેટ્રોલ અને ડીઝલના ભાવ વધાર્યાં છે, આજે પેટ્રોલના ભાવમાં 40 પૈસાનો વધારો કરાયો છે.
પેટ્રોલ અને ડીઝલના ભાવમાં ભડકો
આજે ફરી થયો 40 પૈસાનો વધારો
14 દિવસમાં 8.40 રુપિયા મોંઘું
ઓઈલ માર્કેટિગ કંપનીઓએ આજે ફરી વાર પેટ્રોલ અને ડીઝલના ભાવમાં 40 પૈસાનો વધારો ઝીંકી દેતા સામાન્ય માણસને ઈંધણ હવે પરવડી શકે તેવું રહ્યું નથી. બન્ને ઈંધણના ભાવમાં આ 12મો વધારો છે. છેલ્લા 14 દિવસથી સતત બન્ને ઈંધણના ભાવ વધી રહ્યાં છે અને અત્યાર સુધી 8.40 રુપિયાનો તગડો વધારો આવ્યો છે.
સામાન્ય માણસ માટે હવે પેટ્રોલ-ડીઝલ લોન પર લેવા પડે તેવી હાલત
પેટ્રોલ અને ડીઝલમાં છેલ્લા 14 દિવસથી લગાતાર વધારો થઈ રહ્યો છે.મોટાભાગના શહેરોમાં પેટ્રોલ અને ડીઝલનો ભાવ 100 રુપિયાને પાર પહોંચ્યો છે. આવી સ્થિતિમાં પેટ્રોલ અને ડીઝલ હવે સામાન્ય માણસની સીમા બહાર જઈ રહ્યાં છે. આગામી સમયમાં હજુ પણ વધશે.બન્ને ઈંધણ મોંઘા થતા તમામ ચીજવસ્તુઓના ભાવ વધશે.
દેશમાં મહારાષ્ટ્રના પરભાણીમાં પેટ્રોલ સૌથી મોંઘું, 120 રુપિયા લીટરનો ભાવ
મહારાષ્ટ્રના પરભાણીમાં પેટ્રોલનો ભાવ સૌથી વધારે છે. અહીંયા એક લીટર પેટ્રોલનો ભાવ 120 રુપિયા છે જે દેશમાં સૌથી વધારે છે.
મુંબઈમાં એક લીટર પેટ્રોલનો ભાવ 118 રુપિયા
ઈન્ડિયન પેટ્રોલિયમ માર્કેટિંગ કંપની ઈન્ડિયન ઓઈલ કોર્પોરેશન (IOCL)ના લેટેસ્ટ અપડેટ મુજબ દેશની આર્થિક રાજધાની મુંબઈમાં પેટ્રોલ 118 રૂપિયા પ્રતિ લીટરે પહોંચી ગયું છે, ત્યારે ડીઝલ હવે 102 રૂપિયા પ્રતિ લીટરથી વધુ વેચાઈ રહ્યું છે. જણાવી દઈએ કે સ્થાનિક ટેક્સના આધારે રાજ્યોમાં પેટ્રોલ અને ડીઝલના ભાવ અલગ અલગ હોય છે. દેશના ચાર મહાનગરોની તુલના કરવામાં આવે તો મુંબઈમાં પેટ્રોલ અને ડીઝલ સૌથી મોંઘા છે.
મોટાભાગના શહેરોમાં 100ને પાર પહોંચ્યાં પેટ્રોલ અને ડીઝલ
હાલમાં મોટાભાગના શહેરોમાં પેટ્રોલ અને ડીઝલ 100 રુપિયાને પાર પહોંચ્યાં છે.
છેલ્લા 14 દિવસમાં 8.40 રુપિયાનો વધારો
ઓઈલ માર્કેટિંગ કંપનીઓ છેલ્લા 14 દિવસથી પેટ્રોલ અને ડીઝલના ભાવ વધારી રહી છે, આ રીતે 14 દિવસમાં 8.40 રુપિયાનો વધારો થયો છે. સામાન્ય માણસની તો હાલત ખરાબ થઈ છે.