પેટ્રોલ-ડીઝલના ભાવમાં થોડાંક દિવસ સુધી કોઈ વધારો નહીં કરવામાં આવે!
સરકાર કરી શકે છે પેટ્રોલ-ડીઝલની ખરીદી પર એક્સાઈઝ ડ્યુટીમાં ઘટાડો
લગભગ દોઢેક મહિના બાદ 22 માર્ચથી દેશભરમાં ઇંધણની કિંમત વધવા લાગી અને આ દરમિયાન રાજધાની દિલ્હીમાં ઇંધણની કિંમતમાં 10 રૂપિયા પ્રતિ લિટરનો વધારો થયો છે. મીડિયા રિપોર્ટ્સ અનુસાર, ઇંધણની વધતી કિંમતોથી લોકોને રાહત આપવા માટે સરકાર એક મોટી યોજના બનાવી રહી છે.
પેટ્રોલ-ડીઝલના ભાવમાં થોડાંક દિવસો સુધી નહીં થાય વધારો!
સૂત્રો પાસેથી મળેલી માહિતી અનુસાર, પેટ્રોલ-ડીઝલના ભાવમાં થોડાંક દિવસ સુધી કોઈ વધારો નહીં કરવામાં આવે. રિપોર્ટ અનુસાર, મોંઘા ઇંધણની કિંમતોથી લોકોને રાહત આપવા માટે સરકારે દેશની મોટી ઓઇલ માર્કેટિંગ કંપનીઓને સૂચના આપી છે. રિપોર્ટમાં કહેવામાં આવ્યું કે, જો આંતરરાષ્ટ્રીય બજારમાં ક્રૂડ ઓઈલની કિંમતોમાં ઘટાડો નહીં થાય અને જો તેમાં સતત વધારો થતો રહેશે તો સરકાર પેટ્રોલ-ડીઝલની ખરીદી પર એક્સાઈઝ ડ્યુટીમાં ઘટાડો કરશે જેથી કરીને લોકોને મોંઘા ઈંધણમાંથી રાહત મળી શકે છે. આ સિવાય રિપોર્ટમાં એમ પણ કહેવામાં આવ્યું કે, કેન્દ્ર સરકારે તમામ રાજ્ય સરકારોને પેટ્રોલ-ડીઝલ પર વસૂલવામાં આવતા વેટમાં ઘટાડો કરવા પણ કહ્યું છે.
સમગ્ર દેશમાં 4 નવેમ્બર, 2021થી લગભગ સાડા ચાર મહિના સુધી ઇંધણની કિંમતો સંપૂર્ણપણે સ્થિર થઇ ગઇ છે. આ દરમિયાન દેશનાં 5 રાજ્યોમાં વિધાનસભાની ચૂંટણી પણ યોજાઈ અને પરિણામો પણ આવ્યા. ચૂંટણી પૂરી થયાના 11 દિવસ બાદ એટલે કે 22 માર્ચથી પેટ્રોલ-ડીઝલના ભાવ વધવા લાગ્યા અને જોતજોતામાં 16 દિવસમાં ઇંધણ 10 રૂપિયા પ્રતિ લિટર મોંઘુ થઈ ગયું.
જો કે, દેશભરમાં મોંઘવારીના માર વચ્ચે આજે લોકોને પેટ્રોલ-ડીઝલની વધતી જતી કિંમતોથી થોડી રાહત મળી છે. દેશની ઓઈલ કંપનીઓએ આજે પેટ્રોલ-ડીઝલના ભાવમાં વધારો નથી કર્યો. જેથી, આજે તમામ મોટા શહેરોમાં પેટ્રોલ-ડીઝલ 6 એપ્રિલના રોજ સમાન ભાવે ઉપલબ્ધ થશે. તમને જણાવી દઈએ કે, છેલ્લાં 17 દિવસમાં આજે ત્રીજી વખત એવું થયું કે, જ્યારે ઇંધણની કિંમતમાં કોઈ જ વધારો નથી થયો.
દિલ્હીમાં 16 દિવસમાં 10 રૂપિયા પ્રતિ લિટર ઇંધણ મોંઘુ થયું
જણાવી દઈએ કે 3 નવેમ્બર, 2021ના રોજ કેન્દ્ર સરકારે પેટ્રોલ-ડીઝલની ખરીદી પર લાગતી એક્સાઈઝ ડ્યુટીમાં ઘટાડો કરવાની જાહેરાત કરી હતી. જે બાદ રાજ્યોએ પણ પોતાના સ્તરે ઇંધણની ખરીદી પર વસૂલાતા ટેક્સમાં છૂટ આપવાની જાહેરાત કરી હતી. 4 નવેમ્બર, 2021થી લગભગ સાડા ચાર મહિના સુધી સમગ્ર દેશમાં ઇંધણની કિંમતો સંપૂર્ણપણે સ્થિર છે. આ દરમિયાન દેશના 5 રાજ્યોમાં વિધાનસભાની ચૂંટણી પણ થઈ અને પરિણામો પણ આવ્યાં. ચૂંટણી પૂરી થયાના 11 દિવસ બાદ એટલે કે 22 માર્ચથી પેટ્રોલ-ડીઝલના ભાવ વધવા લાગ્યા અને જોતજોતામાં 16 દિવસમાં ઇંધણ 10 રૂપિયા પ્રતિ લિટર મોંઘુ થઈ ગયું.
માર્ચ 2022માં ક્રૂડ ઓઈલની કિંમત પ્રતિ બેરલ $130 સુધી પહોંચી ગઈ હતી
ચૂંટણી સમયે પેટ્રોલ અને ડીઝલના ભાવ સ્થિર રાખવાને કારણે ઓઈલ કંપનીઓને હજારો કરોડનું નુકસાન થયું હતું કારણ કે તે દરમિયાન આંતરરાષ્ટ્રીય બજારોમાં ક્રૂડ ઓઈલની કિંમતો ઝડપથી વધી રહી હતી. માર્ચની શરૂઆતમાં ક્રૂડ ઓઈલની કિંમત બેરલ દીઠ $130 સુધી પહોંચી ગઈ હતી. આથી, ઓઇલ કંપનીઓએ તે સમયગાળા દરમિયાન થયેલા નુકસાનની ભરપાઈ કરવા માટે ઓઇલના ભાવમાં સતત વધારો કરવાનું શરૂ કર્યું. જણાવી દઈએ કે, દેશના ચાર મહાનગરોમાં પેટ્રોલની કિંમત 120 રૂપિયા પ્રતિ લિટરને પાર પહોંચી ગઈ છે. દિલ્હીમાં એક લિટર પેટ્રોલની કિંમત 105 રૂપિયા, ચેન્નાઈમાં 110, કોલકાતામાં 115 અને મુંબઈમાં 120 રૂપિયાની ઉપર પહોંચી ગઈ છે.