જૂન મહિનાની શરૂઆતમાં જ પેટ્રોલના ભાવમાં 26 પૈસા પ્રતિ લિટર અને ડીઝલના ભાવમાં 23 પૈસા પ્રતિ લિટરનો વધારો થતાં અનેક શહેરોમાં પેટ્રોલનો ભાવ 100 રૂપિયાને પાર થયો છે.
જૂન મહિનાની શરૂઆતમાં ફરી વધ્યા પેટ્રોલ અને ડીઝલના ભાવ
પેટ્રોલના ભાવમાં 26 પૈસા પ્રતિ લિટરનો થયો વધારો
ડીઝલના ભાવમાં 23 પૈસા પ્રતિ લિટરનો વધારો થયો
પેટ્રોલ અને ડીઝલની વધતી કિંમતના કારણે સામાન્ય માણસની મુશ્કેલીઓ સતત વધી રહી છે. મંગળવાર અને જૂન મહિનાની શરૂઆતમાં ફરી એક વાર પેટ્રોલના અને ડીઝલના ભાવમાં વધારો જોવા મળી રહ્યો છે. આ પહેલા મે મહિનામાં 16 વખત ભાવ વધારો થયો હતો. આંતરરાષ્ટ્રીય બજારમાં કાચા તેલની કિંમતોમાં વધારો જોવા મળી રહ્યો છે, આ કારણે ઘરેલૂ તેલ કંપનીઓ પણ પેટ્રોલ અને ડીઝલની કિંમતોના ભાવ વધારી રહી છે.
જાણો શું છે આજના પ્રમુખ શહેરોમાં પેટ્રોલ અને ડીઝલના નવા ભાવ
આજના નવા ભાવ વધારા બાદ રાજધાનીમાં પેટ્રોલ અને ડીઝલ નવા રેકોર્ડ સ્તરે પહોંચ્યું છે. દિલ્હીમાં પેટ્રોલ 26 પૈસાના વધારા સાથે 94.49 રૂપિયા પ્રતિ લિટર થયું છે. આ સાથે ડીઝલ 23 પૈસાના વધારા સાથે 85. 38 રૂપિયા પ્રતિ લિટર થયું છે. મુંબઈમાં પેટ્રોલનો નવો ભાવ 100.72 રૂપિયા થયો છે તો ડીઝલ 92.69 રૂપિયા પહોંચી ચૂક્યું છે. કોલકત્તા અને ચેન્નઈમાં કિંમતોમાં વધારો જોવા મળી રહ્યો છે. કોલક્તામાં આજના પેટ્રોલના ભાવ 94.50 રૂપિયા અને ડીઝલના ભાવ 88.23 રૂપિયા પ્રતિ લિટર રહ્યા છે. જે સૌથી ઓછા હોવાનું અનુમાન છે.
શા માટે મોંઘું થઈ રહ્યું છે પેટ્રોલ અને ડીઝલ
પેટ્રોલ અને ડીઝલના વધતા ભાવને લઈને એક્સપર્ટનું માનવું છે કે આંતરરાષ્ટ્રીય બજારમાં કાચા તેલની કિંમતોમાં વધારો જોવા મળી રહ્યો છે, આ કારણે ઘરેલૂ તેલ કંપનીઓ પણ પેટ્રોલ અને ડીઝલની કિંમતોના ભાવ વધારી રહી છે.
દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડ બજારના ભાવનો આધારે પેટ્રોલ ડીઝલની કિંમતો નક્કી થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવામાં આવે છે જ્યારે ડીલરો રિટેલ કિંમતો પર ટેક્સ અને પોતાના માર્જિનને કાઢ્યા બાદ પેટ્રોલ વેચે છે.
આવી રીતે જાણી શકાય છે પેટ્રોલ ડીઝલના ભાવ
પેટ્રોલ-ડીઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.