મોંઘવારી / આજે ફરી પેટ્રોલના ભાવમાં ભડકો, જાણો તમારા શહેરમાં કેટલો વધારો થયો

• પેટ્રોલ ડિઝલના ભાવમાં ફરી ભડકો 
• પેટ્રોલના ભાવ 34 પૈસા વધ્યા 
• ડિઝલના ભાવ 38 રૂપિયા વધ્યા 

પેટ્રોલ ડિઝલના ભાવમાં દિવસેને દિવસે ભડકો જોવા મળી રહ્યા છે. પેટ્રોલના ભાવ ઘટવાનું નામજ નથી લઈ રહ્યા. પેટ્રોલના ભાવમાં આજે ફરી 34 પૈસાનો વધારો થયો છે. જ્યારે ડિઝલનાભાવમાં પણ 38 રૂપિયાનો વધારો થયો છે. જેમા કારણે લોકોને ભારે હાલાંકીનો સામનો કરવો પડી રહ્યો છે. 

સામાન્ય માણસનું બજેટ ખોરાવાયું 

અમદાવાદમાં આજે પેટ્રોલનો ભાવ 105.55 રૂપિયા છે. જ્યારે ડિઝલનો ભાવ પણ 105.28 રૂપિયા નોંધાયો છે. વધતા જતા ભાવને કારણે સામાન્ય માણસનું બજેટ ખોરવાઈ રહ્યું છે અને સામે દિવાળીના તહેવારો પણ આવી રહ્યા છે. વડોદરા શહેરમાં પણ આજે પેટ્રોલના ભાવમાં 105.24 રૂપિયાનો વધારો થયો છે. જ્યારે ડિઝલના ભાવમાં 104.99 રૂપિયાનો વધારો થયો છે. 

સુરતમાં પણ પેટ્રોલના ભાવ આસમાને 

બીજી તરફ આજે સુરતમાં પણ પેટ્રોલના ભાવ આસમાને પહોચી ગયા છે. સુરતમાં આજે પેટ્રોલનો ભાવ 105.50 રૂપિયા નોંધાયો છે. જ્યારે ડીઝલનો ભાવ 105.25 રૂપિયા નોંધાયો છે. રાજકોટમાં પણ આજે પેટ્રોલના ભાવ 105.39 પહોચ્યા છે. જ્યારે ડીઝલના ભાવમાં પણ  105.14 રૂપિયાનો વધારો થયો છે. 

સૌથી વધારે ભાવ ભાવનગરમાં 

સૌથી વધારે ભાવ ભાવનગરમાં જોવા મળ્યા છે. જેમા ભાવનગરમાં પેટ્રોલનો ભાવ 107.35 રૂપિયા અને ડીઝલનો ભાવ 107.07 રૂપિયા જોવા મળ્યો છે. જામવનગરમાં પણ આજે પેટ્રોલનો ભાવ 105.58 રૂપિયા જ્યારે ડીઝલનો ભાવ 105.31 રૂપિયા પહોચી ગયો છે. સાથેજ ગાંધીનગરમાં પણ પેટ્રોલનો ભાવ 105.76 રૂપિયા તેમજ ડીઝલનો ભાવ 105.49 રૂપિયા પહોચી ગયો છે. 

પેટ્રોલ મોંઘી થતા ચીજ વસ્તુઓ પણ મોંઘી થઈ 

ઉલ્લેખનીય છે કે વધતા જતા પેટ્રોલના ભાવને કારણે સામાન્ય માણસનું બજેટ ખોરવાયું છે. પેટ્રોલ મોંઘુ થવાને કારણે સામાન્ય ચીજ વસ્તુઓ પણ મોંઘી થઈ રહી છે. જેના કારણે લોકોને ભારે હાંલાકી પડી રહી છે.