રાહત / હાશ! રક્ષાબંધને થોડી રાહત તો મળી, ઘણા સમય બાદ જાણો કેટલા ઘટ્યા પેટ્રોલ-ડીઝલના ભાવ

• ક્રૂડ ઓઈલના ભાવમાં થયેલા ઘટાડાનો ફાયદો પેટ્રોલ-ડીઝલના ફાળે
• પેટ્રોલની કિંમતમાં 20 પૈસા તો ડીઝલની કિંમતમાં 18 થી 20 પૈસાનો ઘટાડો
• પેટ્રોલ-ડીઝલના ભાવમાં કયા રાજ્યમાં કેટલો ઘટાડો થયો?

પેટ્રોલ-ડીઝલના ભાવમાં ઘટાડો

રવિવારે પેટ્રોલની કિંમતમાં 20 પૈસા સુધી તો ડીઝલની કિંમતમાં 18 થી 20 પૈસા પ્રતિ લિટરનો ઘટાડો થયો છે. તો લગભગ એક અઠવાડિયામાં ડીઝલ પ્રતિ લિટર 80 પૈસા પહોંચી ગયુ છે. જો ક્રૂડ ઓઈલમાં ઘટાડાનો દોર યથાવત રહ્યો તો ઓઈલના ભાવમાં હજી ઘટાડાનું અનુમાન છે.

પેટ્રોલ-ડીઝલના ભાવ

ઈન્ડિયન ઓઈલની વેબસાઈટ પર આપવામાં આવેલી માહિતી મુજબ, રવિવારે દિલ્હીમાં પ્રતિ લિટર પેટ્રોલ 101.64 અને ડીઝલ 89.07 રૂપિયા, મુંબઈમાં પેટ્રોલ 107.66 અને ડીઝલ 96.64 રૂપિયા, કોલકત્તામાં પેટ્રોલ 101.93 અને ડીઝલ 92.13 રૂપિયા, ચેન્નઈમાં પેટ્રોલ 99.32 અને ડીઝલ 93.66 રૂપિયા, બેંગલુરૂમાં પેટ્રોલ 105.13 અને ડીઝલ 94.49 રૂપિયા, લખનઉમાં પેટ્રોલ 98.70 અને ડીઝલ 89.45 રૂપિયા, જયપુરમાં પેટ્રોલ 108.56 અને ડીઝલ 98.22 રૂપિયા, ગુરૂગ્રામમાં પેટ્રોલ 99.35 અને ડીઝલ 89.75 રૂપિયા, હૈદ્રાબાદમાં પેટ્રોલ 105.69 અને ડીઝલ 97.15 રૂપિયા, રાંચીમાં પેટ્રોલ 96.53 અને ડીઝલ 94.02 રૂપિયા કરવામાં આવ્યું છે.

ક્રૂડ ઓઈલમાં ઘટાડો

ક્રૂડ ઓઈલના આંતરરાષ્ટ્રીય વેપારમાં ઘટાડાનો ક્રમ યથાવત છે. અમેરિકન કેન્દ્રીય બેંક ફેડરલ રિઝર્વે સંકેત આપ્યો છે કે કોવિડ-19ના આપવામાં આવેલા સ્ટિમ્યુલસ પેકેજને ટૂંક સમયમાં સમાપ્ત કરવામાં આવશે. ચાલુ અઠવાડિયા દરમ્યાન ક્રૂડ ઓઈલના ભાવમાં અંદાજે 7 ટકા ઘટાડો થયો છે. જ્યારે બ્રેન્ટ ક્રૂડ ઉતરીને 67 ડોલર પ્રતિ બેરલના સ્તરની નજીક આવી ગયો છે.