નિર્મલા સીતારમણે શુક્રવારનાં રોજ મોદી સરકારનાં બીજા કાર્યકાળનું પ્રથમ બજેટ રજૂ કરી દીધું છે. જેમાં પેટ્રોલ અને ડીઝલની કિંમત બે રૂપિયા વધારવાની જાહેરાત કરવામાં આવી. આ સિવાય સોના પર કસ્ટમ ડ્યૂટી 10%થી વધારીને 12.5% કરી દેવામાં આવી. હાલમાં પેટ્રોલ પર 17.98 રૂપિયા અને ડીઝલ પર 13.83 રૂપિયે પ્રતિ લીટર એક્સાઇઝ ડ્યૂટી છે. હવે આને એક રૂપિયા વધારી દેવામાં આવેલ છે.
ન્યૂ દિલ્હીઃ નાણાંમંત્રી નિર્મલા સીતારમણે (Nirmala Sitharaman) શુક્રવારનાં રોજ મોદી સરકારનાં બીજા કાર્યકાળનું પ્રથમ બજેટ (Budget 2019) રજૂ કરી દીધું છે. જેમાં પેટ્રોલ (Petrol) અને ડીઝલ (Diesel) ની કિંમત બે રૂપિયા વધારવાની જાહેરાત કરવામાં આવી. આ સિવાય સોના પર કસ્ટમ ડ્યૂટી 10%થી વધારીને 12.5% કરી દેવામાં આવી. સીતારમણે કહ્યું કે, 'કાચા તેલનાં ભાવ છેલ્લાં કેટલાંક સમયમાં ઓછાં થયા છે. આનાંથી અમને પેટ્રોલ-ડીઝલ પર લાગનારી એક્સાઇઝ ડ્યૂટી અને સેસની સમીક્ષા કરવાનો મોકો મળ્યો.
પેટ્રોલ-ડીઝલ થયું મોંઘુઃ
હાલમાં પેટ્રોલ પર 17.98 રૂપિયા અને ડીઝલ પર 13.83 રૂપિયે પ્રતિ લીટર એક્સાઇઝ ડ્યૂટી છે. હવે આને એક રૂપિયા વધારી દેવામાં આવેલ છે. આ જ રીતે રોડ અને કંસ્ટ્રક્શન સેસ પણ એક રૂપિયા પ્રતિ લિટર વધારી દેવામાં આવેલ છે. આ સિવાય બેસ પ્રાઇઝ પર સેન્ટ્રલ એક્સાઇઝ ડ્યૂટી લગાવ્યા બાદ લોકલ સેલ્સ ટેક્સ અને વેલ્યુ એડેડ ટેક્સમાં પણ વધારો થયો છે. જેનાંથી પેટ્રોલ 2.50 રૂપિયા પ્રતિ લિટર અને ડીઝલ 2.30 રૂપિયા પ્રતિ લિટર સુધી વધી ગયો. દિલ્હીમાં પેટ્રોલ 70.51 રૂપિયા પ્રતિ લિટર છે, જે વધીને 73.01 રૂપિયા પ્રતિ લિટર થઇ જશે. ત્યારે ડીઝલ 64.33 રૂપિયા પ્રતિ લિટર છે, જે વધીને 66.63 રૂપિયા પ્રતિ લિટર થઇ જશે.
દેશની પહેલી પૂર્ણકાલિન મહિલા કેન્દ્રીય નાણાંમંત્રી નિર્મલા સીતારમણ મોદી સરકારનાં બીજા કાર્યકાળનું પહેલું બજેટ રજૂ કરી ચૂક્યાં છે. ત્યારે બજેટમાં ભાષણ આપતી વખતે તમણે જણાવ્યું હતું કે, પેટ્રોલ-ડીઝલ પરની એક્સાઇઝ ડ્યૂટીમાં લિટર દીઠ 1 રૂપિયાનો વધારો કરવામાં આવ્યો છે. ત્યારે નાણાંમંત્રી નિર્મલા સીતારમણ દ્વારા ઓઈલ પર વધુ એક ટકા લગાવવામાં આવ્યાં. જેથી તેને લઇને પેટ્રોલ-ડીઝલનાં ભાવમાં વધારો થવાની શક્યતા હતી. ત્યારે ટેક્સ વધવાનાં કારણે આખરે પેટ્રોલ-ડીઝલ પણ મોંઘુ થઈ ગયું. મહત્વનું છે કે દેશની ઓઈલ માર્કેટિંગ કંપનીઓ જેવી કે (HPCL, BPCL, IOC) દરરોજ પેટ્રોલ-ડીઝલની કિંમતોની સમીક્ષા કરે છે.
આખરે કઈ રીતે નક્કી થાય છે પેટ્રોલનાં ભાવ?
તમને જણાવી દઇએ કે અત્યાર સુધી ઓઈલને GSTમાં શામેલ કરવામાં નથી આવ્યું. આ કારણોસર તેની પર એક્સાઈઝ ડ્યુટી પણ લાગતી હતી અને વેટ પણ. ત્યારે કેન્દ્ર સરકાર પેટ્રોલનાં વેચાણ પર એક્સાઈઝ ડ્યુટી વસુલે છે અને રાજ્ય સરકાર વેટ વસુલે છે.