કોરોના કાળના કારણે મોંઘવારીનો માર સહન કરી રહેલી જનતા પર દરરોજ વધારાનો બોઝો પડતો જાય છે.
પેટ્રોલ-ડીઝલના ભાવ આસમાને
ગુજરાતમાં ઈંધણના ભાવમાં ભડકો
પેટ્રોલ 26 પૈસા, ડીઝલ 31 પૈસા મોંઘુ
લોકોની મહત્વની જરૂરિયાતોમાં સામેલ એવા પેટ્રોલ-ડીઝલના ભાવમાં સતત વધારો થઈ રહ્યો છે.આજે પણ પેટ્રોલની કિંમતમાં 26 પૈસા અને ડીઝલની કિંમતમાં 31 પૈસાનો વધારો થયો છે.
જનતા મુશ્કેલીમાં છે. લોકોને વાહન ચલાવવા મોંઘા પડી રહ્યા છે. પણ સરકારના પેટનું પાણી નથી હલી રહ્યું. સરકારને પડી છે તો માત્ર પેટ્રોલ પર મસમોટો ટેક્સ વસૂલવાની. જો પેટ્રોલ-ડીઝલને GSTમાં સમાવાય તો કિંમતોમાં રાહત મળી શકે છે. જોકે સરકાર GSTમાં સમાવવા માગતી નથી.
93ને પાર પહોંચ્યું પેટ્રોલ
અનેક શહેરો એવા છે જ્યાં પેટ્રોલ 100 રૂપિયાને પાર પહોંચી ગયું છે. ગુજરાતની જો વાત કરીએ તો અહીં મોટાભાગના શહેરોમાં પેટ્રોલ કરતા ડીઝલ મોંઘુ થઈ ગયું છે. અહીં ડીઝલે 94 રૂપિયાની સપાટી વટાવી લીધી છે. તો પેટ્રોલે 93 રૂપિયાની સપાટી વટાવી છે. અને આ જ રીતે જો ભાવ વધતા રહ્યા તો એ દિવસ દૂર નથી જ્યારે ગુજરાતના શહેરોમાં પણ પેટ્રોલની કિંમતો 100 રૂપિયાને પાર કરી જશે.
દેશના અનેક શહેરોમાં 100 રૂપિયા પહોંચ્યું પેટ્રોલ-ડીઝલ
પેટ્રોલ-ડીઝલના ભાવમાં છેલ્લા કેટલાક મહિનાથી સતત વધારો થઈ રહ્યો છે. હવે તો પેટ્રોલની કિંમતે અનેક શહેરમાં 100 રૂપિયાનો ભાવ વટાવી દીધો છે. પેટ્રોલની કિંમતમાં આજે 27 પૈસા અને ડીઝલની કિંમતમાં 30 પૈસાનો વધારો થયો છે. દેશમાં સૌથી મોંઘુ પેટ્રોલ ભોપાલમાં મળી રહ્યું છે. જ્યાં પેટ્રોલની કિંમત 105.13 રૂપિયા છે.જ્યારે જયપુર અને મુંબઈમાં પેટ્રોલની કિંમતો 103ને વટાવી ગઈ છે.. તો હૈદરાબાદ અને બેંગુલુરુ સહિત અનેક શહેરમાં પેટ્રોલની કિંમત 100 રૂપિયાને વટી ગઈ છે.
તો ડીઝલ પણ મોટાભાગના શહેરોમાં 100 રૂપિયાની નજીક પહોંચવા આવ્યું છે. પેટ્રોલ ડીઝલની કિંમતોમાં વધારો થતાં સંસદીય સમિતિના અનેક સભ્યએ પેટ્રોલિયમ મંત્રાલયના અધિકારીઓને સવાલ કર્યા હતા અને જાણવાનો પ્રયાસ કર્યો હતો કે પેટ્રોલિયમ ઉત્પાદનોની કિંમત નિયંત્રણમાં લાવવા શું પગલા લેવાઈ રહ્યા છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.